小島•澳門菜 (已結業)

好閨蜜好耐無見，於是乎約埋大家一齊食晚餐。已提早左一個星期訂咗枱，來到了今日，我們約定於聚會地點在小島。澳門。食葡國菜。它位於熱閙的銅鑼灣時代廣場13樓，入去餐廳充滿葡國風情，而且呈一種浪漫情調添。朋友未到，望著餐牌先。首先來小島一定要食它的出名的葡撻，它叫小島奶黃流心葡撻，未食已聞好好香，可惜上枱時冷氣太大，它變凉了。葡撻皮薄好脆，充滿蛋香味，如果熱辣辣就好。食完它的出色的蛋撻，要食它焦煻葡撻，它面呈焦糖狀，而且它的皮好酥又香，令人一食上隱。餐廳環境充滿浪漫的情調，一排排的吊燈，够別緻。朋友相聚一定叫全枱的好料，和朋友詳談又分享一下工作苦與樂。烤焗盲鰽魚伴檸檬牛油汁煮海蜆，蜆肉鮮甜，而主角焗盲鰽呈有鮮味，又大條的盲鰽魚肉又厚，而且仲保持魚的鮮味，同埋水份，時間控制得好。小島咖喱羊架，有咖哩汁必定要點法包，這是指定的動作呀。而且手羊架仲不會有so味，肉質鮮嫩添。最後四人飯局到了尾聲，大家為了令自己生活好點，都好努力工作，4位女仔之聚會又訴說心中煩事，並祝壽星女生日快樂。所以大家不約而同叫咗一份甜品，它叫小島奶黃流葡撻。待應仲好細心提我們要寫上祝福字句添。呢間餐廳一定會叫多啲朋友一齊黎食

去銅鑼灣食野, 都偏貴, 今日約朋友試呢間澳門葡國菜,抵食喎,我們先叫了一碟冷盤-黑醋豬手($78)，豬手處理得乾乾正正,皮脆,夾埋黑醋汁中和肥膩感,充滿膠質，好彈牙。另一道菜叫了烤焗盲鰽魚伴檸檬牛油汁煮海蜆($178),一大條魚,旁邊有8隻蜆肉，蜆肉鮮甜,還有牛油同忌廉味。平時少食盲鰽魚,原來肉質好滑,實肉的，完全唔會有魚腥味,其不需加檸檬汁,保留魚肉鮮甜味,加上其他配菜，有橄欖、黃椒紅椒、三款菇、檸檬片、洋蔥、同魚一齊食好juicy。我同朋友都愛食葡撻,我自己叫了兩個,朋友一個,分別叫了濃香咖啡葡撻同鮮橙檸檬葡撻作甜品， $14一個，鮮橙檸檬味夠特別, 帶清香, 重牛油香的酥皮，但咖啡味偏苦澀,唔係太襯葡撻味道,下次一定要試焦糖原味。

銅鑼灣時代廣場食通天有間澳門葡式餐廳，冇時間過大海，一於黎食澳門葡式餐廳頂住癮先。門口出面個雪櫃有幾款英記甜品，有唔同味嘅木糠布丁，好吸引。仲有葡撻添，有原味、奶黃流心、咖啡味、橙味，好特別。叫左一份乳豬脆包，外脆內軟，乳豬皮超脆，肉嫩有少少肥肉，包有好香的肉汁/肥肉汁，配沙律醬口感超豐富，好好味！配菜有炸得好香脆的薯條和沙律，好飽！盲鰽魚焗的時間剛剛好剛剛熟，好新鮮，好香牛油味，配酸酸的檸檬汁好開胃。魚肉好易起出來，可以啖啖肉。