囍八方 (差館上街)

營業中

休息中

喺上環食餃子，大家一定會諗到永樂~~不過小妹食過幾次，覺得佢無論咩餃都係個個味😅 今次介紹呢間好食好多😉呢度嘅餃子款式都唔少，鮮豬肉餃有配韭菜、西洋菜、芹菜嘅選擇，另外仲有粟米香菇鮮豬肉餃、鮮蝦菠菜餃同松茸餃。湯餃嘅話，小妹最愛🥟西洋菜鮮豬肉餃同🦐鮮蝦菠菜餃。有一排小妹不停買生餃返屋企食，連唔好餃子嘅小妹媽都話唔錯。湯餃外皮做得夠薄，薄到可以透到入面嘅餡料，就算食曬成碗都唔會因為食好多粉糰而飽飽濟濟。小妹推介大家配🐟骨膠鮮魚湯底（店員亦大推），奶白色嘅魚湯濃郁，同餃子味道好夾。如果怕食餃子唔夠飽，仲可以揀餃子配麵，仲有比較少見嘅淮山麵。麵條幼幼，唔會淮山滑潺潺嘅口感，而且仲係低卡食品，感覺好似冇咁heavy😂另外仲有煎餃，用半煎炸嘅方法煮，所以煎得好脆口。煎餃小妹大推🍄松茸餃，松茸嘅味道好香，煎熟後松茸汁會鎖住係餃子入面，一咬就會必曬出黎（要小心到辣哦~），好食🤗！粟米香菇鮮豬肉餃都唔錯，不過如果加埋芝士會更好食。

環境光猛，價錢中高，味道唔錯。樓面只有一位員工，要處理唔少外賣單，walkin客，出菜，收枱，收銀，都處理得快，犀利。.🔸骨膠鮮魚湯松茸餃($88/8pcs)分數: (9/10)松茸餃好香，好突出，生熟剛好，唔會一夾冲散，餃子皮都好滑。骨膠鮮魚湯清甜，飲落順滑，配餃子好搭。.🔸煎松茸餃($132/10隻)分數: (8/10)煎得好香，外皮脆而不硬，同樣係松茸餃，煎皮既香掩蓋左松茸香。.🔸蟲草花鴨腿湯飯($62)分數: (6.8/10)湯唔會好鹹，就咁飲味道都適中，鴨腿肉可以再整稔啲，肉質略嫌有點實。.🔸蠔油時菜原本送湯，可轉菜，不過菜就唔大碟。.🔸辣菜脯另外想講下佢枱面既辣菜脯，好香好惹味，就咁食都唔會太鹹。.

今日特意嚟到剛剛開左一個多月嘅新餃子店。環境幾舒服，雖然新開，但是全店滿座！店員態度親切會主動向客人介紹不同餃子嘅特色。 在店員介紹下 分別試咗湯餃和煎餃。 湯餃我們要了常餐的五福臨門-湯底係魚湯但係一啲都唔腥 ，餃子是真正的皮薄餡靚，餃子包括有芹菜餃、西洋菜餃、韭菜餃、鮮蝦雲吞和鮮蝦菠菜餃五種。店員介紹可以嘗試用菜莆辣醬一齊食，都幾好味，有不同的感覺。另外我哋試咗煎松茸餃，初時都有啲猶豫因為價錢比一般餃子貴，但係最後都叫咗想試吓，因為出面好少有得叫哩種餃子。果然係無揀錯，係幾特別，尤其是加埋D醬料食😋飲品方面常餐包括嘢飲我哋叫咗冷泡茶，清清地，有茶香味。另一杯叫咗樽仔奶茶，有驚喜，茶味濃郁要真要試一試啦！呢間餃子店真係用心經營而且價錢相宜材料新鮮怪不得見到雖然開左無耐但已有很多熟客，而我都會再返嚟！