Dream

營業中

休息中

慶生飯局四缺一，因閨蜜不便出席。餐廳位置不算便利，人流也不多，但環境十分寧靜，燈光效果亦富情調。水果茶可選冷或熱，兩款茶飲的甜度剛好且富水果及薄荷香，熱的感覺較滋潤而冷的則解暑。酸種薄餅即叫即製，配簡單材料最能嚐出各式食材及薄餅的鮮香。魷魚鬚炸得挺直卻不乾柴，炸漿很薄，魷魚鬚也軟中帶脆，加上微辣的醬汁是一道不錯的前菜。烤雞是預訂菜式因製作需時。經過長時間風乾所以雞皮變得很薄但仍留有濃厚脂香，皮脆肉滑之餘雞味豐盈，是值得回頭的菜式。西式餐食除卻沙律外菜蔬選擇不多，因此點了炒什菌，雖然材料一般但煮功仍是不賴的。

呢間餐廳出名無味精，食材新鮮時令，而且每款菜式都由大廚精心設計，唔會同其他餐廳撞款不特止，而且餐廳不時轉換新菜式，絕對唔會食到悶！我好耐之前已經想食呢間餐廳，不過因為人在外地，所以今次返黎香港一個月，決定唔放過佢，以下嘅相係幫襯2次夾埋嘅合集！佢地由頭盤，湯，主菜，餐飲到甜品都會有廚師精選，即係hidden menu，所以除左menu嘅野，當然要試d唔係時時有嘅野啦！呢度有室內同室外位，室內空間感十足，每張枱距離有1米半以上，完全唔會覺得逼夾，坐得好舒服，滿足倒一家大細，又滿足倒二人世界。室外位好開揚，絕對滿足倒食煙同想chill嘅客人，不特止，仲有一個長形空地俾小朋友任跑都唔係問題，整個場地大小都適合包場開party，annual dinner，各種event.
再黎不得不讚員工同老闆，普通西餐廳嘅價錢，但酒店級(因為廚師老闆真係酒店級)嘅服務態度，佢地非常細心，員工喺每道菜嘅前後都會留意餐桌情況，安排好需要餐具同清理枱面，等客人食得舒服唔會呢咁HEA，如果唔太忙，廚師老闆仲會親自出黎關心客人對食物嘅滿意度，希望從意見中提高食物水準。多謝你睇晒我個食評，一間由內到外再到返內都咁高水準

一間無疑是我喜愛的西餐廳，無論頭盤、主菜、甜品都非常好食。頭盤：脆炸魷魚鬚、布拉塔芝士配蕃茄都很出色，魷魚鬚即炸魷魚不是細細條👍🏻主菜：烤風乾黃油雞配自家製蔥油醬，黃油雞好香，食落滑滑不會乾身勁好食…配上蔥油一齊食味道再提升不少😋甜品：慢煮法式焦糖燉蛋、伯爵茶戚風蛋糕配焦糖脆脆，芝士海鹽奶蓋，燉蛋夠滑雞蛋味夠濃焦糖燒得岩岩好，伯爵茶戚風蛋糕配焦糖脆脆…味道非常出色，必定要試…蛋糕不會太甜配埋奶蓋非常好食