&tmR (已結業)

話說老友之前過係呢度食過晚餐話d野好食得黎又唔貴，就推介俾我一齊食個晚餐，位於屯市入面既cafe餐廳，假日屯市食晚飯基本上好多都排晒隊，我地一行3人晚上6點半黎到都見唔太多人。餐廳都係用QR code自助落單，比較得意就係落單後即時登入用電子貨幣埋單，可用信用卡或支付寶之類，用現金就要出門口落單，由於用朋友既手機落單所以無影到d餐牌同埋單價錢。餐廳環境都算幾大，大約都有十幾張枱，位與位之間唔會得好迫，坐得都幾舒適，另外餐具醬料同水都係自助，好多野都係自己黎所以都無收加一，待應都只係傳菜同執枱，有個比較抵食既2人套餐，有餐湯或沙律各2份，小食拼盤有2隻水牛城雞翼，肉醬薯條同兵加腸，再選2份主食，飲品如果飲熱飲同汽水就唔洗加錢，凍飲同其他特飲就要加4-12蚊咁上下，呢個套餐就盛惠$228。首先呢間餐廳上菜速度都幾快，落單後唔洗5分鐘都開始有野黎，先黎左個南瓜湯，南瓜湯質地好結身好接近南瓜蓉既狀態，另外都好熱第一啖飲都燙嘴，唯獨覺得淡左少少唔係好重南瓜味。小食拼盤水牛城雞翼本身唔太辣，跟果個辣醬就幾辣下，雞翼都新鮮炸起夠熱，肉質唔會好乾，肉醬薯條都係俾肉醬壓住果堆會比較淋身d，我就唔太鐘意呢

路過見門口menu價錢相宜即管一試。掃qr code自己落單，直接手機支付後，光速已經上菜。上菜用嘅膠碗碟好家庭feel一啲都唔華麗，但食物入口有驚喜。炸魷魚圈超嫩滑鬆軟，口感加味道值5 星。果茶有新鮮水果，唔係就咁俾個果味茶包。叫左個青口青醬飯，賣相唔靚，但味道ok, 份量亦多。蒜蓉包趁熱食，又係非常鬆脆。西芹雞肉焗薯，個薯熱辣辣，雞肉係冷盤擺上頂，雞肉唔會鞋口，而且都幾多塊。整體抵食不特止，仲堅係好味的。