陸陸雞煲火鍋 (已結業)

同老公出旺角買相機鏡頭，買完時間尚早，又諗起雞煲打邊爐，66雞煲上次晏咗又冇book位食唔到，今日早早地碰下運氣，好好彩，仲有一張二人枱，連埋我哋，今晚full曬。店員推介雞煲火鍋海鮮套餐，都好，老公鍾意海鮮，樣樣有，兩個人食可以試多啲。先嚟前菜花螺，凍食鮮甜爽口。然後混好醬，準備作戰。雞煲揀咗BB辣，上枱後店員幫忙炒炒炒，確保每件雞都沾上濃汁，配料好豐富，包括紫洋葱、唐芹、芫茜、辣椒、青椒、薑、葱……，雞件好滑，汁嘅味道濃而不鹹，越食越惹味，喜歡吃濃味的我真的好喜歡。食完雞煲，店員幫我哋換上打邊爐嘅鍋，是一個蟹鍋，未打開蓋已經聞到一陣陣好香嘅蟹味，裏面有一隻好大嘅蟹，打開蓋，蟹嘅香味更加撲鼻。海鮮拼盤包括鮑魚、貴妃蚌、廣島蠔、蟶子、大蜆、海蝦、螺、魚片，海鮮好新鮮，先吃蟶子皇，勁大隻，肉質爽口，老公最喜歡這個；海蝦勁新鮮，蝦肉爽甜；鮑魚勁大隻，厚肉鮮甜；廣島蠔都唔錯，再多兩隻更理想。隻大蟹有好多膏，成個湯滾住都係蟹膏， 蟹肉香甜，蟹蓋內都有好多膏，落手落腳食到大家舐舐脷。其他火鍋材料包括美國肥牛、牛柳粒、豬肉片，夠肥夠香，牛柳粒淥耐咗都唔韌。仲有手打牛丸、手打墨魚丸同手打豬肉丸，手打

天寒地凍三五知己食飯有的說食雞煲有的說食火鍋最好就兩樣都有，所以就決定揀這間位於旺角的＂陸陸雞煲火鍋＂可以滿足所有人嘅願望😆雞煲半隻(BB辣)雞煲半隻選擇了BB辣，店員會親自幫我們慢慢烹調，10幾分鐘後開蓋食得，一陣陣香氣撲鼻雞件滑溜香濃，微微麻麻辣辣真的惹味無窮😋龍蝦鍋底🦞湯底有原隻龍蝦🦞，龍蝦湯味濃郁，很鮮甜，將材料放入這個湯底滾兩滾已經很入味連豉油都不用點了😛海鮮餐這個海鮮套餐讓你不要想太多包羅萬有👍🏻非常豐盛，海鮮有：螃蟹，鮑魚，貝殼類，蠔，魚肉連蝦都有兩種，大頭蝦和大大隻的基圍蝦，新鮮鮑魚和蟹還在郁🤩味道點會唔鮮味，到最後這個海鮮大雜燴龍蝦湯都給我們喝清光😆美國肥牛牛柳粒豬肉片，自家製各種丸類吃海鮮都吃飽了，但食自家製的丸類還是覺得很味美，口感完全不同，很彈牙很足料，食得出廚師的心意👏🏻👏🏻炸響鈴，炸魚皮炸響鈴炸魚皮索晒龍蝦汁菇拼盤蔬菜拼盤菇菜份量足非常新鮮爽脆青檸梳打$63青檸梳打清新，酸酸甜甜很順喉，配搭火鍋飲一流

有好一段時間冇食雞煲喇~難得可以約齊一班朋友緊係去食餐好嫁喇~大家開開心心諗住walk in入去，估唔到都幾多人，好彩仲有位坐，見仲有上層應該幾大～坐個位對正牆上壁畫，睇真啲原來係人手畫上去呢@@而且原用番佢地個標誌，都幾有特色～黎到會有少少生果當餐前小食，望一望張點餐紙，點左幾樣大家都必食既菜～服務黎講，店員都幾主動，不定時會睇下我地食成點，搞下雞煲咁～雞煲叫左半隻，辣度係微辣，好香既麻辣雞汁，食落少少麻麻地，唔算太辣接受到，雞肉分佈尚算均勻，仍會骨比肉多，雞肉香口又係滑，而且混合左啲芫茜香料味，令雞煲更惹味！不過雞汁好容易痴底，食唔夠五分鐘就要搞一搞，否則個底會窿晒:s炸響鈴，食落啲水吸得未夠多，而且皮太厚好難咬開，未夠爽淋，屬中規中矩花片枝，煮熟左呈現白色，咬落極之彈牙，好有咬口，而且好夠魷魚鮮味，份量好多，價錢唔貴，係推介一食之選！手切肥牛，脂肪分佈好均勻，肥牛薄切所以非常快熟，食落牛味好重，肉質好軟熟，份量都好夠食～當然係雞煲必食之選喇！芒果冰，係新鮮芒果製，芒果化成冰溶，飲落過癮又解渴，而且芒果汁好香甜，又唔會太凍或底底結冰，值得試下～最後送上雪米糍甜品，綠茶味入面有紅豆，