美味餃子店

營業中

休息中

我是餃子控😂一個星期可以食幾次今次經朋友介紹試左呢間 ☞︎聽講呢間成日大排長龍 但可能因為疫情關係 今日唔使等好快就買到😁可惜今日白菜餃賣晒 所以今次淨係試左韭菜同埋椰菜嘅煎餃真係唔錯 煎得夠香 而且咬落去有肉汁 不過略嫌油膩咗少少😥下次都係食返湯餃~順便可以試埋佢個野葛菜魚湯底•買餃子有菜圃跟埋 但對我來講有dd太辣 唔食得辣嘅朋友要小心🥵•細碟7隻$45 加多$5 大碟有10隻🤣(聰明既手法 我諗應該好少人會買細碟HAHA)

睇完戲唔知食o羊好,朋友話想食餃子就行左過黎呢度,雖然裝潢唔係特別靚,但食物質素唔錯,價錢都偏平,由於唔係好食得落野,所以我地叫左一碟煎餃同埋湯餃+米線雲耳椰菜餃+米線 碗米線都幾大,唔係超肚餓的話兩個女仔share都得~佢連餃子數量都好多,粒粒夠大咬落好有口感.湯餃皮唔厚,可以好集中品嘗餡料味道,雲耳椰菜加埋令口感更加豐富,而且係蔬菜為主,所以成碗野都好清,幾健康架韭菜肉餃煎餃我心目中的煎餃絕對比眼前細,見到咁大隻真係好彩自己無加粉麵~~~佢煎到外層好脆好香口,裡面D餡料都仲keep到多汁入味,點少少黑醋味道更豐富又減膩,由於對佢無期待,所以食到好味道更有驚喜,加上無味精感覺,食完都唔會口乾,比起湯餃我更推薦煎餃~~

呢度除有自家人手包製嘅餃子外,仲有車仔麵等食物,然而我係為餃子而來,已別無他選.佢哋只有雲耳椰菜肉餃,韭菜肉餃,白菜肉餃三款口味,然後就係湯餃或煎餃,細碟(七隻)或大碟(十隻)之分,選擇上可謂貴精不貴多.煎餃係雲耳椰菜肉餃拼韭菜肉餃,外皮煎得乾身呈金黃色,有如細細嘅金元寶,雖然某幾隻餃子開口裂開,但外觀仍算吸引,且可清楚睇到均等嘅摺痕. 煎嘅雲耳椰菜肉餃餡料爽口,餃皮就幾香脆,韭菜餡嘅香味就比較濃烈. 枱上面仲有可以自己隨意添加嘅調味料如紅醋等,當中以自製菜脯最為吸引,入面混有豆豉同辣椒片,辣度頗強,食落既香又惹味.可惜冇樽裝發售,如果唔係就可以買返去慢慢食喇!

好耐之前朋友帶過我黎食美味餃子店既美味餃子，一試難忘。不過，因為好少去太子個頭，比較少食。今日難得有事要出太子個頭，所以特登早d出黎食個lunch。黎到發現原來佢搬左間大d既鋪頭，雖然大左好多間店，但星期六食係需要排隊。好野多人食都係正常既。同朋友叫左個白菜湯餃同煎雲耳椰菜肉餃拼韭菜肉餃，兩個都要左10隻。5/5 白菜湯餃 - 好足料，菜仲好爽口，雖然d肉無咩味，但整體都餃子係好食。餃子皮唔厚身，唔會一食就好飽，會停唔到口甘係甘食。個湯先係重點，食完個餃子，再飲啖湯，完美4/5 煎雲耳椰菜肉餃拼韭菜肉餃 - 煎得好香口，隻隻餃子都好足料，雲耳椰菜有驚喜，比較特別，雲耳椰菜同肉係好夾，好爽甜。韭菜肉餃都好食。不過，煎餃比較多油，容易膩呢到d肉餃以菜為主，好健康，所以餃子係無咩肉汁。湯餃就最正，同埋個自製菜脯豆豉辣椒醬都好正，唔太辣，個菜脯又可以加添左口感。想食個清淡健康既餃子，美味餃子店真係一個好選擇。不過要有心理準備要排隊等位。好彩餃子好快食完，唔使等好耐。