Orange Elephant Thai Restaurant (博文街) (已搬遷) 新店位置

來到大角咀才知道這邊也有Orange Elephant，就在加油站旁邊，鋪面也挺大的呢！冬蔭公湯（$86）小的供2-4位用，如果人多可以點大的6-8位用。冬陰功份量足，有蝦、菇類等等，夠辣夠酸，好喝！焗大蝦粉絲煲（$159）有兩隻大蝦，開了邊即是有四件。一上菜還看不到大蝦，原來藏了在裡面。建議一定要好好混好，因為醬汁都在下面呢！粉絲吸收了醬汁的精華又彈牙，不錯！橙象最划算的就是他們每天不一樣的$1菜式，今天的是飛天通菜（$64），現在只需要$1，好划算！通菜炒得好，又惹味。特選椰青（$42）鮮甜，溫度剛好不會太冰，喝完還把椰肉吃完當甜點！龍眼冰（$28）有蠻多龍眼，不會太甜，也好喝呢。埋單三百多塊，飽到不得了，性價比高啊！

記得之前係九龍城都試過橙象 今日又去左食奧運分店😚 餐廳以橙色同大象為主題 店員都多是泰國人 所以比較正宗有特色✌🏻最多人知係佢地每日都有一款推介菜式可以以$1優惠價加泥食🤩 我地星期二去所以就可以用$1試到鳳爪沙律🥗 份量都唔少架 酸酸辣辣非常開胃 醬汁調味不錯👍🏻另外我地就叫左冬陰功湯底明爐烏頭同焗大蝦粉絲煲🤤 烏頭加冬陰功真係聽到都流晒口水 冬陰功會額外比多一碗你 抵過就咁叫冬陰功湯🙊 湯底好湯味夠哂酸辣 入面好夠菇又幾新鮮😋 烏頭好大條啖啖肉 索哂湯汁好正丫😆大蝦粉絲煲上菜時超級熱辣辣 入面仲有2大隻蝦🦐 粉絲夠彈牙 索哂金不換等等香料好入味👅飲品我地就揀左芒果冰特飲同椰汁三色冰 飲得出真材實料 解喝又解辣🌟

今日去Client office 做野，請我食飯多謝我咁幫手。大家都因為要趕尾班港鐵，佢就提議近近地附近食，唔洗去九龍城都有正宗泰菜食喎～🔆咖哩海鮮脆包盅 $148 - 本身係想叫麵包點咖哩，見到餐牌有呢個菜就岩哂。椰汁味重嘅咖哩，裡面有魚柳、青口、蝦等等嘅海鮮。麵包外皮香脆，裡面吸收哂咖哩汁，好味又飽肚，幾正！🔥星期三嘅限定$1優惠係泰式明爐烏頭魚，絕無欺場，新鮮烏頭魚用香料暖住，沾沾泰式醬汁，勁好味。千祈唔好放過浸住魚嘅湯同香料，好似飲緊無辣版冬蔭功魚湯咁～🔆焗大蝦🦐粉絲煲 $159 - 仲叫炒粉麵就out啦。上枱熱辣辣，粉絲索哂汁但又唔會淋哂或過咸，仲有兩大隻開邊大蝦添！🔆原本都唔好意思叫咁多野，但個client話呢度野飲好飲，芒果冰係用新鮮芒果做喎，但我就叫左個最穩陣嘅椰青，好大個呀，仲好多椰肉添！✏️呢間餐廳食物唔錯又坐得舒服，仲要喺正Client office樓下，過條馬路就係，唔怪得佢地當呢度飯堂啦。食完飯過隔離就係港鐵站，又真係好鬼就腳。

襯住農曆新年快到就搵個藉口約吓朋友去食團年飯!😁今日就去近期好多同事都有去嘅橙象試吓佢哋啲泰菜先😀我哋兩個一人揀咗一個菜! 發現原來叫兩個菜可以以$1換購佢哋嘅每日精選, 咁抵嘅都唔叫就真係對唔住個胃今日精選係黃咖哩雞, 真係名符其實的1蚊雞黃咖哩雞聞落都幾香咖哩味, 微微辣, 薯仔好入味, 雞肉夠滑嫩!飛天通菜 $60 ~ 小辣, 菜唔會老幾脆口, 越食越開胃焗大蝦粉絲$152 ~ 蝦肉厚實, 粉絲唔會一餅咁, 好香金不換嘅味, 炒得唔錯, 好惹味! 小亮推介朋友愛食牛油薄餅又點可以唔叫呢 ～ 薄餅厚薄適中, 食落唔會漿住個口, 都幾好! 牛油味如果再多啲就perfect 喇!食到中段見隔離檯嘅生蝦好似幾吸引, 又忍唔住叫嚟食, 點解我哋兩個人咁大食ga👩😲😆🙈生蝦刺身6隻 $90 ~ 生蝦夠新鮮彈牙爽口 飲品就叫咗青檸梳打同鹹檸雪碧, 鹹檸夠晒味, 好飲總括來說食物味道真不錯, 我嘅有下次餐廳名單又多間選擇了! #純粹個人口味

難得嚟到奧海城，朋友話帶我去食間好味嘅泰式餐廳。喺門口見到呢個優惠，我同朋友都鍾意食鳳爪，今日呢個1蚊雞優惠就啱曬我地。雖然係1蚊雞優惠，但份量都唔少，兩個人食啱啱好。鳳爪酸酸辣辣，好醒胃，又唔會辣到食唔到，啱曬我哋呢d唔係好食得辣嘅人。見到隔離枱食呢個粉絲煲，我哋都叫埋一份。粉絲軟硬適中，煲底嘅粉絲浸住d汁比較入味。蝦就得兩隻，放咗喺粉絲下面，可能係焗得太耐，蝦肉有d老，整體還好。泰式燒雞好好味，同泰國食嘅味道一樣，而且雞肉好嫩滑，強烈推薦！！！見到餐牌有黃油飯就叫咗一個嚟試下。黃油飯比較遜色，飯比較似糯米，食落去口感唔係太好，朋友叫嘅白飯更好味。椰青係另一推介，椰青水好清甜，椰肉好易刮，同平時食開嘅椰肉相比，呢到嘅椰肉比較腍，好似食緊啫喱咁，最後飲曬椰青水食曬椰肉😂

位於奧運站的Orange Elephant用上醒目橙色裝潢，由泰國廚師用地道煮法烹調泰國菜，有泰國既正宗風味！餐廳每日都有不同既菜式，好似星期一既炸蝦餅、星期二既鳯爪沙律、星期三既烏頭、禮拜四既黃咖喱雞、禮拜五既飛天通菜、星期六既細支裝啤酒同埋禮拜日既黃香茅炸豬扒。特選椰青 ($38) 及 芒果冰特飲 ($34)：椰青好清甜，芒果冰特飲甜得黎亦帶點清新的熱帶感覺！泰式明爐烏頭魚：原價$168既魚竟然只賣一蚊，真係抵到爛呀！焗大蝦粉絲煲 ($152)：令人失望的一道菜。粉絲有點過鹹，而且大蝦亦不新鮮，完全不值呢個價錢！炭燒牛肋骨 ($92)：燒得剛剛好，恰到好處！牛肋骨表面非常乾身，但內裏仍然非常juicy，絕對係整個晚上的點綴！總括黎講整體食物質素唔錯，只可惜服務水平仍有改善空間。現場所見有不少漏單情況出現，但侍應們總好似愛理不理咁，真係非常趕客！