Romanne Leisure Food Concept (砵蘭街) (已結業)

旺角嘅餐廳真係無處不在，今日喺朗豪坊買完野，但係又唔想喺朗豪坊食，就去咗隔離嘅朗晴坊呢間Romanne Leisure Food Concert。餐廳入面有大大個玻璃窗，感覺非常開揚。Lunch Set可以選擇湯或者沙律，是日餐湯係南瓜湯，幾香幾滑。而是日沙律就係新鮮蔬菜配以胡麻醬，味道清新。其中一份主菜就揀咗特選澳洲有骨肉眼扒配薯菜，牛扒超大塊。我就選擇咗五成熟。配菜嘅瓜類好豐富，薯仔都一樣咁好食。另外仲揀咗烤大啡菇芝士自家製牛肉麥漢堡配香料薯條，原來除咗配薯條，仲加有沙律菜。漢堡橫切面層次分明，自家製漢堡扒果然夠厚身，多汁又好味，而我更加欣賞佢嘅麵包係採用麥包，真係幾特色。香料薯條新鮮炸起熱辣辣，外脆內軟，調味仲好香好好味。朱古力焦糖奶昔又香又甜，夏天飲返杯凍飲就啱晒。雖然焦糖Latte冇拉花，不過奶嘅比例都好足夠。

是日邀得家父共晉午膳，佢聲稱佢係我嘅榮譽手毛。咁啱去開旺角，就去朗豪坊隔離嘅朗晴坊搵食。一向對旺角啲樓上cafe極有保留，印象中幫襯過嘅食物質素都普通，仲要嘈過街市，傾計要出動鄭家穎呀呀呀呀呀。今次試呢間位於7樓嘅西餐廳播住輕快嘅韓文playlist，充滿田園風、主調為綠色嘅裝潢，配合植物擺設，予人悠閒舒適嘅感覺。餐廳大部分座位都係用籐編織成嘅凳，仲有高枱添，坐窗邊如果天氣好仲有陽光照入嚟 。一點去到無咩人，一點半開始好爆滿，好彩座位尚算寛敞，枱同枱之間有一定距離，唔會好嘈。午市套餐選擇豐富，包湯/沙律同埋飲品，價錢合理，去開附近搵食絕對可一試。澳洲有骨肉眼紅酒汁配薯菜 $108唔記得咗揀幾成熟，驚太熟太韌。結果塊扒大過隻碟咁濟，雖然筋比較多，但整體肉質唔錯，肉味濃又juicy，配埋紅酒汁調味恰到好處，呢個價錢絕對收貨有餘，連家父都話抵食，非常推薦！伴碟嘅薯菜竟然烤蔬菜而唔係薯條，啱曬怕熱氣嘅我。蔬菜種類多，全部都係一口size，色彩繽紛，賞心悅目，令成道菜嘅賣相更靚仔。特別點名呀南瓜超甜，好好食，如果啲菜再熱啲就好嚕。烤大啡菇芝士自家製牛肉麥漢堡配香料薯條 $99麥包偏甜，口感鬆軟，

行完朗豪坊，唔想過條馬路去返女人街個邊，就會揀係朗晴坊食嘢😛 -今日午飯時間1點左右嚟到，好好彩仲有個窗邊位😆 有陽光個人都精神d😇--💛鮮蝦堅果意瓜柚子醬冷意大利麵🍝 💰88(好味道:💛💛💛💛💛)糾結咗好耐叫呢個冷麵定係黑松露意粉🤭 最後男朋友幫我揀咗呢個冷麵。食落去真係超驚喜‼️ 第一次食凍嘅意大利麵🤫 個汁係柚子味為主，然後帶有少少酸辣🤏🏻 超級開胃👍🏻 再加上佢係凍嘅，好啱依家夏天食🥺🥺 食落去有種透心涼嘅感覺~ 真係第一次食到呢個味道同菜式❗️超推介大家去食~ 不會後悔😉 同埋用料亦新鮮同非常健康，第一次接觸到意大利黃瓜呢個食材😯😯 初初見到佢係黃色，仲以為係果類🤭 呢個菜式真係不得之了👍🏻-💛烤大啡菇芝士自家製牛肉麥漢堡配香料薯條🍔 💰99(好味道:💛💛💛💛)男朋友係burger控，仲要見到有大啡菇即刻要試！上枱個下有d嚇親😳 因為個啡菇大到好似burger頂層咁😂 而真正既burger頂就放左係隔離🤣 就算唔夾頂層嘅包，我一口都咬唔哂🤯😂 食咗兩啖擘到個口都有d酸😂 大啡菇超Juicy，漢堡扒有成2cm咁厚❗️超有口感～而上下層嘅麥包係經過烘烤🥯 外脆內軟之餘，仲有甜甜哋麥香味

一開頭嚟到仲諗緊食唔食漢堡🤔最後同朋友點左兩個午餐Share👍其中一個餐就係呢個漢堡🍔先講佢個啡菇，入口係勁Juice⋯⋯😋本人本身對冬菇之類嘅嘢不感興趣但呢個真係不得不讚👍👍💯💯入面嘅牛肉都好好味😋最重要係連個包皮都唔差薯條就唔使講啦>>>好夠味值得推介✔️✔️✔️✔️