屯門牛 (已結業)

屯門牛個名之前一早聽過，不過就未有機會去試。趁依家晚市無得堂食都希望幫襯同介紹一下屯門既黃店俾大家認識。佢地唔止係burger店，都留左吧枱位免費俾因為取消花市而大失預算既同路人擺去寄賣，相當有心💛。🔅飛驒和牛漢堡 ($140)舊漢堡食落幾有肉汁，菜都新鮮，配honey mustard都幾夾。🔅美國Premium牛肉漢堡 ($120)塊漢堡厚得黎又juicy，加埋芝士同招牌特製醬幾夾。醬少少酸唔會食落成個好膩。🔅烤雞漢堡 ($50)炸雞burger雖然對比平啲，但都相當唔錯。塊雞烤得好香好滑，超大塊！醬同Premium burger一樣都係酸酸地既醬好開胃。🔅小食拼盤 ($100)有芝士波、洋蔥圈、芝士蘑菇雞翼同薯格，不過應該無薯格轉左魷魚。雞翼爆晒餡，去左骨好方便食。魷魚個外形有啲似麥樂雞😂，食落又幾特別。🔅Combo($18) – 薯條🔅Combo($18) – 香辣魷魚 (+$5)🔅Combo($18) – 水牛城風味雞翼 (+$10)💬外賣好似每樣加$2，之前朋友自己去買既話staff問過佢有冇自備盒😌，歡迎大家支持環保♻️。希望大家喺呢啲時間都支持下附近既良心小店💛！

本身都無諗過要寫食評，畢竟成世人都未試過做"foodie"，但因為「屯門牛」呢間餐廳比較新，眼見一間咁高汁嘅餐廳好似未獲得相應嘅名氣同評價，有啲替佢抱打不平，所以就決定親自寫一篇了！（無錯，就係好味到戥佢唔抵嘅程度LOL）就好似標題所講，我喺短短一個星期食咗「屯門牛」三次——到底係點做到㗎呢？是咁的，自從上星期三嗌過一次外賣，食過佢嘅經典牛堡以及素食漢堡之後，家母一直對「屯門牛」念念不忘，仲誓言話要食哂佢Menu嘅咁多款包，結果⋯⋯the rest is history由無圖無真相嘅食物講起先啦！（因為一開頭食太肚餓，完全無影相，sorry）我覺得經典牛堡嘅漢堡扒真係好有牛味，甚至係和牛咁樣嘅油香，同就咁用免治牛肉，又或者其他餐廳好「肉餅式」嘅漢堡扒好唔同，出面煎得少少脆，入面又keep到好粉嫩，家母仲話係食過最好味嘅牛肉漢堡（雖然佢好少食漢堡⋯⋯好啦不過我都同意haha）至於素食漢堡嘅配汁就非常出色，黑松露汁正中我哋嗰味，既有平時講笑嘅「煤氣味」，又有一種甘甜嘅感覺，令到包入面嘅鮮菜都有種提鮮嘅效果。用洋蔥圈、菇、洋蔥同埋生菜組成嘅「漢堡扒」亦都好有驚喜，食落同經典牛堡不相伯仲，各有

超好味新開漢堡包店💛個名好搞笑叫屯門牛🤣有唔同款既漢堡可以揀今次揀左烤雞漢堡同經典漢堡來試🥰勁大個烤雞漢堡🥺漢堡包有做烘底所以面同底都好脆中間就軟綿綿🤤烤雞超級juicy😭雞扒嫰滑多汁配小店招牌特製黑松露醬酸酸甜甜好開胃🥺加左$18轉套餐本身有薯條同飲品再加多$5轉薯格薯格即炸夠哂香口😋好味😋另外仲叫左經典漢堡塊漢堡牛勁厚身🥺配大大塊半溶芝士🤤成個漢堡勁大個🤣牛肉味道幾濃煮到約7成熟唔算太生都可接受仲加左活潑既生菜同蕃茄🍅🥬中和返漢堡既油膩感薯條都係即炸脆卜卜🤤食哂成個餐勁飽😂今次兩個漢堡都無轉醬下次轉其他醬汁試下先😋.以新開小店來講味道算唔錯性價比都高🤤