囍八方 (差館上街)

營業中

休息中

喺上環食餃子，大家一定會諗到永樂~~不過小妹食過幾次，覺得佢無論咩餃都係個個味😅 今次介紹呢間好食好多😉呢度嘅餃子款式都唔少，鮮豬肉餃有配韭菜、西洋菜、芹菜嘅選擇，另外仲有粟米香菇鮮豬肉餃、鮮蝦菠菜餃同松茸餃。湯餃嘅話，小妹最愛🥟西洋菜鮮豬肉餃同🦐鮮蝦菠菜餃。有一排小妹不停買生餃返屋企食，連唔好餃子嘅小妹媽都話唔錯。湯餃外皮做得夠薄，薄到可以透到入面嘅餡料，就算食曬成碗都唔會因為食好多粉糰而飽飽濟濟。小妹推介大家配🐟骨膠鮮魚湯底（店員亦大推），奶白色嘅魚湯濃郁，同餃子味道好夾。如果怕食餃子唔夠飽，仲可以揀餃子配麵，仲有比較少見嘅淮山麵。麵條幼幼，唔會淮山滑潺潺嘅口感，而且仲係低卡食品，感覺好似冇咁heavy😂另外仲有煎餃，用半煎炸嘅方法煮，所以煎得好脆口。煎餃小妹大推🍄松茸餃，松茸嘅味道好香，煎熟後松茸汁會鎖住係餃子入面，一咬就會必曬出黎（要小心到辣哦~），好食🤗！粟米香菇鮮豬肉餃都唔錯，不過如果加埋芝士會更好食。