The Grill Room (The Humphreys)

營業中

休息中

放工相約朋友去食飯，佢係尖沙咀地膽，便帶我去堪富利士道一間要上二樓的餐廳，一出lift 口便見到熱鬧非常，剛好有人離座，侍應正在清潔座位給我們，等候其間見到餐廳裏面坐滿人客開懷暢飲談天說地，加上半開放式的廚房，可以睇到廚師忙碌地工作，每個步驟如何分工合作然後暢順地出餐，真係一個視覺享受我哋叫了燒美國安格斯西冷牛扒配黑松露薯蓉，加$58有兩隻燒大蝦、燒澳洲有骨豬扒配香茅芥末籽忌廉汁、燒吞拿魚扒配香草意大利黃瓜、黑松露薯條🍟三成熟安格斯西冷，果然名不虛傳！先煎後烤，外面帶焦香，內裏軟滑但有𡁻頭，肉汁充盈，滿口牛肉香，滿足！薯蓉入口棉滑，加上濃香的黑松露同牛油，薯蓉味道同口感馬上提升不少!牛扒加$58仲有兩隻燒大蝦，廚師控制得火候和時間好準，大蝦燒得剛剛好熟，去蝦殻後鮮甜彈牙，完全不用點任何醬汁已經好好味燒有骨豬扒，廚師很細心切開幾片，雖然已是全熟，但每片還是粉紅色的，食落完全唔嚡口而且仲好有肉汁，而墊底的薯仔同超嫩的蘆筍仔都吸收了豬扒的肉汁，所以很鮮甜和香肉味吞拿魚略略燒香外皮表面，內裏軟滑食落有刺身嘅口感同時亦有炭燒的香味，配上意大利香草醬同食，味道清新，真係好味到不得了，加上爽脆的黃瓜

今次既飯局係朋友安排既 佢好醒目地預早幾日就book定枱 所以去到唔洗點等就安排入座喇！真係抵讚！餐廳既環境唔錯 燈光暗暗地幾有情調 好適合傾計 （dating既話亦一d都唔失禮！） 職員亦好好服務 第一印象好好職員安排左我地坐bar枱 可以直接望入廚房廚房係半開放式 望落好乾淨企理好喇！開動喇！返工忙左成日 飲返杯啤酒消除疲勞先！首先黎既係「燒吞拿魚扒配香草意大利黃瓜」擺盤好靚 一於相機食先！吞拿魚扒既外皮燒得香脆 而裡面仲保持住鮮嫩既粉紅色 唔止賣相好 味道同口感更加好！食落仲有陣陣吞拿魚油香添呀！之後就係我地最期待既「燒美國安格斯肉眼扒配黑松露薯蓉」肉眼扒上面既網紋好吸睛 牛既生熟度我地揀左median rare 肉眼扒切開好粉嫩 而且肉質細緻 仲保留到d肉汁 牛味亦十分濃郁 堅係牛有牛味！黑松露薯蓉好creamy 黑松露既香味加埋淡淡既奶香 好滿足呀！佢地仲榮獲OpenRice Best Restaurant Awards 2019 最優秀開飯西式餐廳添呀！總括黎講 佢地既食物質素 環境同服務都好好 基本上都冇乜野可以挑剔 抵佢地係OpenRice既排名咁高！

今次book左The Grill Room同男朋友仔慶祝生日🥰因為見到好多人都推薦呢間，而且午市黎講都算有好多選擇，同埋宜家經Openrice book位仲可以單點主餐牌有6折優惠，所以都真係幾抵🤩-🎈忌廉牛油蒜雜菌 $48個人感覺幾好食🥳一向都好鐘意食雜菌，而忌廉同雜菌兩樣野我都真心好喜愛💕呢個食落去好重忌廉味，配上法包一齊食好正❣️因為自己本身都係食得漏既，所以就唔會覺得好膩～-🎈燒吞拿魚扒配香草意大利黃瓜 $218 (6折優惠後$130.8)呢個都係我幾期待的😍擺盤擺得好靚，同埋佢係燒到半熟既狀態，中間呈現出粉嫩既色澤，食落去肉質嫩滑，亦能感受到外層的燒烤味，幾有驚喜﹗﹗而佢亦用左意大利黃瓜、翠玉瓜等蔬菜舖係底層，感覺幾夾😎-🎈炭燒美國安格斯西冷扒配薯條 (12oz) $308 (6折優惠後$184.8)呢個反而冇燒吞拿魚扒咁驚艷，但賣相都幾吸引係有漂亮既網格紋，而份量都幾多😊食落牛味都很濃，不錯的👍🏻-因為今次係慶祝生日所以就叫左主餐牌，但其實佢既Set Lunch都幾抵食，都不妨可以試下🙆🏻‍♀️-🔸The Grill Room📍尖沙咀堪富利士道6-6A號爵寓2樓

又是一個忙碌的星期，經過了無數的死線後終於到星期五。為了好好慶祝，特別約了朋友吃餐好，享受這個小週末。The Grill Room 位於尖沙咀堪富利士道，從地鐵站出發不用五分鐘便到達，十分方便。我們大約六點半到達，已經人山人海了。幸好我們預先訂位，大約等了五分鐘便入座。我們一行二人叫了幾樣不同菜式互相分享。 芒果乳酪青瓜銀魚鮮蝦沙律 (⭐⭐⭐⭐💢)當初是給這個名字吸引到而叫的，想不到吃起來又真的十分不錯。芒果乳酪製成的沙律醬清新可口，吃起來甜甜酸酸，令人食慾大增。另外的沙律菜也不錯，新鮮而且爽口。要特別一讚海蝦肉質結實，吃起來有海水味，一共有五，六隻，完全值回票價。紅酒燴牛面肉配黑松露野菌薯蓉(⭐⭐⭐⭐💢)這個牛面肉份量不少，一共有兩大件。味道方面，肉質鬆軟嫩滑而不鞋口，香濃的紅酒汁完全滲入牛臉頰肉內，非常入味，充滿骨膠原。相比起牛扒，又是另一種不同的吃法。旁邊的黑松露法式薯泥質感如忌廉幼滑，黑松露均勻地撈在薯泥內，薯仔味道被已加的忌廉或牛奶沖淡，反而更突出黑松露味。燒吞拿魚扒配香草意大利黃瓜(⭐⭐⭐⭐⭐)這個吞拿魚十分大件，而且煎得香口，吃起來充滿油脂感。吞拿魚本身有豐富的蛋白質，維

約咗個friend去尖沙咀買嘢，順便一齊晚飯。佢話近近地帶我去一間出品幾正嘅餐廳。燒吞拿魚扒配香草意大利黃瓜 - 靚靚靚！色香味俱全，吞拿魚好香燒烤味，黃瓜充滿香草味。葡式香辣燒雞配黑松露薯條 - 其實唔係好辣，係有bbq、辣嘅香同其他香草嘅味道；薯條灑左黑松露鹽，有隱約嘅松露味。三文魚他他配香草乳酪汁 - 淡淡香草味，杰杰地，加埋三文魚他條，搽上烘過嘅法包，味覺唔錯。朱古力千層蛋糕 - 一層蛋糕一層朱古力，餅底有少少杏仁味，味覺有d似某牌子榛子朱古力。我地邊食邊傾，欣賞廚師們每個步驟嘅用心，對自己工作地方嘅尊重，我諗就係咁先可以做到色香味俱全啩。我見Mocktails同Cocktails都好靚，下次飲嘢又可以多個地方選擇了。

在尖沙咀的高級西餐選擇固然數不勝數，但想與朋友輕鬆自在地共進晚餐，反倒較難找到價廉物美的西餐選擇，若非上網搜尋大概亦不會發現這間位於樓上的中價西餐廳。顧名思義The Grill Roon主要以炭烤菜餚為招牌，餐牌上不乏林林總總的選擇如燒美國安格斯牛扒、燒羊架及燒豬扒等，我們二人則點了三份主菜分享。燒吞拿魚扒配香草意大利黃瓜 ($188)吞拿魚扒色澤粉嫩，散發陣陣炭燒氛香，不過個人覺得略微過熟令肉質較乾，而意大利黃瓜則以香草、小茴香、檸檬及麻油烹調，清香爽脆，更有少量煙肉令味道更加豐富。紅酒燴牛面肉配黑松露野菌薯蓉 ($258)以往曾在其他餐廳享用牛面肉乾韌得有如牛𦟌一樣，而這份卻是令我對牛面肉徹底刮目相看，肉質極之軟嫩鬆化，甚至能輕易以叉子分開，肥美豐腴之餘相當入味，一旁更有綿密細滑的黑松露野菌薯蓉作配菜。炭燒豬腩肉鹽味焦糖汁配青蘋果沙律 ($218)切成六大件的豬腩肉層次分明，不過豬皮過厚放涼後比較硬實，而且下層瘦肉相對乾韌，加上鹽味焦糖汁燒製令更添一點甜香，入口肥而不膩，巧妙地配合清新的青蘋果沙律中和油膩感。

餐廳位於一幢服務式住宅二樓全層 ，由於出入的人不多 ，所以不需要好似其他銀座式大廈般要與大班人一同搭電梯。一出電梯已經是餐廳內部位置 ，裝修高雅時尚，舒適寧靜，繞過樓面直望 ，便是一張長吧檯 ，只要坐在吧檯位置便能夠一窺整個開放式廚房如何運作 ，平時本人都偏好坐長BAR檯位置， 今次當然亦唔例外，選擇在Bar枱用膳。墨汁青檸配香煎半熟吞拿魚沙律廚帥用墨汁一筆過劃在碟上作點綴 ，進食記得點來吃，半熟吞拿魚入口亦保留刺身口感，利用青檸汁酸甜味 ，不但帶出魚鮮味 ，夏天配沙律菜亦十分醒胃。香炒新鮮蜆仔配墨汁青檸扁意粉蜆肉真的十分鮮甜，帶點微辣 ，很好吃 ; 蟹子不但豐富了口感 還增加了整碟意粉的可觀度 ; 墨汁意粉軟硬適中 ，吃完要有心理準備成個口都會黑晒。燒吞拿魚扒配香草意大利黃瓜來到扒房當然要叫客扒試下 ，今日選了餐廳的招牌菜燒吞拿魚扒，兩大塊魚扒份量十足 ，外層燒得很靚 ，內層仍保留魚肉的淡粉紅色 ，口感煙韌軟熟 ，底層意大利小黃瓜粒煮得軟硬適中 ，配合香草芝麻油及燒烤不能缺少的孜然粉 ，簡直香氣四溢 ，令人胃口大開 。白朱古力意式鮮奶凍食完濃味菜式 ，再來個清淡甜品 ~杯頂有一大片白