影片
更多
2017-12-07
101 瀏覽
月頭出o左糧，又係時候擦番餐好！上次都介紹過另一間觀塘工廈o既cafe，我今次試呢下個give me five。餐廳係間restaurant bar，入到o黎見佢有成層咁大，地方好闊落wo。 有一整排近窗o既卡位，部份仲可以望出出面維港，景色優美。內裡o既格局帶點水手同西部牛仔theme，其中一角放o左兩檯飛標機同一張snooker 檯俾d 客娛樂番下。驟眼所見，一家大細o黎聚餐同放o左工o既打工仔o黎吹下水都有，客源都幾廣~我自己呢就o係炸軟殼蟹煙肉卡邦尼意大利粉，同香蒜辣椒白酒煮蜆配意大利粉(都係單叫$108，set dinner 就$188，未加一) 之間爭持o左好耐，最後決定叫前者，連埋set 會係個未計主菜o既4-set dinner。Order o既時候侍應話可以再加$10 叫隻生蠔，其實真係好抵，不過較早前個tea 未完全落格，有d 驚食唔晒，所以可能next time 啦。前菜蜜瓜西班牙火腿配黑醋汁沙律，塊火腿係巴馬風乾o個種火腿，會有種自然o既鹹味；個沙律則比想像中辣，好在有番d 甜o既蜜瓜粒中和下。餐湯係周打魚忌廉湯，帶點淡淡而唔腥o既魚味，仲有一片蒜蓉包，而就算係
我自己呢就o係炸軟殼蟹煙肉卡邦尼意大利粉，同香蒜辣椒白酒煮蜆配意大利粉(都係單叫$108，set dinner 就$188，未加一) 之間爭持o左好耐，最後決定叫前者，連埋set 會係個未計主菜o既4-set dinner。Order o既時候侍應話可以再加$10 叫隻生蠔，其實真係好抵，不過較早前個tea 未完全落格，有d 驚食唔晒，所以可能next time 啦。
前菜蜜瓜西班牙火腿配黑醋汁沙律，塊火腿係巴馬風乾o個種火腿，會有種自然o既鹹味；個沙律則比想像中辣，好在有番d 甜o既蜜瓜粒中和下。餐湯係周打魚忌廉湯，帶點淡淡而唔腥o既魚味，仲有一片蒜蓉包，而就算係一舊蒜蓉包也好，佢都係成塊木板咁上的。
主菜o黎喇，我無估過佢隻軟殼蟹係成隻趴o係度，好誇張呀！其實都幾香口o既，不過最好一啖蟹一啖粉，會無咁成口油o個隻油膩感，同埋隻蟹本身都係比較鹹o左少少。個粉幾唔錯o既，唔會話太多汁或者d 粉發晒大o個類。因為已經飽飽地，我最後無食晒d 粉……
甜品係芝士餅配雪糕，cheese cake 上面有一塊食落似芒果味o既jelly，雪糕則係雲尼拿雪糕，兩樣都細細件咁啦，o岩o架喇，唔係都食唔落。唉呀早知個tea 唔好食咁多先o黎啦，如果唔係試埋個生蠔會仲滿足……
張貼
