School Food (已結業)

又一次跟隨openrice龍虎榜搵嘢食～今次嚟到銅鑼灣人氣高企嘅韓食school food。話明人氣高企，要排隊已經係預料之內！一到門口，果然係好多人⋯接近於last order時段，人潮還不斷⋯又係有限時，個幾鐘用膳時間。排左十幾分鐘，入座第一時間當然要火速落order啦！因為可以爭取更多時間慢慢嘆。店內燈光偏暗，好自然令人有放鬆嘅心情⋯餐牌唔算太多選擇，比較西式化嘅韓國料理。圖片齋睇其實都幾吸引，樣樣都好想試，但見到附近檯面嘅食盆其實都幾大⋯基本上一人叫一個set,張檯其實應該啱啱夠擺⋯⋯結果最後揀左兩款主菜同一壺芒果特飲,再加一款小食⋯由落order到上菜，其實都幾有效率！好快就見到食物嘅盧山真面目！其實同圖片真係無異！呢樣其實可以加分！因為坊間有好多都係圖片只作參考，做到與圖片無異，基本好值得讚賞！芒果特飲，果香味道唔錯！容量都幾多，兩個人一人飲幾杯都仲有！烏卒卒（墨魚），個樣雖然烏卒卒，但一啲都唔醜樣！黑得嚟夠索！味道甜甜地，墨魚同飯粒好夾，仲有小小辣辣地，煙煙韌韌，又幾特別喎！軟芝士泡菜鐵鍋飯，賣相好吸引喔！每粒飯嘅顏色好均勻，飯亦處理得好，唔太乾唔太濕，味道亦係甜甜，又辣

見系FB 咁多人POST 話幾好食幾好食...我又同男朋友去下先^^墨汁墨魚卷  味道吾錯 ...仲好好咬口韓式炸雞 ...都系即炸既....加埋木多好多大蔥....正另外仲有個廚師卡邦尼年糕  但我地都覺得太甜 ..吾系咁好食.....2個人叫呢3碟都已經飽到上心口.....下次先再去試埋鍋飯

之前一直都好想試呢間餐廳，無奈每次經過都見到門外人山人海，插針都插唔入咁，令我為之卻步~今次過左食飯時間再去博一博，竟然比我有幸唔駛排隊就可以獲安排即時入座，心裏滿懷安慰一入到去睇下餐牌，其實選擇唔多，但心知卡邦尼亞年糕為必點之選，所以就點左一個，另外見黑色既sushi賣相幾特別，所以都一同點選了~其實每碟食物既份量都幾大下，一般食量既人可能食一碟就已經要捧住個肚離開喇~首先講下個卡邦尼亞年糕，因為本人怕會好漏，所以點選了帶辣味既一款，年糕既軟硬度適中，而且有好多醬汁，所以每條年糕都可以完全沾上醬汁，唔會有醬汁不足既情拀出現，加上個汁帶有辣味，令人更加開胃，可以準備迎接下一道菜既來臨墨魚sushi真係不得不提，卷係飯內既墨魚一啲都唔韌，好易入口，sushi沾上沙拉醬有畫龍點精既作用，如果醬汁可以多啲就好喇本來諗住一個人食兩樣野就算，點知見到隔離枱果兩位女士係咁讚個炸雞好食，搞到我都心陏陏想食，結果就跟餐加錢叫多個炸雞~果然冇令我失望，炸雞外脆內軟，而且咬落仲有肉汁係入面，外面既炸粉亦都厚度適中，岩哂我口味今次得我一個人黎所以叫唔到好多野食，下次要約埋啲朋友再黎試埋其他野先得 

終於試到 SCHOOL FOOD, 抱著超其待的心情~星期五黎吃晚餐, 6個人, 由6:30排到7:30有位. 都可接受, 見幾乎 Times Square 13/f 在等位的人都是等食這間, 可見 School Food 的人氣好勁~這個墨魚壽司每件有粒小墨魚響中間, 飯好有墨汁味, 不過飯質無一般的日本壽司好食, $68有14小件都算ok~另一招牌菜這個蛋包午餐肉壽司, 雖然只是簡單的午餐肉, 但好好味~ 炒蛋配午餐肉是最夾的組合, 很喜歡這間餐廳的創意, 讚!這個是泡菜炒飯, 飯面加了煎蛋及芝士, 亦是普通菜但已經好好味! 這個飯面上的是涼拌菜, 有青瓜絲, 乾魚仔, 吞拿魚, 蟹子, 菜, chilli. 佢另外有生菜及薄荷葉包住食, 幾特別, 喜愛生菜包及吃辣的朋友會特別愛這個!udon, 好一般.這個是泡菜拉麵, 好辣, 而且質素似一個韓式辛辣麵. 所以不太推介.這個招牌菜 - 卡邦尼亞年糕, 幾乎每個到school food 的食客都會叫.佢有兩款, 一個是卡邦尼亞年糕, 另一個是卡邦尼亞年糕加粉絲, 我們試了後者, 推介大家試後者因這個重點是在粉絲上, 個人覺得年糕一般

睇左EXO showtime某集見到佢地唔停口咁食, 好似好正咁wor!食下你就一清二楚啦!等左成個半中丫大佬~ 價格就唔係平架啦 但香港得一間SCHOOL FOOD 貴韓國成條街都大把人等

今次系小妹第1次寫嘅食評,請大家多多支持!!自從畢業之後,大家都邁向吾同嘅道路,各有各忙,連見面嘅時間都冇,由以前日日見,到宜家一星期都未必見到一次...所以難得約到,緊系食啲特別野!!咁岩大家都想食韓國野,而我最近又留意到位於銅鑼灣時代廣場新開嘅school food好似幾特別..咁就一於去試下啦!!一行3人7點50去到門口,已經見到好多人等緊位...我地張飛系46號..問佢叫到第幾張,佢竟然話第1張都未叫,下..到宜家都吾太了解佢叫號碼嘅程序..等左接近1小時,終於有位...一坐底緊系睇menu先,我認為菜式選擇吾算好多,不過有好多新派菜式,所以都好難作出決定,實在太多款想試最後叫左5樣食物!分別系2款飯卷,1款拌飯,1款炒年糕同1份加$25嘅炸雞塊. -2款飯卷分別系烏卒卒同反蛋卷,1份有14細件,前者較特別,系墨汁飯包住墨魚,墨魚食落有小小甜味,吾錯架..而後者較普通,只系蛋皮+飯包住醃蘿蔔+火腿+菜,旁邊伴有少少醃菜,個人認為若冇左醃菜會失色不少..-吾記得叫咩名嘅拌飯,飯量頗少,餸嘅份量比飯多,上菜時會附上少量嘅椰菜同紫蘇,等食客可以包住拌飯一齊食,好有韓國風味-卡邦尼廚師