影片
更多
2021-09-04
93 瀏覽
今日想食好野，約左友人黎呢間位於銅鑼灣開平道既高級日本料理玄鮨。上次黎已經係好幾個月前食師傅發辦壽司，就試試有無進步先！平日有午市套餐餐牌，有10款選擇，有刺身，丼飯，和牛燒，黑豚生姜燒等。每個餐包前菜，茶碗蒸，咖啡或甜品。價位由$340至$590不等，另收加一。今次我地叫左一個$560既刺身Set Lunch同$480既壽司Set Lunch。招牌沙律，前菜同茶碗蒸兩個餐都跟多個招牌沙律。首先服務員一次過上哂招牌沙律，前菜同茶碗蒸俾我地。招牌沙律係新鮮沙律菜同一粒半車厘茄，加上日式胡麻醬，好味。前菜有兩款，分別係清爽蒟蒻兩粒加一粒紅蘿蔔（蒟蒻可能係牛蒡味），同菠菜絲，紅蘿蔔絲撈腐皮絲再撒上白芝麻粒。茶碗蒸賣相唔錯，配料有幾片冬菇，兩粒雞肉粒，少見嘅粉絲，同少少蔥。味道唔錯。刺身Set Lunch $560 另加一好快就到主菜啦，賣相好吸引！刺身Set Lunch有8款刺身，分別係牡丹蝦一隻，日本水母刺身一小兜，帆立貝兩片，馬糞海膽一小兜，拖羅兩片，金線鯛兩件，金目鯛配柚子胡椒兩件，同日本刺身級銀鱈魚昆布漬兩件。最愛一定係馬糞海膽，份量好多，鮮甜滑溜，超級高質！日本刺身級銀鱈魚昆布漬好
平日有午市套餐餐牌，有10款選擇，有刺身，丼飯，和牛燒，黑豚生姜燒等。每個餐包前菜，茶碗蒸，咖啡或甜品。價位由$340至$590不等，另收加一。
今次我地叫左一個$560既刺身Set Lunch同$480既壽司Set Lunch。
招牌沙律，前菜同茶碗蒸
兩個餐都跟多個招牌沙律。首先服務員一次過上哂招牌沙律，前菜同茶碗蒸俾我地。招牌沙律係新鮮沙律菜同一粒半車厘茄，加上日式胡麻醬，好味。
前菜有兩款，分別係清爽蒟蒻兩粒加一粒紅蘿蔔（蒟蒻可能係牛蒡味），同菠菜絲，紅蘿蔔絲撈腐皮絲再撒上白芝麻粒。
茶碗蒸賣相唔錯，配料有幾片冬菇，兩粒雞肉粒，少見嘅粉絲，同少少蔥。味道唔錯。
刺身Set Lunch $560 另加一
好快就到主菜啦，賣相好吸引！刺身Set Lunch有8款刺身，分別係牡丹蝦一隻，日本水母刺身一小兜，帆立貝兩片，馬糞海膽一小兜，拖羅兩片，金線鯛兩件，金目鯛配柚子胡椒兩件，同日本刺身級銀鱈魚昆布漬兩件。最愛一定係馬糞海膽，份量好多，鮮甜滑溜，超級高質！日本刺身級銀鱈魚昆布漬好滑溜，入口即化，魚味濃。拖羅肥美，入口即化又冇筋。牡丹蝦好鮮甜，蝦頭有汁。帆立貝帶有好香檸檬味，上面灑上鹽花，如果厚身啲就更好。金目鯛配柚子胡椒厚切，食落啖啖肉，正，金目鯛鮮甜配少少鹹嘅柚子胡椒，味道幾夾，仲有靚靚嘅魚皮。日本水母刺身我第一次食，爽爽哋幾得意，冇乜味。
刺身Set Lunch跟左一碗熱白飯同餐牌無寫既湯。個湯勁香櫻花蝦味，因爲真係好多櫻花蝦，仲有好多昆布同腐皮，味道好濃但係唔過鹹。
壽司Set Lunch $480 另加一
壽司Set Lunch包8件壽司，分別係中拖羅，太刀，金目鯛配柚子胡椒，馬糞海膽，日本刺身級銀鱈魚昆布漬，牡丹蝦，帆立貝，同海鮮卷。伴碟有酸葁片同wasabi。另上一細兜漬物。刺身質素同刺身Set Lunch既差唔多。中拖羅既吞拿魚味好香又冇筋。太刀我可能係第一次食，食落唔易咬開。馬糞海膽要用隻碟仔放，雖然啲飯有啲散開都冇問題，當迷你魚生飯食。海鮮卷係紫菜包住切粒魚刺身。壽司飯好細舊，已加左豉油不過冇wasabi。可惜今日冇留到壽司吧位，如果唔係逐件上肯定好食好多，可惜可惜。
馬糞海膽
8 瀏覽
0 讚好
0 留言
壽司Set Lunch跟左碗熱烏冬。烏冬係幼滑嗰種，配有兩塊日式魚蛋，大量昆布同蔥花。另外附上一小盒七味粉俾你自己調味，我就無用。
朱古力餅卷
午餐包咖啡或者甜品，我地當然要甜品。甜品係一小件朱古力餅卷。蛋糕軟硬適中，中間嘅朱古力忌廉好香滑。雖然係跟餐甜品，但係都唔係一般貨色。
座位舒適，裝修環境都唔錯。服務超快手，適合商務午餐，仲有私人房間添。服務員上菜時會主動介紹刺身壽司比你知，欣賞呢點。
張貼
