樓下冰室 (已結業)

今晚去左路德圍搵食，呢度好多唔同餐廳，唔同款式既都好。今晚帶爸爸黎食間性價比高又抵食又飽肚既冰室。見到佢餐廳個logo都有蕃茄圖案就估到呢間多蕃茄菜式。平日晚上，時間尚早，唔洗等位。餐廳內有卡座的，都坐得幾舒服，座位數目都多。我地入到去坐低左就望望餐牌，的確好多野食揀，食麵、粉、飯、小食既都有。我地一場到來都想試試佢既蕃茄款式。所以我點了一個蕃茄濃湯底既意粉，再配餸。呢度既彈性都大，唔想食蕃茄湯既，仲可點豬骨湯，或麻辣蕃茄湯，總有一款岩自己。麵條方面都好多選擇，有意粉、米線、公仔麵、上海麵等等。餸又有好多款，可自選一餸、兩餸、三餸。最後我左一碗芝士、墨魚丸、叉燒意粉。賣相都唔差，餸都唔少的，墨魚丸好爽好彈牙，幾正。叉燒份量都唔少。我最欣賞個蕃茄湯，甜甜的又香蕃茄味，飲起來好鮮甜好香，做湯底真係唔錯，十分濃郁。正爸爸點了焗豬扒飯。份量好足呀，三塊大大塊豬扒，豬扒肉質好腍身，好易咬，啖啖肉。同埋好香濃蕃茄味。好正。除左肉外，焗飯個飯底都非常重要，炒底既飯配埋蕃茄汁來焗，熱辣辣又濃蕃茄味。每啖飯都好juicy好夠茄味。正。呢個焗飯份量真係好多。大豐盛。我們仲點了一客瑞士雞翼，一份有三隻。瑞士

一街都係冰室，呢間樓下位於路德圍，正常茶記裝潢，二人枱狹小，平日晚飯時間，幾乎滿座，問過啊姐可否坐卡位，雖然面露不情願嘅表情，但由於我地體型大，都要點頭啦。(事實上過左8點半鐘後，入座嘅人少，根本無需要留起啲卡位啦)餐牌都係啲茶記選擇，輕輕睇過下啲評價，蕃茄通、雞脾、多士之類比較受歡迎。晚市人均五十蚊，又唔係貴，食到飽一飽，都算係咁。我地並非慕啲名而來，只係食餐家常便飯，稍為好食過普通茶記少少，已經收貨。呢個套餐幾抵食，蕃茄濃湯通粉配牛乳炒蛋再選配一款小食，都係48蚊。選項有13款，唔係hea野，有雞脾、豬牛雞扒、蛋治等。蕃茄濃湯通粉配牛乳炒蛋 +招牌瑞士雞脾 $48蕃茄湯底都算濃郁，唔係齋茄膏開，飲得落口，唔會太重口味，濃稠度適中，整到好似星座嗰種咁稠身，我就麻麻地。炒蛋中規中矩，冇乜蛋味，亦都唔係特別滑溜，而且份量唔多。通粉係冇紋的，我鐘意見雞脾單點要28蚊，就配雞脾試試。雞脾幾大隻，少少鹹，幾入味。雞脾肉幾乎離骨，食落軟腍唔老焗鮮茄豬扒飯 $53好多餐廳都有嘅焗豬，好多時都唔啱我口味，一係過濕，一係過乾硬…呢度嘅焗豬都唔錯。熱辣辣焗起，飯粒炒底，濕潤度剛好，我都幾鐘意。豬扒大小厚

上次去咗一趟金記冰室懷緬一下當年今日，從住晌荃灣嘅朋友口中得知，荃灣都有一間懷舊冰室，佢話樓下冰室，我話你屋企樓下無嘢食喎 ，佢補充多句話間餐廳叫「樓下冰室」 。趁住星期六晚過嚟上堂，簡簡單單一支公嚟食個飯，嘆吓奶茶。雖然，裝修無金記咁多懷舊花巧嘢，相反，其實算幾摩登，不過，仍見唔少舊式產物，勾起少少童年回憶。雖然話懷舊，但樓下冰室喺以蕃茄為主力產品 ，佢哋有個掛牌喺講蕃茄對人體有幾好，就連個招牌都以蕃茄為圖。攤開張餐牌，有咩好食就一眼睇晒，主打就喺蕃茄濃湯通粉餐，其次，仲有多款小食及特色主食。除咗通粉餐、下午茶餐，就無乜套餐， 皆因點任何飯類，都可以以半價點飲品，變相喺一個套餐嘅選擇 。 熱奶茶 $16（配飯優惠$8） 嚟茶記或冰室嘅心水選擇，杯奶茶好有茶香，落奶嘅比例亦好啱我，只喺絲滑度未喺最好，但亦已好有水準。 焗鮮茄豬扒飯 $50 雖然佢哋嘅招牌喺鮮茄濃湯，但小弟反而好想食佢個焗豬。首先個鮮蕃茄汁底好正，茄味香濃，酸香鮮活，配合個炒飯底，淨喺茄汁撈飯都好食呀 ；豬扒雖然唔喺好似一哥嗰啲厚切，但有3塊之多，一般呎吋嘅有骨豬扒，質感好鬆軟，醃得入味 。佢哋