影片
更多
2018-02-05
272 瀏覽
朗豪坊呢個住置開左間新嘅主題餐廳，今次主角係smiley，店鋪位於眼鏡店旁邊，行過路過一定見到，因為黃咁咁，太搶眼餐廳明顯落足心機喺裝潢上，每個角落都見到「哈哈笑」嘅蹤影，適合鐘意打卡、影相嘅朋友，眼見在場都有唔少人影過不停呢度位置唔算多，有室內，亦有餐廳外圍，即係商場範圍嘅位置。如果鐘意坐裡面，最好就預約。始終係主題餐廳，點都會有一班擁躉。我地週日光顧，下午一點鐘，都有數張枱被預約了。以主題餐廳而言，消費唔算太高，平日仲會有午市套餐。但因為係假日，就一律單點。餐牌供應沙律、小食（例如薯條、雞翼等）、主菜（例如意粉、全日早餐、意大利飯、扒類、豬肋排等）、甜品（雪糕杯、芭菲、布丁、奶凍等）、飲品（咖啡、雲朵系列、茶、梳打、沙冰等）。主菜定價7、80蚊左右，有平有貴啦。芝士煙肉炸薯條 $48薯條份量多，都幾熱辣辣，用上粗薯，面頭加左啲芝士、煙肉，兩個人食都夠哂，有多。芝士味道唔算好濃，但都做到拉絲效果。煙肉可能較細碎，味道唔明顯。薯條比較腍身，如果香脆啲一定更好食，口感冇咁粉。一口牛柳粒配日式燒汁 $68伴有沙律菜，牛柳粒size偏大，份量唔多，每日三至四件，都煎得幾香，微焦。食落都香口，
餐廳明顯落足心機喺裝潢上，每個角落都見到「哈哈笑」嘅蹤影，適合鐘意打卡、影相嘅朋友，眼見在場都有唔少人影過不停
呢度位置唔算多，有室內，亦有餐廳外圍，即係商場範圍嘅位置。如果鐘意坐裡面，最好就預約。始終係主題餐廳，點都會有一班擁躉。
我地週日光顧，下午一點鐘，都有數張枱被預約了。
以主題餐廳而言，消費唔算太高，平日仲會有午市套餐。但因為係假日，就一律單點。餐牌供應沙律、小食（例如薯條、雞翼等）、主菜（例如意粉、全日早餐、意大利飯、扒類、豬肋排等）、甜品（雪糕杯、芭菲、布丁、奶凍等）、飲品（咖啡、雲朵系列、茶、梳打、沙冰等）。
主菜定價7、80蚊左右，有平有貴啦。
芝士煙肉炸薯條 $48
薯條份量多，都幾熱辣辣，用上粗薯，面頭加左啲芝士、煙肉，兩個人食都夠哂，有多。
芝士味道唔算好濃，但都做到拉絲效果。煙肉可能較細碎，味道唔明顯。
薯條比較腍身，如果香脆啲一定更好食，口感冇咁粉。
芝士煙肉炸薯條
$48
18 瀏覽
0 讚好
0 留言
一口牛柳粒配日式燒汁 $68
伴有沙律菜，牛柳粒size偏大，份量唔多，每日三至四件，都煎得幾香，微焦。
食落都香口，煮到全熟，口感略嫌韌，幸好唔算話太老。配上燒汁，差啲想點個飯食。
如果鐘意食牛柳粒，主菜有個選擇會配意粉。
一口牛柳粒配日式燒汁
$68
14 瀏覽
0 讚好
0 留言
芝士焗肉醬扁意粉 $68
意粉一人份，雖然話係焗起，但都係用番碟上，面頭有芝士醬。肉醬濃稠適中，唔係太多肉碎，味道都不俗，而且價錢唔貴。
芝士焗肉醬扁意粉
$68
10 瀏覽
0 讚好
0 留言
難得黎到，都試埋甜品先走，但男朋友已經好飽，我地怕芭菲太大份，所以只係點在布丁淺嚐。
焦糖布丁 $28
價錢唔貴，符合質素。size迷你，加上士多啤梨粒同忌廉，甜而不膩。
焦糖層薄身脆口，布丁味道中規中矩，蛋香一般，亦未見雲呢拿籽，唔算係推薦品，不過28蚊還可以。
焦糖布丁
$28
10 瀏覽
0 讚好
0 留言
飲品係個人認為繼主食後比較出色嘅部分，如果鐘意影相，可以點「雲朵系列」，有牛奶、朱古力類，單點$36-42，除左飲品，仲會配上棉花糖，造型可愛，雖然棉花糖都係預期中嘅味道，比較甜啲，但至少都花過心思設計餐單。建議考慮下先決定點/唔點雲朵，唔想浪費，我就點左冇棉花糖嘅版本
玫瑰咖啡 $34/熱
有個靚靚拉花，面頭加左玫瑰花瓣，賣相相當不錯，入口有幾重玫瑰香，味道唔假
咖啡味道濃郁，水準不輸咖啡店。
玫瑰咖啡
$34
6 瀏覽
0 讚好
0 留言
芒果沙冰 $42
有明顯芒果肉，都幾足料，沙冰入口順滑，完全冇冰感，咁好似飲落有忌廉、雪糕咁嘅口感，入口即溶。
芒果香甜唔假，飲品幾出色。
芒果沙冰
$42
8 瀏覽
0 讚好
0 留言
近日心情唔係太好，黎到呢間cafe都算係為自己打打氣，盡量喺傷心嘅時間都唔好忘記要繼續微笑。
餐牌：
張貼
