華星冰室 (西洋菜南街)

營業中

休息中

其實一直以嚟都係華星冰室嘅fans, 幾乎每個月都會嚟一次, 貪佢速度快, 味道好, 位置方便。但估唔到我都未嚟得切寫個好評俾佢, 而家嘅水準已經下降到我要嚟寫負評了...... 每一次嚟我都一定係叫常餐: 牛油多士配火腿煎蛋, 叉燒通粉, 熱咖啡 以往佢嘅優勝之處, 煎蛋兩個黃永遠都係爆漿太陽蛋, 加少少鹽, 簡單而滋味...點知今次, 全熟?!?!?! 咁我自己煮都冇咁嬲啦??? 唯獨是牛油多士同火腿不變, 但呢樣都正常丫下話 個叉燒通粉......唉, 以前叉燒都有5,6,7舊, 都叫做靚靚地, 幾好味, 而家呢? 4,5舊??? 仲要細粒過我手指尾?????? 咩事? 敷衍我??? 個通粉又想點??? 又硬又未熟??? 個湯底落咗幾多味精?????? 你知唔知我食完想喊? 以前嘅華星去咗邊度? 個廚房佬換咗? 定係你哋而家多強國人嚟幫襯喇...就莫視質素? 唯一一樣嘅安慰...就係我身旁嗰位, 話你嘅地炸雞脾依然咁好味咁出色, 但係......唉, 你哋檢討下啦真係

今次同男朋友第一次黎食。我就叫左奶油豬仔包 $20脆口，烘得啱啱好。飲品叫左什菓冰 $25味道比較似橙汁，有啲酸，再加罐頭雜果？無咩特別。男朋友叫左校長多士 $25味道係唔錯嘅，芝士加黑松露都幾特別。西瓜沙冰 唔記得幾錢唔夠冰，無咩西瓜味，落左好多糖水。另外仲加左個炸雞脾 $18個皮好薄，啲肉太乾，一般般。

今日同朋友嚟到旺角呢邊，見到華星冰室好似好耐冇食啦，所以就同朋友排咗一陣隊。呢段時間好在唔係太多人所以等左唔使五分鐘，都算幾快👏🏻👏🏻👏🏻同朋友不約而同都好想每款野食都試下，所以決定採取兩個人share😆😆😆常餐 - 叉燒意粉，火腿炒蛋，牛油多士 +飲品 $38其實叉燒意粉一啲都唔特別，味道普普通通叫常餐可以話係為咗個火腿炒蛋所以先嗌，炒蛋食炒蛋好滑身而且有蛋香味，係唔錯既！多士有烘底，外脆內軟軟硬沙嗲牛肉包 $23突然之間好想食沙嗲牛肉，所以就叫左一個牛肉包。上枱熱辣辣賣相非常吸引😍😍😍牛肉包外脆而內裡好鬆軟，食落外層帶點脆身，沙嗲牛肉個汁整得好入味，而且麵包索咗沙嗲牛肉嘅汁真係冇得頂！👍🏻👍🏻😋佢個沙嗲牛肉做得咁出色點解唔會有常餐架😢炸雞脾 $18炸雞髀唔會炸得太過干身，味道適中唔錯！不過知道有啲熱氣，兩個人share份量啱啱好😁