Outdark (H8)

營業中

休息中

餐廳走黑色風格路線，天花垂吊星星燈飾點綴，令環境有情調。餐廳食品都係由韓國店主自己設計，由韓國人烹調，充滿韓國風味。餐牌上既每款食物都好吸引。忌廉海鮮炒年糕($328)，配上炸大魷魚。店員會幫手剪開魷魚，方便享用。魷魚超酥脆，肉彈牙，炸粉唔厚。忌廉唔會覺得膩，拌炒蔬菜、蝦仁、帶子粒，美味。鐵爐邊有紫菜飯，麻油味香。拉絲芝士充滿鹹香味。另外有小香腸、泡菜附送。烤豬梅頭肉($198)，揀左鹽味。以鐵板送上，熱辣辣。豬肉厚切油脂豐富，超多汁。底部燒烘左金菇、洋蔥等，吸盡肉汁，仲有青瓜泡菜添。加配左腸仔年糕串，淋上甜辣醬，炸烤過，完全係韓國小食。飲品叫左藍檸檬梳打，熱情果梳打。2杯飲品都唔會太甜，仲有d啫喱/蒟蒻係底，增加口感。另外有酒提供添。整體，食完好似去左韓國咁，地道韓國菜。尤其口味唔會過重，食完唔會口渴。而食物即叫即整，所以要預時間等候食物。如果多人食，就可以試多d款。等候位置，有彩色鎖扣牆身，仲有免費打卡影相機玩添。無論情侶定朋友聚會，都非常適合。

去過尖沙嘴好多韓國餐廳，唯一百吃不厭嘅就係outdark🌟每次同朋友去食韓國菜都會諗起呢到！仲要係點咩食都唔會中伏～🐷烤豬梅頭肉$198- 除左大大盤豬肉可以點外，呢款烤肉都係唔錯選擇- 豬梅肉彈口軟嫩，上面嘅韓國醬料烤到好香口，配埋金菇、洋蔥配菜，好滋味🍜海鮮辣炒麵$118- 係我幾鍾意嘅菜式，拉麵好彈口，仲好足料，多青口、魷魚之餘，仲有菜類如蘿蔔絲- 湯底少辣得來夠惹味🌟炸蝦飯卷$88- 炸蝦幾有肉同脆口，match得唔錯🍹青蘋果梳打$38- 甜度適中，夏天飲夠refreshing下次約多d朋友來食多幾款食物😆❤️

平時食韓國炸雞就食得多, 今日想食飯我地target左牛肉kimbap食, 黎OutDark氣氛真係好好呀, 有得聽住韓文歌, 環境又調得較昏暗充滿浪漫感.🍻第一時間梗係一人一杯Rita🍻, 我揀左桃味果汁x韓國品牌Terra, 大大杯好飲又抵飲, 佢酒精%唔會太高, 滿足哂我li d成日講話淺嚐淺嚐li d廢話嘅人🫣. Peach味Terra正呀($88)! 老公就飲藍色Corona🍻.🐗Bulgogi Beef Kimbap見到個NEW字, 就食牛肉kimbap, 紫菜面好有麻油香, 牛肉好好味又juicy, 加上青瓜, 醃黃瓜, 生菜, 成個kimbap都好好食😋.🐷烤豬梅頭肉 原來係鐵板😮😮😮😮! 個sizzling聲持續左勁耐呢. 我地第一次食原來豬梅頭肉底下係滿滿嘅金菇同腍軟洋葱好惹味. 豬肉一咬就散又入味,韓式調味醬包滿哂每一條梅頭肉, 份量2至3人都好足夠👍🏻.

又到聖誕啦！今日約咗姐妹去尖沙咀買聖誕禮物，瘋狂購物前當然要醫飽肚先啦，今次就去咗Outdark食烤肉！Cheese Stick（$35）每次嚟outdark必點嘅前菜，炸到超香脆，内餡拉絲芝士又可口，同朋友一人一條，配酒或者汽水都超正！烤豬梅頭肉（$188）餐廳特別以烤熱鐵板上菜，香氣四溢！梅頭肉切到一口大小方便食用，加鹽烤到香口肉嫩，肉質細膩，配埋特式蒜香醬汁，非常惹味！配菜都好豐富，有金菇、洋蔥、醃青瓜、辣椒同韭菜。烤牛肉飯捲（$88）紫菜飯捲入面包有烤牛肉、青瓜、紅蘿蔔絲、醃蘿蔔同玉子，入口淡淡麻油香氣，簡單美味！泡菜煎餅（$98）素食之選，以泡菜、芽菜、洋蔥同辣椒等混合煎餅，外面微焦香脆，口感豐富，味道比較濃，啱我呢啲重口味人士。西柚梳打（$34）粉紅色賣相吸引，仲有片片西柚果肉，非常足料，唔會有藥水味，口味清爽！Peach lemon tea（$34）女仕們總有啲時間想飲杯熱飲，呢度都好貼心甘提供埋熱茶選項，蜜桃茶底加上檸檬片，清新消滯！

🌕Hello我係Moon🌕冇得周遊列國嘅時候，就唯有周遊香港各地尋覓下啲正宗料理，😎好彩香港係個美食知道基本上每一個國家嘅菜式都可以搵到純正又正宗嘅餐廳，🤪雖然係要啲時間去搵但係如果搵到一間有啱自己口味又夠正派嘅話通常我都會一去再去，😋務求要食晒餐牌上啲食物咁就接近代表食勻成個國家嘅料理。 😳就以韓國料理嚟講啦，😉雖然食過嘅每間韓國餐廳應有嘅都總有，😋但如果要掃到目前算得上係正宗嘅話相信就係多番再去嘅outdark, 🥳裏面嘅環境燈光柔弱整體非常令人輕鬆， 😍再加上徐徐嘅音樂更加令到成個氣氛變得更加舒暢同帶有少少浪漫氣氛✨烤豬梅頭肉（韓式調味醬），🤪除咗炸雞之外韓式料理喺對豬肉嘅烹調亦都有唔同嘅做法，😎就好似梅頭肉喺香港通常會用嚟整叉燒, 雖然都係同一個部位但韓式嘅做法就更加主張將啲肉煮到林一林，😜咁就係上汁嘅時候更加容易處理。 😛同港式嘅成果一樣，係會見到色澤紅潤，同樣都係咁Juicy, 😉烘完之後總會大有一陣焦焦香香嘅味道。😍比起炸物更有濕潤度，😳基本上同豬頸肉嘅texture差唔多😋辛辣炸雞，相信食韓國嘢絕對唔可以錯過任何炸雞， 😏炸雞亦都有好多種，😛如果想又過癮又刺激嘅話辛辣炸

食過好多韓國嘢，個人覺得outdark的最出色！不過成日去都好多人，所以一定要book位～同朋友好耐無見又想揀個地方方便d的地方，就去了tst的outdark。餐廳內除了有情人鎖外，還有星星燈飾，非常浪漫。當日雖然好多人，但店員服務都好好，盡快安排座位之餘會好好清潔張枱。發現了他們出了新菜式🤩🤩🤩烤豬梅頭肉有驚喜，豬肉烤得外脆內香，肉質鬆軟，肥瘦均勻，每一口都好滋味。底下配了非常香惹味的金菇 、韮菜，而且不會太油膩。😋海鮮炒粉絲也是非常出色的菜式，炒得非常乾爽惹味，粉絲的麻香味好惹味，撈了好多菜、多菇之餘還有粒粒蜆肉～非常豐富。另外海鮮辣炒麵同樣用心製作，非常多蔬菜、紅椒、蘿蔔絲等，麵質彈口有咬口，辣香味重。另外青口也好鮮甜。韓國的飲品也特別有心思，peach juice甜香有果肉～下次要來吃芝士拉絲辣豬肉！