一町目日本料理 (已結業)

上一次晚上在天后覓食,到了這間小店吃晚餐,已有不錯的印象,所以決定午餐再encore剛來到就有位,不過坐吧枱,和女友都無所謂,食野要緊午市有定食真係好抵,印象中唔駛加一,呢個價錢有咁ge質素真係相當唔錯同女友一人叫一個壽司定食,見兩位師傅係我地面前整壽司,D料睇落已經好靚仔到上埋碟,影張靚相就忍唔住食=99每一件壽司都好有水準,連蛋壽司都好好味一流 七十蚊有十件真係好抵=PP仲有一碗小烏冬,水準都唔錯!服務又好,好快就會添茶.午市定食仲有好多款,值得再去試下

今日係炮台山做完野，沿住電氣道一直行行行，鬼咁肚餓，只係想快D坐低食個LUNCH，見到呢間日本野午餐幾平，好似幾好咁，就入左去啦。Lunch有多款選擇，價錢由四十幾至九十幾不等。我有兩樣野想食，第一個係牛肉火鍋，第二個係壽司定食，最後我選擇左後者。等左大概10分鐘都唔駛就有野食黎啦。原來壽司定食有碗烏冬跟。個烏冬個湯幾好飲，清清地，相反個烏冬就一般啦，唔彈牙，無咩口感。但個壽司定食幾好喎，有大概十件到，賣相都幾靚呀。刺身解凍得剛剛好，好多時刺身解凍得唔夠好難食，而且佢D刺身亦都算肥美，真係唔錯。個人覺得大部分都好食，例如瀨尿蝦，三文魚，醋鯖魚等。油甘魚最正，又肥美又甘香，唔錯! 個玉子都唔差架，佢唔會過甜，而且佢有D醬汁，食落去好夾。食完個定食，佢仲有粒糯米糍送添，係芒果味。埋單$52，唔收加一，真係一個唔錯既選擇。我走既時候大概係一點幾，出面都有六七個人係度排緊隊。下次再黎食下佢個牛肉火鍋先。=)