반찬앤쿡 Banchan and Cook (屯門市廣場1期)

營業中

休息中

今日收工練箭前又約老友食晚餐，又係抱住試新野既心態黎屯市呢間睇落係食韓國野但又好西式既餐廳，都開左一段時間經過好多次都未試過，今日就一於試試。餐廳門面都望到內在環境，幾開揚，坐位擺設都幾骨置，坐得幾舒服。坐底睇下餐牌，食物款式都唔算少，主打都係韓式食物夾雜左西式cafe既風格。烤牛肉蛋包飯賣相好靚，炒蛋都有功架，上枱時份蛋係包實的，服務員會係我地面前用刀切開睇到炒蛋內裡係滑蛋黎，飯底係燒汁炒飯，用珍珠米，唔會好濕，烤牛肉就類似燒汁肥牛，呢份餐好睇又好食，真不錯。五花肉玫瑰燉飯餐牌見到覺得好靚就點呢個，上到枱果然同餐牌上既樣一樣，燉飯食落似意大利飯，餐牌提示係辣的，但我食落就無辣味，怕辣既朋友就唔洗怕啦，飯都係珍珠米，米既質地真的唔錯，吸晒汁都唔會好濕，圍圈綠色果d有少少似蔥油既配料就略油左少少，五花肉有6塊，厚身而且半肥瘦，食物水準相當唔錯。焦糖脆脆鮮奶咖啡食物單點就無套餐既，飲品就另加要正價，老友揀左呢杯焦糖脆脆鮮奶咖啡，就係鮮奶咖啡上面加左d焦糖脆，質地都滑有奶香既咖啡。整體黎講今日所點既餐質素都幾滿意，賣相好睇又好食，坐得又舒服適合聚會。

為朋友慶祝生日，選了這間，第一次食。經openrice訂座時留言說明對座位要求，到店入座時 店舖都有因應要求而給予座位，第一印象分已很好。到食物上菜時，每一樣都很好吃， 特別是烤牛肉蛋包飯的雞蛋很滑，牛肉很入味、很嫩，很好吃推介芝士卡邦尼意粉的芝士味勁濃如果是芝士控的推介試下，但如果本身不是很肚餓而選這個，可能會覺得有少少濟。（如果是眼闊肚窄的人，建議可食完先再追加其它野食。）雖然當晚是平日，食客不多，但店員都不會很疏懶，都有不定時查看有否吉碟需要回收，感覺服務很好。店舖環境舒服，座位也ok，之後都會再來幫襯。

❥ 烤牛肉蛋包飯 ($98) 嫩嫩滑蛋躺在炒飯上🤣切開個下係幾有儀式感。飯底用茄汁同蔬菜粒粒炒製，口感幾好。而韓式牛肉用嘅牛肉質素係最普通個隻肥牛，脂肪同筋位比較多。口味係一般甜甜地個種，正常發揮冇咩太大驚喜😝❥ 有骨醬油蒜頭炸雞-半份 ($118) 先係薯條超有薯味，再黎炸雞頗為嫩滑多汁，仲要我最抗拒吾到呢種鹹甜醬汁裹住香脆炸皮嘅物體，所以係食到LamLam脷嘅😋只係略嫌醬汁過於厚重，食到尾端係甘搵水飲😳

本人非常之愛吃炸雞，但唔係間間個個都咁出色，見屯中心開左就試試佢，意外的驚喜的好吃傳統紫菜包飯口感豐富，配有蛋，蘿蔔，牛，黃瓜，青瓜非常清新烤牛肉蛋包飯烤牛肉非常嫩醬汁非常之濃郁，在加上半熟蛋配飯，真係另一種享受，好好吃甜辣無骨炸雞(半份)甜絲絲少少辣的炸雞，外脆雞肉嫩口，薯條同年糕都炸得好吃，外觀同味道都系掂值得打卡呀😍

一嚟到就疑炸雞吸引到，叫左一份蜜糖炸雞，原來咁鬼大份我哋叫咗有骨，食落啲皮都好脆、醬汁好香濃。不過雞肉肉質比較乾身，熟咗少少。除咗雞之外，入面仲有好多薯條，薯條炸得脆脆地 唔會太淋，點埋啲蜜糖醬食 好好味跟住仲叫左個烤牛肉蛋包飯，蛋包飯啲蛋非常滑溜，唔會太鞋太熟而牛肉都好入味 好嫩滑，牛肉煮得岩岩好，仲有好多醬汁可以送飯，正而且份量都好大碟，一個人都食唔哂呀我哋只係叫兩碟，但樣樣都大大碟，最後都係食唔哂要打包返屋企

環境裝飾得靚靚，食物味道亦不錯！—主食—🔅烤牛肉蛋包飯店員會主動幫手切開，見到流心蛋液隨之而流出，畫面吸引人注目，亦是打卡時間。滑蛋包住已調味米飯，配合韓式燒汁煮成的烤牛肉，食到蛋香又有燒汁牛肉味。🔅慢煮羊膝配薯條羊膝以慢煮而成，所以肉質超軟腍，用叉篤一篤就可離骨。味道方面不會食到羊臊味，配搭紅蘿蔔、白蘿蔔和自家製醬汁，好味😋—小食—🔅蜂蜜無骨炸雞炸雞表面淋上蜜糖和糖霜，值得稱讚炸雞不會因淋上醬汁而變得淋身，仍然都是脆身。—甜品—🔅朱古力忌廉蛋卷蛋糕鬆軟配合柔滑香甜的忌廉，味道不會太過死甜，有濃濃的朱古力味。—飲品—🔅濟州鮮奶綠茶鮮奶表面打起厚泡泡，佈滿綠茶粉，味道不算太甜亦不會苦澀🔅士多啤梨紅桑子梳打有足料鮮果肉，淡淡果香，朋友形容味道超fresh ，飲落絕對無假藥水味

Banchan and Cook近排喺屯市開咗新分店呀🎉餐廳主打韓式同西式料理，裝修行清新文青路線，環境好闊落，適合同朋友聚餐或者情侶約會👫🏻菜式選擇豐富多樣，食物份量都幾多，質素都唔錯㗎～🔸烤牛肉蛋包飯 (HK$98)大大個半熟蛋放喺炒飯上面，侍應用刀輕輕一𠝹，嫩滑嘅蛋漿慢慢覆蓋住炒飯，感覺好療癒😍烤牛肉嘅醬汁味道濃郁，不過有啲偏鹹，配埋炒飯同雞蛋一齊食就啱啱好😋🔸半份蜜糖無骨炸雞＋韓式前菜 (HK$108)炸雞外皮炸得香脆，肉質滑嫩多汁，每塊炸雞都裹滿蜜糖🍯味道偏甜，食落香口。另外仲附有蜜糖同忌廉味醬汁，配埋薯條、炸年糕同韓式泡菜，份量十足👍🏻🔸慢煮羊膝配薯條 (HK$165)採用咗慢煮嘅烹調方式，羊膝肉質非常淋身，食落羊味極濃，帶少少羶味🐐配搭鹹度適中嘅醬汁食落好夾，鍾意食羊嘅朋友可以一試😋🔸濟州綠茶鮮奶–熱 (HK$42)濟州綠茶鮮奶味道清香，唔會好甜，口感細滑，不過帶有點濃茶嘅苦澀味，比較適合大人口味🤓🔸士多啤梨紅桑子梳打 (HK$42)酸酸甜甜嘅士多啤梨紅桑子梳打開胃又解膩，紅桑子味比較突出，重點係隻色好靚，打卡一流！🔸手工巴斯克芝士蛋糕 (HK$54)巴斯克芝士蛋糕有濃郁