兩草 (已結業)

去大坑搵食，一心係想去食其他野，點知行行下見到間望唔到招牌又有人排隊等食嘅食店，以唔執輸嘅精神，當然排埋一份。個menu款式唔算多，但係價錢幾經濟實惠。就叫左枱枱都叫嘅肉餅煎蛋飯，出餅確然係出色，有特色，煎蛋好香口，好想加多隻蛋。（以而個價錢絕對值得一試！）另外仲叫左肉骨茶小籠包，一般之作，如果肚仔唔夠位我覺得可以唔試。最後仲叫左煎腸粉，巧巧食，好入味，又香口，又野味，而個就真係2草($20)之作，好耐味試過食到咁好味嘅煎腸粉

超脆煎蛋🍳肉餅飯😍😍😍.成條街一路行去間間食店都幾百幾千上落😂唯獨係呢間排晒隊一個飯只係$30 😍 好簡單一個飯：蛋+肉餅+蔥+豉油😋但個蛋真係宇宙級既脆🤤加埋豉油係超香的🥰飯就稍為淋左啲，加埋豉油會更淋🙈.枱上面既豉油既咸香比原先佢落左係飯既更香，記得要試😁加埋個辣油撈飯好惹味，成碗食晒😎肉餅就唔太突出就係冇左佢唔得既角色😆叫左個魚餅對比係其他野食佢就略為淡口但$20 都唔可以要求太多😂😂😂但可以將個Quota 用係個炒豬腸粉到🙈🙈

總有d時候，係會有po想食「頹飯」既癮。好好彩午飯時間去都唔洗排隊而好快就坐得低。我同朋友分別都叫左煎蛋肉餅飯肉餅鬆軟唔紮實，肥瘦平均 香口好味煎蛋有脆邊有少少焦香，口感好加分雖然蛋味唔算濃，但係勝在蛋黃流心。一淡裡面有蛋汁，甜豉油，香既肉餅，好味。價錢都算平，30幾蚊到。胡椒肉骨茶肉味淡，但係肉質軟淋。一咬啲肉就離骨，所以真係煲得好淋。靈魂應該係個湯汁，好香胡椒同香料味。重點唔會死鹹，同飲完唔會口渴。加央多士包面碌得好薄身，所以口感脆而唔乾口。雖然唔算係必食，但係如果食完鹹味既野又想食番少少甜野既話，同朋友share一份都係一個唔錯既選擇。服務既話，好難評論。可能因為店主忙住出菜既關係。不過都係friendly既。額外一提，係店裡面水係要一支支咁買既。不過食物咁實惠咁少少野飲錢都無咩所謂啦。總括而言，一定會再去過～～

呢間大坑嘅小店叫兩草，高質素加上價錢親民，開業不久已有唔少捧場客。馬拉菜當然唔少得肉骨茶！招牌胡椒肉骨茶，做法有別傳統，接近福建人口味，雖然欠缺藥材味，但就有超重胡椒鹹香，且帶點辛辣，味道幾過癮。不過主角其實係碗煎蛋肉餅飯，每枱必叫！老闆對自己功架似乎十足信心，皆因太陽蛋寫到明係脆邊，輕輕吉爆嘅蛋汁，撈落煎到金黃嘅肉餅，再加一圈甜豉油，曬上葱花，簡簡單單但好味道！另外嗌咗蛋炒豬腸粉，超香口！即叫即炒，其間加入豬油、甜豉油，最後加入蛋漿，炒到見微燶，即刻上碟，唔會過龍。

鋪頭唔算大間，如果人多，坐埋都會幾迫下。鋪頭好有懷舊感覺，四圍都貼滿7，80年代既野，又會播下舊歌咁。食飯價錢方面係呢區黎講算親民。煎蛋肉餅飯最吸引係隻燶邊太陽蛋，好香脆，啲蛋汁用黎撈飯真係一流。個肉餅算厚身，係煎肉餅黎，完全唔硬身，啲肉好軟身又有肉汁。啲飯仲落左啲秘製豉油，正滑蛋叉燒飯呢個飯係有炒滑蛋加叉燒粒，啲蛋好滑好香濃。同平時茶餐廳食開果啲，個人覺得差唔多。個飯都係有秘製豉油。相比起肉餅飯，啲個有少少失色。肉骨茶個湯係有兩條排骨，啲排骨煲完好入味，亦都唔會好硬身，反而都係好嫩身。個肉骨茶有超濃胡椒味，可以一試