天蓬 (已結業)

星期日係中環覓食，發現原來附近好多餐廳星期日都唔開門😰🔒已經好肚餓，就求其喺附近搵咗一間茶餐廳，見啲凳都好似坐得幾舒服，就入去試吓😎豉油皇厚切豬扒腸仔炒公仔麵 $68見到個名覺得好吸引就嗌咗，一上枱真係太香，唔記得咗影相就已經切咗塊豬扒🤣🤣塊豬扒煎得幾淋，同幾入味🐷腸仔就係正常廚師腸，不過個公仔麵就略嫌太重豉油，太鹹了，係相入邊都見到啲色水好深，所以就係呢度扣咗少少分😰鹹牛肉雞蛋三文治 (烘底) $42等到2 點半，就係為咗叫佢個下午茶餐，識叫一定係叫蛋牛治🥪我就加多咗$2 要埋烘底，塊麵包係厚切，烘得啱啱好，脆卜卜，炒蛋同鹹牛肉仲係熱辣辣，炒蛋中和咗牛肉嘅鹹味，而且好足料，就咁食一邊已經飽咗一半🤰🏻🤣煉奶西多士 $38係最邪惡嘅西多士呀🤤😈西多炸得好脆，切開咗4 舊嚟炸，所以每一啖都可以食到脆嘅邊皮，外面嘅煉奶同牛油俾熱辣辣嘅西多整溶咗，然後咬落去仲有花生醬夾心陷，我就係要呢啲味道🫵🏻😍鍾意食甜嘢嘅你哋，一定要嚟試下佢！.總括嚟講，以茶餐廳水準呢間食物質素幾好，而且環境舒適，係附近唔知食咩又唔想食太貴嘅，都可以嚟試下😉

發現最近喺中環嘅小巷中新開咗一間主打超級巨型豬扒嘅餐廳，超高性價比！環境以綠色為主調，店內較多梳化座位，坐得好舒服～豉油皇厚切豬扒雙蛋飯⭐️⭐️⭐️⭐️⭐️$65巨型豬扒有成人嘅手掌咁大同咁厚，足足有15cm😮 用嘅係上等巴西梅頭肉，肉嫩有彈性，非常香脆入味，果然係呢度嘅招牌菜！配有流心煎雙蛋同秘製炒豉油汁，豉油味道甜甜地一啲都唔膩，所以個人鐘意偏甜嘅豉油，用嚟撈飯一流～另外值得一提嘅係配飯嘅椰菜，食落爽脆鮮甜又新鮮，整體質素好好👍煉奶西多士⭐️⭐️⭐️⭐️$38呢個西多士真心邪惡🤤預先已一分為四，每邊炸得金黃酥脆，而且厚度十足！大大嚿牛油喺西多士上面融緊，睇到呢個畫面…想快啲試吓但又好治癒，唔想破壞佢🤣西多士外脆內軟兼有蛋香，每一啖都食到香濃嘅花生醬餡，而份量係啱啱好，唔會喧賓奪主～秘製瑞士汁雞翼 ⭐️⭐️⭐️⭐️[$26/3隻；$38/5隻]雞翼浸喺秘製瑞士汁之中，吸收晒啲汁嘅精華，無論內外都入晒味，雞翼外層嘅雞皮保持到好爽口，內裡肉質嫩滑，令我而家仲回味緊～另外叫咗凍咖啡同凍奶茶，兩款都濃郁厚滑，大熱天時飲完真係好爽～

天蓬位於中環昭隆街餐廳以薄荷綠為主調！見到天蓬呢個名就諗起天蓬元帥豬八戒🐷而餐廳Logo就係一隻飛天豬🐖—-✄———-✄———-✄———-✄———-✄—-✾ 豉油皇厚切豬扒蛋飯 $65豬扒超大塊，仲大過肥妹手掌🤚🏻肉質好軟腍鬆軟，而且十分入味啖啖肉，好岩食肉獸仲有兩個太陽蛋🍳🍳篤穿蛋汁撈埋特製鼓油汁一齊食更有滋味！！✾ 瑞士汁雞翼蛋蛋炒公仔麵 $68炒公仔麵好乾身有鑊氣加埋洋蔥同椰菜炒，感覺會健康啲🫣雞翼有四大隻，仲有兩個太陽蛋🍳🍳雞皮爽口，雞肉嫩滑！每隻雞翼都非常入味，帶有濃郁香甜瑞士汁✾ 瑞士汁雞翼(3隻) $26因為肥妹太鐘意食瑞士汁雞翼所以叫多左份✾ 煉奶西多士 $38西多有四大件，件件都好厚身熱辣辣新鮮炸起，炸到金黃金黃🫶🏻表層酥脆，入面好鬆軟而內層仲塗滿左花生醬加上牛油同煉奶一齊食真係好邪惡😈✾ 凍檸茶 (跟餐) $5✾ 熱檸水 (跟餐) $2 —-✄———-✄———-✄———-✄———-✄—-

➽豉油皇厚切豬扒蛋飯 $65 塊豬扒大到呢又長又厚但係, 佢肉質做到算軟身, 唔韌個骨邊, 配埋D 肥肉, 食到骨位我係用手拎起食, 正到呢!成個飯都好配合雙蛋整穿佢, 流D 蛋汁出黎, 加埋豉油皇汁, 甜甜地成個飯都好食而且都好 sweet 咁加埋少少菜係度, 唔想大家淨係做食肉獸, 哈哈!➽煉奶西多士 $38 邪惡到爆登好好食炸到外層脆邊入面個醬同煉奶爆多好食到呢!➽瑞士汁雞翼 $26/3隻個瑞士汁同豬扒飯個汁係一樣的所以都係有質素其實佢仲有大家好喜歡既炒公仔面可以將D 瑞士汁徹底咁融入去D 面度, 一定好正******整體講, 味道好食, 量大, 加埋凍飲都係$70一個飯係中環黎講真係好抵食而且佢既新裝修幾有格調, 粉綠襯啡色既木; 而且坐得算幾舒服不過因為座位唔算多, 所以想試既朋友放LUNCH 要早D 去拎位啦

提起「天蓬」大家會唔會即刻諗起西遊記入邊，豬八戒嘅角色「天蓬元帥」呢？位於中環巷仔內嘅「天蓬」，就係一間主打巨型豬扒嘅新食店。天蓬嘅招牌厚切豬扒份量十足，每塊都差唔多成有15cm長。豬扒肉質嫩滑，唔會乾，加上廚師精心烹調嘅即炒豉油汁，聞落香噴噴，食落滋味無窮。另外佢哋嘅瑞士汁雞翼亦都十分受歡迎。雞翼肉質軟腍，冇雪藏味，瑞士汁鹹甜適中，唔會太甜。無論配白飯、公仔麵，或者就咁空口食都一樣咁好味。雖然食完豬扒同雞翼已經好飽，但係大家都要留返個胃去試一試佢哋嘅西多士！西多士用上厚切方包，軟綿綿、大大粒，炸到金黃色，賣相吸引。每件西多士入邊都有花生餡料，配上鮮牛油同煉奶，口感豐富。天蓬裝修明亮簡潔。青蘋果綠色嘅座椅，白色牆身，能為客人製造一個愉快嘅用餐環境。餐廳亦都好貼心，知道中環返工嘅上班一族爭分奪秒，時間緊迫，所以無論外賣或者堂食都可以掃描二維碼點餐。外賣更加可以網上點餐之結帳，喺指定時間取餐，減少等候外賣嘅時間。

中環最近新開左一間港式餐廳😆 係一條巷仔裏面😍 入面嘅裝修主要係用綠色，令人非常之精神，俾人感覺好有活力！環境都好乾淨🤍天蓬元帥，即係豬八戒🤣 呢間餐廳叫得「天蓬」，當然係出名食豬扒😆 所以一定要嗌豬扒！🔸🐷豉油皇厚切豬扒雞翼炒公仔麵 $72一上菜就已經非常之surprise，超巨型嘅豬扒😍，有手掌咁大🖐🏻！豬扒係用巴西梅頭肉，肉質鮮嫩鬆化，唔會好硬好難咬😆 再淋埋佢哋自家秘製嘅招牌即炒豉油汁，同豬扒嘅油脂香融為一體，令到豬扒更加惹味🤤 🐔瑞士汁雞翼 $38/5隻雞肉肉質軟腍，而且佢哋自家製既瑞士汁好香甜，好入味，食每一啖都有香濃嘅瑞士汁，真係令人食到唔停口🤤🍞煉奶西多士set $38嚟港式餐廳點可以唔食西多士😝 佢哋嘅西多士擺盤好靚，而且好邪惡，好多牛油同煉奶😍 西多士炸得岩岩好，金黃色的💛 入面夾住花生醬，配搭住牛油同煉奶，真係好好食🤤佢哋有QR code比人落單，嗌外賣好方便，可以網上嗌定先再去攞，慳返好多等候時間，中環返工嘅人又多咗個選擇啦👍🏻