ChumChum味 (已結業)

喺香港疫情困咗咁耐 好耐都冇好好地真真正正出街食一個滿足嘅晚餐。 今晚終於有機會著靚啲佢尖沙咀食韓國菜。 餐廳裝修風格好有韓國風味， 而且有露天位置 ，坐得好舒服， 猶如置身韓國街頭一樣。先拔頭籌當然就係食醬油蟹， 整體十分出色， 醬油味同蟹肉嘅鮮味配搭十分平均 ，平分春色 互相輝映。 下一道菜就當然係 我個人最鍾意嘅炸雞。 揀咗兩個味道，分別就係蜂蜜蜜糖炸雞 同埋蘋果教牧炸雞。雞肉嫩滑，份量十分充足 大大盤食極都有。再來就係一個人參雞湯。天氣凍嘅時候，飲落個人特別温暖， 濃郁嘅人蔘雞味， 攞嚟撈飯食一流 。而且直雞煲到好林， 一絲絲嘅雞肉好好咬口。 最後嗌咗個韓式炒牛肉， 都係份量十分充足，獲氣爆棚。 員工同老闆都係韓國人 ，食物味十分地道， 值得推薦。

朋友極力推介叫我一定要去呢間食韓國菜，見疫情稍緩，就同太座呢個韓劇粉絲去食吓!店舖在地下商場內，雖然地址在麽地道，但應該由赫德道入去會較方便!門口已經聽到有韓語，心諗應該係由韓國人經營吧，點知坐低原來有唔少韓國人幫襯，咁真係要正宗先有咁多韓國人嚟食啦!未食過醬油蟹，太座叫我試吓，原來會跟一碗紫菜飯撈蟹肉嚟食，一啖食落去真係唔停得口，鮮甜無比，整碗紫菜飯都俾我掃清，強烈推介!太座見到有韓劇主角經常食嘅炸醬麵同炸雞，佢當然立即化身女主角啦，哈哈，我有我食飯，佢就第一時間夾著麵食，跟住係“嘩”咗一聲，佢話好味呀，係佢喺香港食過最好味嘅炸醬麵，食到佢幾開心；我食完飯食舊炸雞，外脆內軟，仲有肉汁，真係飽飽地都可以再食多幾舊，飲埋杯生啤，可以話完美!太座已經話下次食韓國菜要再嚟呢度食!朋友介紹我，我就一定推介俾大家!

用apps Book 6點有5折優惠，見咁抵就去試試。六點去到岩岩先開門準備，地方寬落，電視不停播韓歌MV，有得揀坐室外。服務就一般般，可能係剛開舖得一個人嘅關係。野食係好好有水準有分量。唔想食得咁熱氣，今次就無食燒肉，兩個人叫左三樣野，但多到食唔哂要打包，五折優惠同加一後，每人平均$120。前菜蘿蔔較為酸，另外三款都好食。蟹肉炒飯 $100 分量都多，炒到一粒粒，蟹肉味好出，甜甜地咁，愈食愈有鮮味。會有埋炸醬比你撈黎食，試左啖就覺得咁會嘥左蟹肉，無左個鮮甜味，所以就無撈黎食。炸雞 $188一半係原味，另一半可甜辣醬，分量好多，我地兩個只食到一半，有一半要打包。外脆內雞肉唔算好乾，粉都唔厚，會有泰式辣醬同鹽你點。蛋捲 $85都好大碟，無加芝士簡簡單單，幾好味，但個蛋熟左少少，建議加埋芝士食應該會更好味。

朋友介紹呢間話幾好食, 不過餐廳位置非常難搵, 係位處於一個唔起眼既商場入面, 不過餐廳裝修得幾有FEEL, 而當日都有幾枱韓國人食緊, 唔通真係特別正宗?!一坐低會有D泡菜小食比你, 都有唔同既款式, 仲可以refill, 另外就逐款野食介紹下~炸醬麵(大):賣相真係唔係幾好, 因為佢係撈好晒先上枱, 不過感覺上好食過係韓國食既炸醬麵, 因為無咁甜, 都幾好食。chumchum飯卷:唔係好知入面卷左d咩, 不過好似有d辣辣地既魚乾咁, 都幾惹味, 不過麻油味唔夠。甜辣&醬油炸雞(半份each):賣相幾吸引, 炸粉唔算太厚, 甜辣炸雞味道有d似麥記既泰式辣醬味XDDD醬油就唔係好夠香~海鮮鍋:好大盤!! 要至少6個人先好叫, 入面有蟹有青口有蜆, 菜, 豆腐等等, 湯底唔算辣, 不過幾香另外叫左2款燒肉, 原來可以叫佢地燒左先上枱不過味道普通~ 同埋呢間價錢偏高, 味道方面都無咩驚喜, 所以性價比唔太吸引~

食過一次，終於都要返黎再食過！是日早收工，去到未夠7點，有位，2個鐘用饍，夠晒啦上次2個人叫左一隻炸雞，今次醒水喇，叫半隻，加個壽司同海鮮湯面，同埋1pint啤酒。野食都上得幾快，炸雞唔錯，略嫌炸粉厚左dd，整體都ok，壽司都ok，海鮮湯面就真係爭d喇，食落去湯還湯面還面，下次可以食第2隻面

朋友推介話好食，一於黎踩塲！  落著微雨，唸著都唔會好多人，點知話咁快就7-8成滿！服務同環境都唔錯，呢度好多韓國侍應同好多韓國人，呢個魷魚撈麵真係唔講得少(對我黎講係), 真係要食牙！ 份量都好夠, 個汁同 d 魷魚都好好味!!指定動作啤酒加燒酒呢個炸雞話好好食, 我朋友推介, 不過我就一般般！