悠蔬食 (渣甸中心) (已結業)

大滿足 色香味俱全近期成日都食肉，突然想食素，朋友就介紹我去悠蔬菜，入到去全場坐滿人，好彩一早book定枱，環境令我坐得都幾舒服。佢地有得散叫或套餐，和朋友兩個人的我地就各選擇了套餐，前菜到甜品都食到，所有食材都感覺好新鮮好足料，好有味道，但又吾會覺得咸，亦沒有油膩的感覺，朋友果然無介紹錯，就連隔離枱的女士食飽都向職員讚好。前菜：有我喜愛的麻醬粉皮，紅菜頭同薯仔沙律，香芒牛油果苜蓿芽手卷配搭得好有口感，好fresh黑松露忌廉蘑菇濃湯：（推介 推介）好有黑松露味，好好飲，燉湯都好足料，兩者上枱時都好夠熱主菜：我地㨂左牛肝菌忌廉燴扁意粉 and 沙嗲猴菇豆卷串燒，又靚又足料又好味搵日要帶食素既媽媽來試，必定令佢有新鮮感

今日黎到銅鑼灣，品嚐到一次令人驚喜嘅素食。我地叫左一份set dinner同埋散叫左幾道菜。首先講講晚餐。前菜嘅木耳非常爽口好食，微微酸味十分開胃。中間嘅係由薯泥打成嘅沙津，軟滑可口，非常吸引。仲有啲蔬果帶動味蕾，食完頭盤已經十常開胃！燉湯方面非常足料，黃耳、猴頭菇等等嘅湯料好多。燉出黎嘅菇味香濃，夠哂滋潤！手捲係跟set嘅我地揀左牛油果手捲，整體感覺好清新宜人。食過開胃頭盤同飲完湯後，依個手捲剛好令口腔比較重嘅味噌除去，準備迎接主菜。小食方面，依個腐皮卷整成雞搥嘅形狀，非常精緻。外層香脆，內層嫩滑，就好似新鮮出爐嘅炸雞咁。調味適中，沾少少辣醬作為點綴，就咁食亦都非常可口。留意返，入面係有一條木棒架，唔好大大力咬落去。炆伊麵係令人喜出望外嘅，唔同菇菌嘅精華匯聚係伊麵中，而且菇菌份量多，啖啖菇，香味濃郁，令人一試難忘。蘆筍燴飯相對冇伊麵濃郁。但菇菌同蘆筍嘅配搭清新宜人。整體都十分之出色小食方面有鹽酥靈芝菇。炸得非常酥脆而唔油膩，配上伴菜，整體香口而清新。靈芝菇菌味出眾，非常好食。最後以一份檸檬乳酪蛋糕作結，口感香滑，清新宜人。依到所有食物質素都比想像中好，推薦大家黎一試！

根據J2《搵食飯團》美女寫稿推薦，好好味好有heart嘅上樓素食餐廳，食材配搭及調味之精準，口感層次味道之複雜，滿足感不下於任何葷菜，我咁咀刁都無得彈。細心服務Cafe格局坐得舒服。瞬間榮升my restaurant list頭幾位！終於唔洗再捱嗰啲假肉同芋頭魚咁老土喇！ 中湯－飲得舒服，有蟲草花味，但如果磨菇能改成中式菇更好 三色前菜－－配搭得很好，牛蒡粉皮特意不加醬，但很香麻油味。中間芥末沙律醬顏色吸引也美味。 香芒牛油果手卷－－牛油果被譽為素食之魚生。此菜清爽美味。 黑松露薯蓉焗大排菇－－招牌菜，黑松露薯蓉味道豐富，菇味濃郁。 意大利飯－－大量新鮮蔬菜、色彩吸引 卜抹茶芝士蛋糕－－完美句號