The Place

聽聞「The Place」嘅buffet 唔錯，最近又做緊七八折，加上長者收小童價，趁小妹我生日，就跟家人去試試吧！我哋11:45分到達洒店，眼👀見就有十零人係度排隊等候，而入座後，亦差不多全場爆滿，十分旺埸！心諗：嘢食應該唔差吧⋯⋯冷盤唯一最可取的是任食生蠔👍，有兩大盤，蠔味及海水味都唔算太重，味道微鹹帶鮮美！龍蝦鉗，肉質唔差，可惜味道太鹹！長腳蟹，蟹身肉質算飽滿味美，但蟹頭殼就一點肉味都無！凍蝦，蝦肉夠爽、彈牙。青口，攞嗰陣往往得番個殼。刺身壽司刺身有五款，除咗甜蝦刺身較為瘦小之外，其餘的都厚切肥美。壽司款式較多樣化，賣相吸引，壽司飯唔會太實亦唔會散開曬。而特色火🔥熖壽司，十分好食。熱盤以咖哩入撰嘅食物比較多，如咖哩雞、咖哩羊腩、咖哩薯仔、羊肉饀餅、薄餅等等，跟主題「芝味無窮」份外格格不入！令食客聯想為食材唔夠新鮮，要運用咖哩來提味！款式唔多，常見的牛扒、羊架等均無供應。咖哩羊腩、炒羊肉片，口感嫩滑。巴馬臣芝士意大利飯，軟硬度剛好，略有少許咬口，但芝士味唔濃！點心側有燒賣、餃子🥟及糯米雞。燒賣麻麻地，入口好粉糰！餃子🥟及糯米雞較好食。甜品甜品以芝士組合嘅多，較切合主題。花盆意大利芝

近來卒之有啲秋意喇，一到秋天，唔多唔少都會諗起紅紅秋葉，秋葉又會諗起日本同韓國，雖然都有到訪過呢兩個國家，但就未試過晌秋季前往。今晚同老婆嚟「The Place」食自助餐，順道慶生，食物主題正正做緊「日韓秋祭」，顧名思義，就喺推出特色嘅日韓菜，未知能否做到出奇制勝。未進入餐廳，門口設咗個打卡位，原來有着數，拍張貼合主題有趣嘅相片，上載到IG，就有機會贏到雙人自助晚餐再食多餐，詳情可瀏覽官網，但個活動只去到30/11啫。小弟雖然都算食唔少自助餐，但The Place都喺第一次嚟，對個用餐環境感覺好唔錯，唔止環境闊落，樓底極高，所以，空間感極強，而一室以白色為主調，梳化椅又舒服好坐，整體感覺閒適。事後翻睇官網，先知餐廳設計出自名師。沙律輪到介紹食物區，食物嘅擺放都頗集中，唔會東一忽、西一忽。先介紹沙律區，因為，小弟慣於先由沙律落肚，開開胃，堅可以加強戰鬥持久力。除咗多款沙律菜、配料及5款醬汁外，仲有4款預製好嘅沙律，所以，選擇唔算少。沙律拼少少冷盤切腸喺小弟嘅慣性頭盤，沙律菜非常爽脆，醬汁選咗柚子醋搭意大利油醋，效果非常好，柚子味突出，口感更酸爽清新。預製沙律亦不俗，最鍾意喺嗰個紫薯沙律，