永興冰室

營業中

休息中

太子新開有雪山疏乎厘同綠茶tart食既冰室，好想試下。餐廳幾光猛，座位寬落，坐得幾舒服。睇落幾多野食揀wor!煎美國安格斯牛意粉5成 磨菇汁$168茶記有安格斯牛食，真係想試下！$168安格斯牛都幾厚身，紋理分明，叫左5成熟，覺得煎得over左小小，不過牛肉汁味好重，脂肪唔算多。磨菇汁黎講幾多磨菇。焗鮮茄豬扒飯多士盒$68近年好興多士盒放飯，但見到$68幾抵食，就叫黎試下。鮮茄豬扒飯豬扒有好多，煎得幾鬆軟，d肉唔會太實。面層舖滿鮮茄汁撈飯一流。多士盒都幾大個，真係食唔晒。雪糕紅豆冰奶茶 跟單加$18奶茶幾細滑，紅豆好多，因為本身紅豆會甜，所以奶茶唔算太甜，岩岩好。雪糕紅豆涼粉冰跟單加$18椰汁味幾重。雪山疏乎厘$88最令人期待既巨型梳乎厘！真係人頭咁大！外層焗到小小燶，好似麵包既外皮，少少煙韌，入面蛋白濕濕地甜甜地，好軟綿綿的感覺，而底層有d蛋糕。真係兩個人都食唔晒!!!綠茶撻$7幾特別! 撻皮係酥皮，綠茶味幾濃，小小甜，都幾match!兩個人每人百幾蚊左右，食到好飽！下次叫少d野食先得!

今晚繼續係做到好夜先收工，又係攰到隻積咁，屋企例牌無飯開，老公話不如去茶仔搞掂啦。經過呢間招牌搶眼，裝修新淨嘅冰室我哋就入咗去喇。入面乾淨企理，而且唔會好迫，又有電視睇，可以舒舒服服咁食個晚飯。睇下個餐牌，原來喺呢度都有好嘢食喎！雖然係茶仔食百幾蚊個餐聽落有點兒那個，但正所謂辛苦搵來志在食，咪試吓囉。問咗侍應吉列牛同煎牛邊個好食啲，佢話吉列就香口啲、特別啲；煎呢就原汁原味啲。於是我叫咗煎美國安格斯牛意粉，老公叫咗焗肉醬意粉。另外，為左達到一個有營晚餐，我哋仲叫咗個番茄魚湯浸生菜。先來跟餐嘅羅宋湯，大大碗好足料，勁多蔬菜喺入邊，不過我覺得辣左少少。呢個魚湯鮮茄浸蔬菜好好味，個湯清清地，生菜新鮮爽口，一路食菜一路飲湯，感覺非常健康 然後，食肉獸嘅主菜出場了！意粉雖然賣相平實，但其實整得唔錯。首先，塊牛扒係好有厚度而且真係做到約medium的效果，外面煎到微微焦香，入面依然幾juicy個意粉當然就唔係好al dente個隻，但食落都唔會煮到好腍，而且帶點點蒜香味，都幾好食。老公個肉醬意粉都幾正，芝士同埋肉醬嘅份量都好慷慨，食極都仲有，好鬼滿足不過就略為咸左少少。鹹咗少少都唔緊要，飲番杯凍檸水