樓下冰室 (已結業)

今日黎到路德圍食晏，去左呢間以瑞士汁雞髀雞髀出名既樓下冰室。作為焗豬控既我梗係試試呢度既焗豬扒飯啦！瑞士雞髀出名又叫左一隻，同埋叫左杯咸檸七。焗豬扒飯寫到明製作需時，所以先上枱既係瑞士雞髀，一上枱已經聞到好香，大大隻既雞髀浸係瑞士汁上面，雞髀皮薄肉嫰，一切落去睇到啲汁流出黎，好juicy。一啖咬落去，已經食到瑞士汁果然係樓下冰室既得意之作，汁咸得黎有啲甜，係真係既瑞士汁比到既感覺。雞髀淡淡肉好好味，完全唔會好似其他餐廳既鹵水咁會整到overcook，呢隻雞髀真係色、香、味俱全。最後上枱既就係等左差唔多10分鐘既焗豬扒飯，果然美好既野都係需要等待既，豬扒、茄醬、炒飯底夾得好完美，豬扒已經預先切好，一拮落去就食得唔洗切，另外呢個焗豬扒飯我加分既地方係佢冇落到菠蘿，我唔係咁鍾意係焗飯入面有生果，所以我又加左分。食飽飽飲埋杯咸檸七就令個午餐畫上完美句號。

難得踏足荃灣，又難得吉X家26週年紀念特價 - 牛肉飯做緊$26蚊碗，屈小姐話想有飯到肚，就問賴生食《樓下冰室》好丫定係《吉X家》好？ 聰明既你一睇就知道屈小姐其實係想食《樓下冰室》啦於是，賴生就火速帶屈小姐到《樓下冰室》開餐啦 不過，由於晚市係繁忙時間，要安排入座加同人搭檯嫁，但要食好西就唯有將就下啦！（賴生心諗：仲好，可以坐屈小姐隔離）不過呢度既卡位比起正常餐廳既細，一男一女坐都有啲逼由於今次我地唔想咁heavy(其實因為岩岩掃完街)，屈小姐叫左個素什錦蕃茄湯螺絲粉，而放棄左招牌鼓油皇雞脾啦，而賴生就叫左個焗豬扒飯屈小姐叫既 - 素什錦蕃茄螺絲粉（小辣）：⭐️⭐️(2星)第一樣一定要講既係配料，餐牌上既素什錦寫住：腐皮、粟米、菇同時蔬，頭3樣都岩啦，但點解時蔬係咸酸菜黎既？我理解唔到囉！除左同蕃茄湯一啲都唔夾之外，更污染左個蕃茄湯，令蕃茄湯多左份格格不入既Up味！另一樣野係我地叫左小辣，但真係冇辣咁濟喎⋯⋯而且我地本身諗住可以有菜落下肚健康啲，點知好失望最後，個炒滑蛋⋯熟過頭！ 佢可以拎到2星純粹係因為個蕃茄湯（未被咸酸菜破壞部份）都仲食得下，蕃茄味都夠濃！賴生就叫左 - 焗豬扒飯：⭐️