Romanne Leisure Food Concept (砵蘭街) (已結業)

今日帶朋友去咗呢間餐廳嘅旺角分店🤣 分店喺旺角朗豪坊隔嚟嘅朗晴坊入面，非常方便同埋唔難揾☺️之前已經去過佢深水埗分店食Lunch覺得性價比好高，所以決定試埋佢其他分店😆我地叫左2個dinner set，set dinner係包埋飲品，餐湯，沙律同埋蒜蓉包🤩 蕃茄湯同沙律都偏酸，但反而令我更加開胃蒜蓉包做得好好，外面香脆同埋入面係軟嘅😍我就叫咗一個烤龍蝦明太子乾拌櫻花蝦烏冬☺️對於鐘意食海鮮嘅我嚟講呢個真係啱曬我口味😋香濃嘅明太子醬同烏冬好夾好香，而且份量都好夠我食😚龍蝦比我想像中大隻同埋櫻花蝦都比想像中多🦐🦞龍蝦非常爽口彈牙同啖啖肉，而且仲起埋肉比我食得勁方便🤤朋友就叫咗個混醬烤美國豬仔骨配鮮柚子沙律🐷豬仔骨烤到好淋，唔洗點用力已經可以輕鬆切開😆而且啲醬好入味，不過就好似乾咗少少🤏薯條新鮮炸起所以勁脆，加咗啲祕制嘅粉食落好似高級版嘅shake shake薯條咁😆地址：旺角砵蘭街215號朗晴坊7樓

好抵食，質素唔錯，百零蚊一個dinner set，主食包埋湯，包，沙律，飲品。環境大，容納大概15張四人枱，吧枱/普通枱各半。✨味道70分，服務68分，環境70分。.🔸沙律唔求其，除左沙律菜，仲有青瓜，車厘茄，粟米粒。沙律配沙律醋，酸酸甜甜。.🔸精選餐湯，蒜蓉包餐湯果日係蕃茄湯，味道幾濃，酸得黎開胃。蒜蓉包有淡淡蒜香，唔算好濃郁。.🔸烤龍蝦明太子乾拌櫻花蝦烏冬($138)⭐️呢個價錢都食到龍蝦，仲要啖啖肉，彈牙爽口。用明太子同埋櫻花蝦撈，香噴噴，微辣，烏冬用類似到庭烏冬，口感煮得比較稔。.🔸黑麥啤酒西班牙豚肉辣肉腸意大利飯($108)豚肉肥瘦剛好，咬落幾彈牙唔韌，辣肉腸一粒粒，肉味重啲，有別於平時一片片既，表面有nachos 脆脆，口感更豐富。.🔸焦糖藍莓香蕉蛋糕(+$25)⭐️香蕉蛋糕整熱左，好香，幾鬆軟，上面唧咗少少焦糖，配鮮藍莓，士多啤梨粒。.🔸飲品Dinner Set 送冷熱飲品。

成日去旺角都唔知食咩😅😅朋友仔話想去食傷心酸辣粉😆去到朗晴坊點知撳錯樓層🤣🤣🤣無心之失去咗高質Cafe😍😍😍超驚喜.裝修都好舒服 好適合朋友聚會餐廳充滿住熱鬧嘅聲音😉我哋八點去食飯 餐廳幾乎滿座🤩下次要試吓中午去食 因為餐廳好多窗相信會好chill~由於我哋兩個人都唔太肚餓 我哋都叫咗一個套餐share🤪開頭有啲唔好意思😅驚餐廳唔鍾意但係店員10分好 仲問我哋係咪share俾咗碟仔我哋🥺🥺感動~.烤龍蝦明太子乾拌櫻花蝦烏冬 $138套餐包括:餐湯 蒜蓉包 沙律 飲品飲品我哋升級左草莓奶昔 要加$30沙律正常發揮 蔬菜都好新鮮～加埋胡麻醬冇得頂😝😝甘筍餐湯 甘筍味都好濃郁～店員話見到餐包其中一塊比較細🤣所以送多塊比我哋食😍咁樣我哋就可以一人一嚿～店員真係好細心🥰小店就係食埋人情味😇到今晚嘅主菜「烤龍蝦明太子乾拌櫻花蝦烏冬」超級有驚喜🙊🙊估唔到佢龍蝦真係好大隻～而且好口肉 口感好爽😚 龍蝦真係烤過見到表面有烤既痕跡 呢個煮法好曬心機控制得唔好好易overcook 令到龍蝦肉好口感好鞋～ 心機之作👏🏻👏🏻👏🏻飲返我哋升級咗 草莓奶昔 $30奶昔份量比較少 可能因為夏天個人比較渴求較凍的飲品🤣