影片
更多
2020-08-20
1747 瀏覽
人家長途跋涉走去街市熟食中心搵食，竟然都被封鎖，封舖唔封關，做乜膠抗疫都無用！三五成群呆滯阿嬸阿婆加大媽侍應，這裡沒什麼招乎可言。環境陰暗，檯面餐具調味架衛生有待改善，傳統茶記老店格局，廁所放棄唔睇喇！遠望有位地盤感濃厚既叔叔用叉羹食即食麵，用羹拓住再用叉捲成一團享用，好似食意粉一樣，狀甚優雅。廚房大叔無需啤到我實一實既，我帶黑色口罩有幾出奇呢？熱奶茶，幼滑香醇，茶奶味道平均互相配合。凍檸茶走甜，通透亮麗有光澤，清香紅茶點點鮮檸。明顯用熱茶加冰唔夠凍，浪費左杯靚茶。雞批，終於食到傳說中的雞批，期待已久不過強差人意，雷聲大雨點小！是否因為不是新鮮出爐，微波爐翻叮既關係呢？翻叮酥皮有點油膩，微溫入口鬆散碎開，沒有靈魂只得軀殼！雞蓉餡黏黏而漿口，味道還可以，沒有傳聞中的驚世味道！炸乳鴿，設置好有趣，擺盤吸引，鴿頭頸放在中間，賣相好可愛。肉質乾爭爭鞋烚烚硬掘掘，味道偏咸混濁。輕輕一啖後已沒有第二啖的衝動，不想浪費照食吧。炸雞髀，是否翻炸？賣相可怕，皮開肉綻，甩皮甩骨！食左先講，擘大口一咬一扯，乾硬鞋烚烚沒半點肉汁，用盡我的牙力撕開再耐心趙腍吞落肚！味道單調陰沉，只有咸味鹽味，而且油膩感強烈，浪
遠望有位地盤感濃厚既叔叔用叉羹食即食麵，用羹拓住再用叉捲成一團享用，好似食意粉一樣，狀甚優雅。廚房大叔無需啤到我實一實既，我帶黑色口罩有幾出奇呢？
熱奶茶，幼滑香醇，茶奶味道平均互相配合。凍檸茶走甜，通透亮麗有光澤，清香紅茶點點鮮檸。明顯用熱茶加冰唔夠凍，浪費左杯靚茶。
雞批，終於食到傳說中的雞批，期待已久不過強差人意，雷聲大雨點小！是否因為不是新鮮出爐，微波爐翻叮既關係呢？翻叮酥皮有點油膩，微溫入口鬆散碎開，沒有靈魂只得軀殼！雞蓉餡黏黏而漿口，味道還可以，沒有傳聞中的驚世味道！
炸乳鴿，設置好有趣，擺盤吸引，鴿頭頸放在中間，賣相好可愛。肉質乾爭爭鞋烚烚硬掘掘，味道偏咸混濁。輕輕一啖後已沒有第二啖的衝動，不想浪費照食吧。
炸雞髀，是否翻炸？賣相可怕，皮開肉綻，甩皮甩骨！食左先講，擘大口一咬一扯，乾硬鞋烚烚沒半點肉汁，用盡我的牙力撕開再耐心趙腍吞落肚！味道單調陰沉，只有咸味鹽味，而且油膩感強烈，浪費我寶貴的限額﹗魚片出前一丁，魚片腍劈劈鞋鞋糙粗，不彈不滑，咸咸地無鮮味，不喜歡！
沙嗲牛肉出前一丁，熱辣辣新鮮出爐噴著煙！甜美帶香的沙嗲牛肉，鬆得不過份，還有原始味道及質感。麵爽滑富彈性，不過腍不粉口有質素。掛上濃郁湯汁連沙嗲汁大大力吸啜品嚐，幸福啊！
太陽蛋牛扒即食麵，無雞扒供應？傳說中的毛巾牛扒，夾起軟泥泥頭揼揼，𢲡到腍劈劈滑潺潺，濃郁港式懷舊醃味。蛋黃掛麵香甜當然無得輸，麵質微粉微黏不過份，起碼燙嘴滾熱辣！湯底香濃，跟通粉的雞湯底一模一樣。
太陽蛋豬扒出前一丁，湯汁濃濃跟麵同煮特別好食，混上甘甜蛋漿黏黏滑滑啜啜啜正呀！大啖一啜十足十老媽的味道！焗麵條質地軟滑，吸收濃湯程啡色亮麗光澤，滋味無窮！煎豬扒，真煎不是求其馬虎炸出黎，有誠意！黏黏的外層未夠焦香，肉質有嚼勁，原汁原味無鬆肉粉非常好，醃味甜美可口。
出前一丁，鮮煮無得頂，有老媽的味道，湯汁浸入麵條中，熱辣辣入口軟滑味濃。其實我喜歡蛋漿撈麵食架，太陽蛋牛扒遲遲都未到！食完碗麵仲要等多 5 分鐘太陽蛋先到，不過即煮丁麵淨食已經非常美味！腸仔太陽蛋牛扒多士，其實我只想要碗普通腸仔太陽蛋牛扒出前一丁，何解變成兩道菜呢？眼前直頭係 All day breakfast 感覺，凍腸、油蛋、炸牛扒，想嚇鏈死朕咩！仲有白毛巾麵包伴碟裝飾。極咸凍凍熱狗腸盡頂食晒，油蛋微暖整隻啪入滿口油淋淋。炸牛扒熱辣辣沾點凍蒜蓉汁享用，外脆內腍啤啤，𢲡到鬆泡泡，醃到滑潺潺略咸。摸摸塊麵包，凍毛巾放棄！車厘茄藍霉不吃了。
牛尾湯，味道非常羅宋湯，茄味鮮甜濃郁不濁不嗆，完全係茶記茄汁燴意粉味道。黑椒汁鐵板巨形雜扒，高價 $82 蚊攝牙罅唔夠飽！薯條苗條幼幼，起碼要紐紋粗條才美味！正確係巨形鐵板上的雜扒，不是鐵板上的巨形雜扒！炸雞中翼何解雜扒要㖮骨？格格不入。粉厚雞皮香脆炸得有點乾，裡面肉汁已全失。火腿薄切彈彈，用來捲著勁咸腸或羶牛脷可以轉移一下。牛脷有嚼勁，牛味濃帶點牛羶。有骨豬扒原汁原味，野性的原始質地好味道。牛扒鬆鬆舒服晒，腍腍滑嘟嘟咸咸的。黑椒汁甜中帶香辣可緩和一下重口味，雜豆乾爭爭只係作點綴裝飾的嗎？
黃金蝦，炸得乾爽透徹不油膩，去掉蝦鎗蝦眼可以放心整隻啪入！食蝦無需剝殼，蝦殼脆卜卜，蝦肉爽彈多汁，咸蛋黃甘香無敵，結合得渾然天成！豉汁蒸倉魚，可否細心一點將豉汁平均搽勻整條魚呢？剩係得中間一篤仔，倒不如清蒸後，豉汁另上點黎食啦﹗烹調中規中矩，豉汁惹味提鮮，魚肉實實啖啖肉，多多肉少少飯淋點豉汁舔舔脷。
肥牛炒韮菜花，估唔到會有洋蔥絲，幸好炒得夠火喉熟透帶甜。大大注爽嫩鮮甜韮菜花夾雜洋蔥絲連嚥韌肥牛齊齊嘆，非常可口幸福！椒絲腐乳炒通菜，高速猛火爆炒再焗一焗，鑊氣強勁！翠綠爽甜多汁，菜甜味混著微辣咸香腐乳汁，大注大注搭多啖香飯塞進，好好味呀﹗
粟米斑塊，即炸斑塊鬆脆無窮無得頂﹗外脆金黃，內嫩白滑滴著魚汁。厚厚魚肉大量甜美粟米汁，驅使我吞下整碗飯呀﹗加埋其他可愛美味小炒，扒完兩碗飯都未夠喉，仲想添食呢﹗
熱奶茶
33 瀏覽
0 讚好
0 留言
凍檸茶走甜
24 瀏覽
0 讚好
0 留言
雞批
37 瀏覽
0 讚好
0 留言
雞批
24 瀏覽
0 讚好
0 留言
炸乳鴿
25 瀏覽
0 讚好
0 留言
炸雞髀
26 瀏覽
0 讚好
0 留言
魚片出前一丁
27 瀏覽
0 讚好
0 留言
沙嗲牛肉出前一丁
23 瀏覽
0 讚好
0 留言
太陽蛋牛扒即食麵
35 瀏覽
0 讚好
0 留言
太陽蛋牛扒即食麵：牛扒
54 瀏覽
0 讚好
0 留言
太陽蛋即食麵
25 瀏覽
0 讚好
0 留言
煎豬扒
21 瀏覽
0 讚好
0 留言
太陽蛋出前一丁
22 瀏覽
0 讚好
0 留言
太陽蛋豬扒出前一丁
24 瀏覽
0 讚好
0 留言
出前一丁
22 瀏覽
0 讚好
0 留言
腸仔太陽蛋牛扒多士
20 瀏覽
0 讚好
0 留言
牛尾湯
22 瀏覽
0 讚好
0 留言
黑椒汁鐵板巨形雜扒
24 瀏覽
0 讚好
0 留言
黑椒汁鐵板巨形雜扒
29 瀏覽
0 讚好
0 留言
黃金蝦
18 瀏覽
0 讚好
0 留言
豉汁蒸倉魚
18 瀏覽
0 讚好
0 留言
肥牛炒韮菜花
16 瀏覽
0 讚好
0 留言
椒絲腐乳炒通菜
22 瀏覽
0 讚好
0 留言
粟米斑塊
24 瀏覽
0 讚好
0 留言
粟米斑塊
24 瀏覽
0 讚好
0 留言
張貼
