汎花餐廳 (已結業)

呢間餐廳面積唔大，但裝潢簡約，整體風格和諧溫暖❤️係泰式fusion菜，店員仲好nice，上菜都好快🫶特色4道菜套餐 $138 x 2sets叫左2個套餐，每個套餐都有沙律、餐湯、主菜、飲品同甜品，非常豐富。🔹️冬蔭功大蝦意粉 (主菜)大蝦大隻加厚肉，肉質鮮甜爽彈，揉合酸中帶微辣的泰式冬蔭功醬汁，酸酸辣辣很是開胃。意粉煮得剛好，彈性中帶點煙韌的麵質，咬口嚼勁，意粉都掛滿汁。🔹️煙三文魚紅咖哩意大利燉飯 (主菜)賣相好吸引，面頭係煙三文魚包裹住三文魚籽，而Risotto咬下煙韌，吸飽了紅咖哩醬汁，食起來濃郁夠味，配埋帶有鹹味和煙燻香味既煙三文魚同三文魚籽一齊食，更惹味。🔹️泰式燒菠蘿沙律 (沙律)烤過的菠蘿變得不再澀口，配埋新鮮沙律菜，味道非常清新。🔹️泰式青木瓜沙律 (沙律)將青木瓜切絲以泰式傳統調味料調味，再加入清新蕃茄，青木瓜清甜，味道開胃又清爽。🔹️是日餐湯今日係雜菌忌廉湯，忌廉湯入口濃厚滑溜，菌香撲鼻，味道比想像中豐富。🔹️手標泰式檸茶濃厚的茶香和檸檬果香，可以中和餐後油膩。🔹️精選甜品係椰子雪糕配芒果汁，食落雪糕有椰絲，椰子味濃郁，配微酸既芒果汁，味道豐富。

早幾日行長沙灣，發現咗間隱世西泰fusion 菜，呢款fusion餐廳我冇乜見過，加上餐廳門面裝修得幾靚幾光猛，喺條少人同主要得車房嘅街特別顯眼，所以吸引咗我去試佢嘅4-course special menu都幾抵食，最貴都係$138，包頭盤、餐湯、主菜、甜品，仲有餐飲，我同朋友一人一個set，食完都幾飽，連埋加一人均都係$150左右，抵食！頭盤：🌟泰式燒菠蘿沙律🌟泰式青木瓜沙律餐湯：🌟青咖哩雜菌忌廉湯呢個湯望落平平無奇，但一飲原來好驚艷，因為個湯好香香料味，溝落忌廉湯令個湯冇咁濟，味道感覺有啲似飲緊creamy啲嘅冬陰功，好特別，而湯入面仲有好多切片磨菇，朋友都大讚，我覺得呢個是日餐湯直頭可以放入menu主菜：🌟冬陰功大蝦意粉兩隻虎蝦好大隻，撈咗鹹蛋黃輕輕炸過，食落特別香，而蝦肉又新鮮爽口意粉同磨菇份量好多，用冬陰醬煮出黎嘅意粉酸酸辣辣原來幾惹味，而且仲食到啲香茅味，同埋醬汁夠得黎意粉又整得幾乾身🌟煙三文魚紅咖哩意大利燉飯紅咖喱香而不辣，食落啖啖飯都夠汁，飯入面仲加咗粟米，甜甜地令層次提升，而除咗煙三文魚，仲有好多魚籽甜品：🌟朱古力泡芙泡芙有好多朱古力醬喺面，咬開粒泡芙爆哂啲吉士醬出