太平館餐廳

營業中

休息中

星期六出銅鑼灣，沒想到人流可以如此多。 找了一找沒找到想吃的。上地圖網找了一下附近有什麼餐廳，看到了"太平館餐廳", 想起曾在不小報導中看過，就決定去試下。一入去就感覺到那種懷舊的感覺。有好多張"卡位"。整體裝潢有80年代feel。 幾位伯伯侍應都好好笑容。太平館瑞士汁炒牛河($72)上枱時第一個反應係，這應該是瑞士汁"撈"牛河吧？食落有驚喜喎，個汁真係好好味，咸甜適中，太平館瑞士汁好出名我知，今次試完就知到點解了。焗豬扒飯($67)老公一食就話覺得味道好懷念。但想不起在那食過。我想那就是小時候的味道吧？豬扒有四塊，由於是下午茶份量不大，豬扒幾厚身。 題多話，三色豆是否舊式西餐廳必需的？我個人不太喜歡青豆。。。餐飲-熱奶茶舊式餐廳，我一定會試熱奶茶。可能我期望太高，不是不好飲，只係我覺得奶味同茶味差左小小。食緊時，隔離枱堆單，聽到食客同經理吹水，經理好健談，給人感覺好親切，我想這也是這間餐廳的魅力之一。

突然想食鼓油西餐，銅鑼灣都有好幾間選擇，好耐無黎太平館，就揀左呢到。瑞士汁牛河，d粉一疊疊，印象記得呢到d炒牛河幾好食，估唔到今次水準咁樣，不過唔油都算係拎返d分數。牛肉帶濃濃瑞士汁都幾唔錯，唯一真係河粉出事。瑞士雞翼，喜歡這裡的連雞翼尖版，水準keep得到，我滿意的。焗豬扒飯，係雞翼餐跟的飯，總覺得這些老店鋪做焗野同燴野都係好食，茄味強，粉飯底，厚切豬扒，今次的豬扒還算鬆化，是穩陣的。小蛋糕，味道就真係麻麻，不過係經典野。這裡還是食鼓油西餐的好去處。