嘆撈

營業中

休息中

見Instagram 有人介紹黎間甜品餐廳, 比佢嘅紫薯窩夫吸引左,所以要專程遠道而黎. 星期日的下午4:30pm, 一開門就入去食. 咁就可以唔洗等位啦. 叫左一個紫薯窩夫加麻糬同一個焦糖脆脆花生醬甜奶鮮忌廉窩夫. 焦糖脆脆花生醬甜奶鮮忌廉窩夫店員一拎出黎個刻, 真係有少少震撼. 因為真係好大個窩夫. 花生醬好香. 窩夫餅好好食. 濕度岩岩好. 唔會太乾. 焦糖脆脆係岩岩好, 唔會有煮耐左嘅苦味. (曾經係其他鋪頭食過苦味, 有陰影>___<) 最值得讚嘅地方: 佢個花生醬係熱嫁!!咁提升左個香氣同口感好配合. 再加埋少少雪糕, 唔會覺得口好乾/漿住個口咁. 紫薯窩夫佢嘅賣點當然係成個紫色!上面有紫薯脆片, 海量紫薯忌廉同切左嘅日式小甜薯. 可能因為食左紫薯脆同小甜薯, 所以忌廉其實我只係食忌廉味, 不過幾好係口感好滑同埋就算食晒成個窩夫唔會太濟, 不過真係飽左. 麻糬就係窩夫餅入面, 會咬到一粒粒幾有咬口. 兩款我都好鐘意, 如果再返黎食. 我會encore 紫薯窩夫, 畢竟出面唔多餐廳有得食.五十幾蚊食到好味又有心機嘅窩夫，真心覺得性價比好高！ 令我最開心嘅係佢每

係網上忽然見到好多人介紹呢間野,，男朋友知港女通常都鐘意食紫薯，專程入去試下呢間野。如果怕等位既，可能唔太適合你，我前後去左兩次，平均都等１５分鐘或以上。但如果你等得既，絕對值得嫁！我揀左「紫薯窩夫」，男朋友就食「焦糖脆脆花生醬甜奶鮮忌廉窩夫」，兩個都冇令人失望。紫薯窩夫口味比較清淡，我最欣賞佢上面Ｄ紫薯薄片，增加口感之餘，味道亦比較出色。鐘意食紫薯既不妨一試。至於焦糖脆脆花生醬甜奶鮮忌廉窩夫，好甜，佢好甜，真係好甜。（好重要所以講３次）男朋友一食就停唔到口，因為佢好鐘意食格仔餅，冇錯，佢個味同格仔餅真係好似，但佢比格仔餅更甜更脆。焦糖脆脆份量好多，配埋花生醬，食完要減好耐肥先得。如果好鐘意甜野，一定要叫呢個，絕對令你食到好飽好滿足！總括黎講，呢次甜品係我近來食過覺得最好食既，價錢雖然唔平，但係好值得！

係屯門附近食完飯，當然要滿足一下第二個胃，咁啱搵到依間嘆甜品~ 雖然鋪頭細細地，不過野食嘅種類都叫多，有傳統糖水、新式啲嘅糖水，同埋出哂名嘅窩夫！我地叫咗2個窩夫。焦糖脆脆花生醬甜奶鮮忌廉窩夫，顧名思義，窩夫上面有焦糖脆脆、花生醬同忌廉，仲有雪糕球，首先佢依到啲窩夫外脆內軟，而且係成塊上，啲花生醬夠多夠濃，基本上係可以每一細塊嘅窩夫都可以沾滿花生醬，真係估唔到窩夫同花生醬又幾夾，平時好少食到依種味道嘅窩夫。士多啤梨鮮忌廉窩夫，士多啤梨份量多，真係好滿足。睇得出好有心思，因為每個碟都會有隻用朱古力醬畫嘅貓咪，真係睇得又食得！