串本屋 (已結業)

今日試左呢間日食串燒小店，must encore😋- 雜錦鳥冬鍋呢個烏冬鍋份量勁多🤣分別有一個雜錦鍋，再加一大碗烏冬，雜錦有天婦羅蝦、芝士獅子狗、雞肉、粉絲、唔同種類嘅菜etc 壽喜燒湯底好入味👍🏻- 鹽燒封門柳、蒜香封門柳串兩款都燒到勁juicy keep到肉汁，唔會太韌，但個人覺得蒜香配搭埋一大堆蒜茸惹味啲👍🏻- 三文魚籽黃金醬燒元貝無諗過元貝會咁大粒🤣黃金醬食落有啲似沙律醬，燒到表面焦焦地好香口- 炸雞軟骨必食炸雞軟骨！應該加左嘅椒鹽粉但又唔會太厚，同軟骨比例非常好👍🏻而且呢個價錢有呢個份量幾抵食- 燒日本芝士年糕第一次見包住紫菜嘅芝士年糕🤣平時食開住咁年糕包住啲半流心芝士，今次加埋紫菜反而更有口感- 焦糖燒菠蘿食得出係新鮮菠蘿，焦糖脆面，酸酸甜甜好開胃～

大廈林立，地鋪有間主打日本料理既餐廳，除左經濟主食，最重要有串燒燒物。掃qr code落單，會update d新菜式，唔鍾意都可以叫侍應落單。平日晚市7點，已有唔少客人，枱與枱之間距離唔會好近，重點係張枱好大，夠位放好多小菜，而且環境舒服。免治雞肉棒三色套餐($68)，大推，因為超級好食。一咬，雞肉汁爆出黎，雞軟骨打碎後仲帶有口感，有細粒軟骨，非常juicy。三種口味中，明太子最濃，而柚子味清爽。三文魚籽黃金醬燒元貝($50)，一客2大隻好抵食而且元貝肉好大粒。芝士千島醬(?)燒過後鹹香味極濃郁，上面仲有魚籽，尼個係心機之作，必叫。芝士燒天火蠔($68)，又係另一個必叫燒物，外層大量半溶芝士，燒蠔超重鮮味，完全唔腥，仲要好飽滿。個芝士醬汁超濃烈，揀燒海鮮一定冇錯。煙肉車尼茄串($26)，電子menu上既新燒物，車尼茄一咬好甜多汁，煙肉燒熱後油脂逼出黎，更脆，估唔到又幾夾。露筍豚肉串($28)，露筍軟身，豚肉燒完帶d焦脆。鹽燒雞中翼($24)，已開邊，方便食。雞翼雞皮香口，肉唔會乾，加檸檬汁更加清爽又唔會膩。炸雞軟骨($24)，估唔到一客都有咁多粒，粒粒都大而脆口，配美乃滋更適合當下酒菜

雖然重開晚市堂食，不過有時始終都唔係太想去啲好熱門或者好多人嘅餐廳🙊 同時間都想支持吓啲非集團連鎖嘅小店💪.同朋友揀咗佐敦呢間叫「串本屋」嘅居酒屋，主要係以串燒做主打， 環境好舒服，menu 好多選擇，價錢仲好親民😌食串燒點少得啤酒🤣🔺枝豆送酒一流🥰🔺燒牛舌 | 燒封門柳個人比較鍾意燒牛舌多啲，燒到邊邊有啲脆，一咬落去啲肉汁出晒嚟😍🔺燒豆腐我好鍾意😍 豆腐外皮係好脆，佢地調嘅醬甜甜地，加埋芝麻同鏗魚片，正👍🏻🔺燒鰻魚🔺炸雞軟骨😍😍🔺三文燒茶漬飯好味👍🏻👍🏻😍🔺多春魚🔺燒雞皮😍😍🔺燒免治雞棒🔺燒飯團佢地嘅串燒全部都即叫即燒，好好味👍🏻.整體上都好滿意，食物質素好好，價錢都好抵👍🏻 服務都好好，老闆同啲熟客仲會一齊飲酒，真係好似去咗日本啲居酒屋咁，好有人情味😍🥰