影片
更多
2016-01-06
398 瀏覽
前排行過屯門AEON超市先知原來開左間新拉麵，今日又懶唔想煮所以就拉左老公黎試下。我地6點9去到已經要排成7,8個人=.=估唔到咁早都咁多人，佢同一般拉麵店都係一樣，唔係拎飛而係要自己排除，仲要人齊先入得!我地等左半個鐘左右就有得入啦!入到去就睇下食咩啦，我地最後叫左個「大門拉麵」，「 日本叉燒丼」同「煎餃子」，等左15分鐘左右先有得食先黎個「大門拉麵」，$48黎講簡直係超值，配料方面有兩塊肉﹑荀﹑蔥﹑一塊紫菜跟麵底，麵底唔似D出名拉麵店可以揀粗幼，一律都係同一隻麵，先講個湯，個湯底好似係豉油同豬骨湯底既相拼，佢唔係甜又唔係咸，係普通湯底，但對我黎講簡單就是最好，飲左幾啖湯都唔會覺得口渴，證明佢無落味精!再講配料，無任何特別，都係一般配料，塊肉有野好，唔肥，無乜肥膏。最最最重要就係個麵，麵底我覺得幾特別，我地食開既拉麵一般都比較幼身，但係呢個拉麵D麵係粗身，有D似烏冬同埋幾闊身，食落吸引晒個湯底味，正!而且幾彈牙，十分可口!之後我地就食個「煎餃子」，餃子都係不過不失啦，算皮薄餡料夠(餡料都係豬肉)，因為都係即叫即煎，所以食既時候都係熱熱地，個皮脆脆地，但係我就唔中意一樣野，就係食完之後
入到去就睇下食咩啦，我地最後叫左個「大門拉麵」，「 日本叉燒丼」同「煎餃子」，等左15分鐘左右先有得食先黎個「大門拉麵」，$48黎講簡直係超值，配料方面有兩塊肉﹑荀﹑蔥﹑一塊紫菜跟麵底，麵底唔似D出名拉麵店可以揀粗幼，一律都係同一隻麵，先講個湯，個湯底好似係豉油同豬骨湯底既相拼，佢唔係甜又唔係咸，係普通湯底，但對我黎講簡單就是最好，飲左幾啖湯都唔會覺得口渴，證明佢無落味精!再講配料，無任何特別，都係一般配料，塊肉有野好，唔肥，無乜肥膏。最最最重要就係個麵，麵底我覺得幾特別，我地食開既拉麵一般都比較幼身，但係呢個拉麵D麵係粗身，有D似烏冬同埋幾闊身，食落吸引晒個湯底味，正!而且幾彈牙，十分可口!
之後我地就食個「煎餃子」，餃子都係不過不失啦，算皮薄餡料夠(餡料都係豬肉)，因為都係即叫即煎，所以食既時候都係熱熱地，個皮脆脆地，但係我就唔中意一樣野，就係食完之後成咀油，好油膩，同食左D油落肚無乜分別。
最後就係老公個日本叉燒丼，我食左2啖，D飯係珍珠米，好味，塊叉燒應該就係頭先拉麵個塊，$20係迷你版，唔好以為好大碗呀!美中不足就係無乜汁，厭佢撈飯唔夠XD
大門拉麵
$48
27 瀏覽
0 讚好
0 留言
29 瀏覽
0 讚好
0 留言
煎餃子
$28
32 瀏覽
1 讚好
0 留言
題外話/補充資料：
建議平日去，試過星期六﹑日再去，條隊好長
(以上食評乃用戶個人意見 , 並不代表OpenRice之觀點。)
張貼
