MR. MAKI (金巴利大廈)

營業中

休息中

同FD去尖沙咀行婚紗街，FD話有間細細嘅日本嘢一直有幫襯，地膽有推薦，咁就食哩間啦。哩間鋪頭唔大，裝修都幾靚，嘢食都幾豐富，有日本卷同飯可以揀。FD話要食進擊的鰻魚，我就揀咗先生牛肉飯，加20HKD左右已經可以包埋一份小食，沙律同飲品。先生牛肉飯好快來咗，小食係炸番薯條同埋搭配咗可樂。牛肉飯好大一份，仲搭配咗洋蔥同沙律，醬汁喺有少少甜味同埋都比得幾多，同牛肉一齊食超match。已經叫咗少飯，但都好大一份，最後都食唔哂。炸番薯條又真係好得意，薯條就食得多，番薯條好少有機會食得到。番薯條送上來仲热笠笠，食落好脆口，同埋啲番薯勁甜LOL，唔洗點茄汁已經超好味。進擊的鰻魚好大一份，有鰻魚，蟹柳，芝士，牛油果同木魚絲。醬汁係普通鰻魚醬味，成件卷食落口感好豐富，估唔到牛油果同鰻魚可以咁夾，真係食到停唔落口。加咗19HKD仲有4件炸雞，以為會細細件，睇到真係O哂嘴，超大一件喎。炸雞係即叫即整，仲加咗芥辣醬，超好味。地膽真係冇推薦錯，真係食得超滿足！

最近興食Poke Bowl，佢同傳統日式魚生飯最大分別，係佢除左切粒魚生之外，仲加左好多其他蔬菜，顏色更吸引，價錢亦較經濟。是日行過Mr. Maki見倒有Poke Bowl食就試下。店面唔大，不過都幾乾淨企理。Mr. Maki主打唔同款式嘅飯卷同Poke Powl，另外可以加錢轉set，會有埋沙律、小食同汽水。墨西哥辣妹($79) - 飯卷一客有八件，入面有拖羅、赤身、炸蝦、芝士同墨西哥辣椒，食倒拖羅嘅油潤同炸蝦嘅脆脆口感，如果唔特登食啲辣椒粒，都唔會太辣。我地另外加左$21要埋薯條、沙律同汽水，薯條係連皮脆得黎有啲咬口。吞拿魚兩味($98) - 哩個Poke Bowl入面有角切吞拿魚、吞拿魚蓉、牛油果、枝豆、粟米同椰菜，飯入面已經加左醬油，所以撈勻食幾清新又好味。我另外加左$19要埋炸雞、沙律同汽水，炸雞有四件，上面加左蜜糖芥辣醬，炸得幾脆唔會太乾。總結，Poke Bowl同飯卷都幾多料，味道係偏清爽，好啱冇乜胃口嘅日子食，全部幾十蚊有交易價錢合理。

這間店主打的都是特式飯卷，而且有lunch set，叫一個飯卷加錢就可以轉set，包沙律同野飲，另外可以因應價錢自行選擇配炸雞/薯條/蕃薯條/拉麵。麻麻哋軟殼蟹+ Set A炸雞 $81三文魚轉角遇上蝦 + Set B 薯條 $80炸蝦與軟殼蟹炸得十分香脆，飯卷上的醬汁比較重口味同有少少辣，佢落左好多醬汁，鐘意食醬料既朋友岩哂。炸雞很鮮嫩，而且配的醬汁酸酸甜甜，很開胃。整體都算不錯，係尖沙咀黎講，Lunch set 價錢算係好正常，唔會太貴，之後lunch 又可以多個選擇。

由於時間緊迫要來個快食午餐，於是嘗試一下新開張日式快餐，朋友話灣仔都有分店。店內環境乾淨整齊，有一排吧枱及幾張枱櫈。這家店子大部份主食都是新派卷物/大碗飯，有創意感覺清新；很喜歡他們有一部份卷物是素食，可以多一個和素食朋友食飯的選擇。到收銀下單時，發覺原來全部的食物都是即叫即做👍🏻最後選擇了兩個套餐，抵食之選:⭕️知我咩料 （炸飯薄餅）$52 + 19 (炸雞四件+沙律+汽水）這個薄餅很特別，薄餅底是脆炸飯餅，配少量菜絲，面上鋪滿了大量三文魚+醬汁+粟米片+少量蟹子; 飯底有一點飯焦很脆口，三文魚肥美嫩滑腍身，感覺就是集脆腍爽於一身，加上甜甜的醬汁，美味炸雞很嫩口多汁，皮很脆，配上芥末汁及燒汁混醬，正…⭕️墨西哥辣妹 $79 + 有皮薯條 + 沙律 +汽水$21 材料有吞拿魚拖羅 / 炸蝦 / 芝士 / 墨西哥辣椒 / 蟹子 / 脆趣 ；吞拿魚拖羅很多，多到成個小山丘咁高，拖羅入口即溶，很creamy ,配上醬汁更覺滑溜 炸蝦/ 粟米片醉脆口就像一個點綴，加上小辣的墨西哥辣椒，更加豐富口感。有皮薯條，外脆內軟，金黃色，夠粗👍🏻沙律配上沙律油，酸酸甜甜的感覺，可以中和煎炸嘢的邪惡感☘️⭕️蜜