柴門西餐廳

營業中

休息中

今日約左一個好耐冇見的朋友食lunch ，佢話自己屋企附近開左間好似環境幾好的西餐廳，所以就去試下。餐廳環境氣氛都唔錯，雖然唔算真係好fine個種fine dining，但因為柴灣比較少呢種餐廳，所以都ok。同一般餐廳唔同的係老闆係俾一個叫蝶豆花水的水我地，而唔係平時的普通水。（雖然飲落都係水味）我同朋友叫左牛扒同羊扒的lunch set。前菜都算幾有心機煮，個麵包係用乾蕃茄製成，送上嚟時微溫，外脆內軟。個堆菜就冇咩特別。羊扒只係簡單用黑椒鹽醃，燒汁濃郁，帶少少酒味，羊唔算羶，羊味都唔算濃，肉偏鞋，有渣，但脂肪部位重油香，表面煎得可口。牛扒同樣用簡單黑椒鹽醃，整體脂肪布佈均衡，油脂既味道亦煎得揮發出黎，每啖都充滿牛味，牛扒中心剛好五分熟，表面可口，而𥚃面軟熟。

突然搵到呢間新餐廳係柴灣，晏就去食lunch就決定試試佢。工廈嚟講呢度都算幾多位，幾寛落，店員介紹夜晚有時仲會有live band同可以做包場活動添。店員話每星期lunch餐牌都會有啲唔同，今次就係呢個，其實樣樣都好想食咁滯，最後決定同朋友兩個人share揀D同E餐，咁就兩個餐都可以試下。首先嚟咗沙津同湯，呢度唔似出面餐廳要二選一，兩樣都會俾埋你，個湯好好飲，料好足，個包點湯仲好食。飲品好快就嚟咗，朋友叫咗熱茶，我就叫咗杯Latte。烤美國優選肉眼牛扒($168)，我地揀咗要五成熟。牛扒好靚好好食，肉味好夠，又煮得啱啱好。法式香煎三文魚($108)，三文魚好大條，味道好香濃，煎得啱啱好，好好食。呢度既餐好在每樣都會俾返一定既蔬菜你，唔會剩係得肉。見之前啲嘢都好好食，所以好放心叫埋甜品。呢個係意式奶涷，奶味好涷又好滑呢個係店員介紹未mark落menu既甜品，蜂蜜薰衣草茶涷，好少地方會有茶涷呢個甜品食，味道好特別，茶味好香濃，又唔會太甜，好好食

2019年3月16日 星期六今日難得可以同媽媽兩個人撐枱腳，於是上網搵吓柴灣有咩特色餐廳，見到呢一間西餐廳好似係工廠區新開張就打電話去預約，點知原來電話預約有八折，好抵去到發現地方雖然唔係好大，但係有個舞台可以玩音樂，店員話原來每星期都有個音樂之夜，會有唔同嘅人上嚟一邊玩音樂一邊食飯睇返午餐嘅Menu，種類雖然唔係太多，不過價錢唔算太貴，比起銅鑼灣、中環已經平好多點左餐之後店員好快就送咗前菜同餐湯，錢財好特別，唔係普通嘅沙律，原來混合左一啲海鮮，有蝦、蜆、帶子等等，再配合埋醬汁同蔬菜一齊食，層次好豐富。至於餐湯係忌廉湯，感覺都唔錯我叫嘅牛扒首先送到，都幾大塊，切開嘅時候見到裏面嘅肉有少少粉紅色，係我想要嘅五成熟。食落去好腍，充滿牛肉味，點埋個醬汁牛肉味會更加突出，因為呢個汁係牛肉濃汁。媽媽叫嘅德國豬手隨後都送到，豬手炸得好香，個外皮炸得卜卜脆，而脂肪唔算太多，裏面嘅豬肉好嫩滑。不過媽媽話最好味嘅反而係薯菜，薯仔炸完之後好好食，食得出只係加咗少少鹽調味，好快佢已經食晒，仲想食埋我個份添最後我地點埋個甜品，係紐約芝士餅，估唔到上菜嘅時候見到都幾大件，早知唔使點$1.1件，切落去唔需要太用力