影片
更多
2011-04-06
38 瀏覽
尋晚(5-4-2011 Tue清明節)因爸爸o係大陸唔返o黎,男友又返o左工,出去等男友放工食晚飯啦.去到佢公司,佢叫我上網搵o野食,搵到一間o係南京街食西餐,點知我o地走得好怱忙,所以冇寫低地址,就靠自己搵南京街.點知我o地搵唔到,於是我o地過o左佐敦道搵其他o野食,我o地行返o黎吳松街,見到之前有間食串燒o既執o左,變o左食牛腩,我又冇興趣食.望望對面,有間好似好得意o既o野喎,睇吓咩o野o黎?哦?!係食上海菜,就好似食廣東點心咁,唔使大大碟,就呢間啦.我o地叫o左:5. $20.00o既四喜烤麩呢個第一個上枱,好彩侍應放低時講埋畀我o地知係烤麩,否則我真係唔知係咩o野,因為我未食過,而且….以為烤麩好似米通o個啲.呢個係油豆腐,配料有冬菇同筍,油豆腐入晒味,味道有啲似肉骨茶,但冇咁濃.男友話睇到似係手撕唔係刀切,好有好感.味道: 4.7分4. $25.00o既燻魚我唔記得以前食上海菜有冇食過,最後同男友相議要呢個唔要陽春麵.配料都有冬菇,呢個味道都濃烈,但唔夠烤麩強.不過呢個酸酸o地,兩者被我揀,我就鍾意呢隻.不過有一點要注意o既,就係太冰凍,要等多一陣暖返啲至好食啲.味道: 4
去到佢公司,佢叫我上網搵o野食,搵到一間o係南京街食西餐,點知我o地走得好怱忙,所以冇寫低地址,就靠自己搵南京街.
點知我o地搵唔到,於是我o地過o左佐敦道搵其他o野食,我o地行返o黎吳松街,見到之前有間食串燒o既執o左,變o左食牛腩,我又冇興趣食.
望望對面,有間好似好得意o既o野喎,睇吓咩o野o黎?哦?!係食上海菜,就好似食廣東點心咁,唔使大大碟,就呢間啦.
我o地叫o左:
5. $20.00o既四喜烤麩
呢個第一個上枱,好彩侍應放低時講埋畀我o地知係烤麩,否則我真係唔知係咩o野,因為我未食過,而且….以為烤麩好似米通o個啲.呢個係油豆腐,配料有冬菇同筍,油豆腐入晒味,味道有啲似肉骨茶,但冇咁濃.男友話睇到似係手撕唔係刀切,好有好感.
味道: 4.7分
4. $25.00o既燻魚
我唔記得以前食上海菜有冇食過,最後同男友相議要呢個唔要陽春麵.配料都有冬菇,呢個味道都濃烈,但唔夠烤麩強.
不過呢個酸酸o地,兩者被我揀,我就鍾意呢隻.不過有一點要注意o既,就係太冰凍,要等多一陣暖返啲至好食啲.
味道: 4.3分
6. $45.00o既三杯雞
食完前菜到主菜,呢個o黎到時我都唔記得係咩o野.色澤同樣好深,食落就食得出酒味,配菜依然都係有冬菇.雖然我o地唔知重有咩調味料,但感覺已經係用心烹調.味道: 4分
1. $12.00o既生煎鍋貼(2隻)
皮唔係好薄,底係有煎燶,但冇以前細細個時食o個啲鍋貼咁燶,好似冇o左o個種風味.除此之外,味道亦唔同,感覺係為就香港人o既口味,覺得係普通o既餃子,料算多但唔香口,好似欠缺北方風味.味道: 2.5分
2. $14.00o既炸金絲卷一條
男友仔細睇,發現原來有銀絲卷同金絲卷兩樣o野,就問有咩分別.侍應話金絲卷係啲麵團加o左南瓜汁去搓,有微微o既南瓜味.明白後我o地就要呢個.o黎到,熱辣辣的,睇睇裡面,原來裡面o既南瓜麵團係一條條,而且咬開後真係重係分得開,雖然唔係好幼o既一絲絲,但感覺好得意.
呢個外脆內軟軟地,不過都要蘸鍊奶食,唔知尋晚我做咩突然嗜甜,幾乎每一啖都要蘸鍊奶食.味道: 4.5分
7. $12.00o既南翔小籠包(2隻)
呢個係上o左炸金絲卷後又想試後叫o既,小籠包冇傳統o既咁細隻,但皮好薄,不過唔易難,內裡有好多熱騰騰o既湯汁,錎料唔乾,味道亦OK.味道: 4分
3 $16.00o既酒釀丸子
有好多丸子,桂花糖水好甜,丸子好煙韌,但食到最底就有正常o既苦味.食埋呢個甜品好滿足.
味道: 4.7分
服務:
好好,好有禮貌好親切.
衛生:
我o地一坐低就有隻蚊飛吓飛吓,不過好彩之後唔見o左.
環境:
坐得好舒適吖.
其他:
呢餐計埋茶錢係$169.00有,感覺貴o左啲,不過樣樣份量都唔係多,人少少都可以食到好多種o野.
男友覺得呢o度OK,下次可以帶朋友o黎食.
張貼
