和光

營業中

休息中

今次試下和光既焙茶清酒tiramisu, 味道及口感係: 清新, 清爽, 清甜。 焙茶本身比其他茶種有香味, 入饌令到食物多左一分茶香又減到mascarpone既膩, Sake 就令 ladyfinger 好清甜, 每一口食落好似秋風咁清新, 然後清酒要等到食完後勁先會喺喉嚨滲出黎, 好特別, 完全係第二樣野亦唔可以同平時tiramisu 入口食到搶喉既酒味去比較, 但係超級好食好有層次, 大推~ mascarpone cheese 口感都比較輕盈無平時咁實正, 完全唔覺得似平時食完tiramisu 咁有飽腹感, 問左店主原來佢地無用蛋, 啱哂我呢D 戒蛋唔戒cheese 既人, 我一定會再encore。呢度係日本茶出名, 我就繼續試焙茶latte , 與其話佢係latte, 不如話佢係焙茶牛奶, 其實我飲唔出咖啡味, 亦唔似平時幼滑既latte, 但佢都係一杯好飲既"焙茶牛奶/ 焙茶奶茶"。平時台式奶茶或者抹茶latte 為左去茶甘味落好多糖, 甚至比甜品更甜, 呢杯焙茶latte 就係老老實實落左牛奶既焙茶, 有少少茶甘味, 食完甜野咁樣飲啱啱好。和光其實仲有抹茶梅酒tiramis

放假諗住去附近影壁畫，意外發現樓梯下有間好有日系氣息嘅門口，啱feel就諗住入去食個lunch入面係日式庭院風，行入去另一邊坐仲有啲禪院風格幾特別，個vibe好悠閑感覺，叫野食係自己係出面叫既和光菜漬飯餐驚喜地幾似日本食茶漬飯嘅味道，食左小小原味豚肉係淋得黎有煎香感，但唔油膩嘅，同微脆身飯團幾夾，倒埋茶落去食又會有另一種感覺，變得清淡啲仲多左份茶香小倉紅豆吐司可能太掛住日本，一上枱好似係日本食早餐店果種感覺，面包微甜，配合紅豆同牛油，甜度剛好，麵包都烤得脆卜卜幾正焙茶清酒提拉米蘇男性朋友少有讚嘅甜品，焙茶味道幾香，平時食開咖啡味嘅tiramisu轉左清酒反而幾新鮮，幾fresh感覺，唔覺得漏仲會想繼續食，茶控覺得滿足

今日放工收早路過西營盤呢一間日式咖啡店，喺門口見到有茶漬飯，於是入去一試。茶漬飯佢地有三款可以選擇—「廣島豚腩片」、「日本和牛片」同「三文魚碎」，最後我清清地點左三文魚碎。淡淡煙薰茶香配上醬油飯團伴以三文魚碎及木魚碎，味道剛好平衡。最中意醬油飯團嘅煙韌口感♥︎冷豆腐豆味濃厚，玉子燒嘅質感亦好特別，全部都好好味！仲有是日生果，今日食到蜜柑好香甜juicy～最後仲追加左一個限定甜品「焙茶清酒提拉米蘇」，呢個真係超驚喜配搭！喺外面食得太多原版tiramisu，呢個焙茶+清酒嘅日式版本實在太夾！值得推介！但店員話係「期間限定」，未知做到幾時，希望下次嚟仲有得再食多次！大家想試可以快啲去～