影片
更多
2018-07-26
293 瀏覽
之前都有同朋友去食炑八，覺得環境同食物質素都唔錯，而且款式多。今次見佢有夏日特別套裝就黎試下啦一行三人，見佢有個「夢幻冰夏鰻魚套裝($768)」就點呢個(做緊優惠去到8月31日)，一次過可以試晒炑八出名既海鮮同燒肉，呢款套餐係三至四人份量。食野前，餐廳好細心地為每個客人提供電話套同圍裙，以免我地整到自己衣物。首先黎左前菜所有餐前小食唔係hea架，有多款式俾你食，例如泡菜、甜蕃薯、腌芽菜等等。我一向覺得炑八整既泡菜幾入味又夠辣，岩晒重口味既朋友，仲要每款都可以任潻。西柚香橙沙律，食完更開胃，如果怕食燒肉太油既朋友，可以飯後再食呢個沙律清下d油膩既感覺。我地另外叫左一樽巨型柚子冰茶，好香紅茶味唔會太甜。終於黎到主角，超級有驚喜！炑八為咗配合冰涼夏天既主題，佢地細心地用乾冰製造煙霧，迎合翻主題。而食材都好多款式，例如蝦、厚切牛吞、五花腩、護心肉，仲有主角鰻魚。所有食材都好新鮮。大蝦食落好鮮甜彈牙，護心肉好軟又嫩滑，咁多款最欣賞係牛吞，厚得黎牛既味道好出而且入口好爽。而主角鰻魚都好新鮮，肉質好厚口感好正，唯一唔好就係有少少腥味，不過整體都唔錯。燒左一陣就到八爪魚水冷麵出場食完咁熱既燒肉再食呢個
今次見佢有夏日特別套裝就黎試下啦
一行三人，見佢有個「夢幻冰夏鰻魚套裝($768)」就點呢個(做緊優惠去到8月31日)，一次過可以試晒炑八出名既海鮮同燒肉，呢款套餐係三至四人份量。食野前，餐廳好細心地為每個客人提供電話套同圍裙，以免我地整到自己衣物。
首先黎左前菜
所有餐前小食唔係hea架，有多款式俾你食，例如泡菜、甜蕃薯、腌芽菜等等。我一向覺得炑八整既泡菜幾入味又夠辣，岩晒重口味既朋友，仲要每款都可以任潻。西柚香橙沙律，食完更開胃，如果怕食燒肉太油既朋友，可以飯後再食呢個沙律清下d油膩既感覺。我地另外叫左一樽巨型柚子冰茶，好香紅茶味唔會太甜。
終於黎到主角，超級有驚喜！
烤肉拼盤
19 瀏覽
0 讚好
0 留言
炑八為咗配合冰涼夏天既主題，佢地細心地用乾冰製造煙霧，迎合翻主題。而食材都好多款式，例如蝦、厚切牛吞、五花腩、護心肉，仲有主角鰻魚。所有食材都好新鮮。
夢幻冰夏鰻魚套餐(3-4人)
$768
15 瀏覽
0 讚好
0 留言
大蝦食落好鮮甜彈牙，護心肉好軟又嫩滑，咁多款最欣賞係牛吞，厚得黎牛既味道好出而且入口好爽。而主角鰻魚都好新鮮，肉質好厚口感好正，唯一唔好就係有少少腥味，不過整體都唔錯。
燒左一陣就到八爪魚水冷麵出場
食完咁熱既燒肉再食呢個水冷麵，真係好透心涼，佢設有黃芥末同醋俾我地mix ，我自己覺得配合泡菜食更香口，食落酸酸地好開胃，而八爪魚都好爽口，唔係就係八爪魚份量偏少。
再黎就係芝士蛋卷
入面配料有蛋、紅蘿蔔、青瓜、腌蘿蔔。食落好香蛋味，而且中間加入韓國蛋卷必備既腌料好有口感而且清新，不過就偏乾身。
另外，我地再加點醬油三文魚飯($108)
呢個飯令我好回味。佢飯最面層有一隻半生蛋，再攪拌入飯中非常惹味，加上醬油三文魚味道香濃，而且係切成厚身三文魚，好有口感入口即溶。真係好好食！
最後，再配一個西瓜冰沫($68)
西瓜冰沬
$68
12 瀏覽
0 讚好
0 留言
西瓜冰沬
$68
26 瀏覽
0 讚好
0 留言
賣相已經好吸引，呃到like，食落西瓜清甜，入面再配雲呢拿雪糕感覺好match 以為咁就完，原來底層仲有糯米糍，呢個甜品清甜得黎完全唔會好漏。
總括黎講，成個套餐好抵食，款式好多而且食材新鮮，每款菜式都花心思配合主題，令客人有「冰涼夏天」既感覺。最想讚下佢地員工好有耐性教我地點煎先好食，又成日主動幫我地換鐵板，招待我地，一定會再黎食。
題外話/補充資料：
由於我地係訂座既關係，所以有以下優惠:由即日起至8月31日，逢星期一至四晚市期間，訂座可以享有:4-5人以上訂座送西瓜冰沬一客，6人以上訂座送柚子冰茶一榨
(以上食評乃用戶個人意見 , 並不代表OpenRice之觀點。)
張貼
