無敵家

營業中

休息中

今日收工黎到上環呢間居酒屋🏮 無敵家 門口同入面既裝飾都好日式 上網睇到啲人話食物質素高 價錢又唔貴😇 入去坐低睇睇餐牌 好多選擇亦都有好多都好吸引又想食🤩 揀左一陣終於揀好😌 炸雞 $65岩岩炸好熱辣辣拎上枱😍 唔會勁多炸粉 咬落雞肉好滑 入面仲有肉汁😋 明太子玉子燒 $98呢個大推👍🏻 真係必點 超好食😋 玉子味道岩岩好又好滑身 加埋明太子100分！ 燒日本餃子 $48見到呢個煎得焦香焦香既就好靚啦😬 餃子有肉汁 不錯的 黑松露三文魚炒飯 $98呢個都係必點😍 超香黑松露味 入面有唔少既三文魚 炒飯炒得粒粒分明 每粒都有味 好好食😋 免治雞肉地獄辛辣豚骨湯拉麵 $90呢個拉麵好香 不過食得辣先好叫🤣 拉麵軟硬適中 個辣湯愈食愈想食😌 仲要分量都唔少 好夠飽😬 芝士年糕 $28呢個一定要襯熱食🥰 年糕烤完煙煙韌韌 入面包住芝士真係好正😋 蜜糖介末燒紐西蘭羊架 $78燒得岩岩好 入面仲係粉嫩粉嫩 仲好細心切開啲肉比我哋食👍🏻 明太子燒飯團 $45食居酒屋我一定會食既燒飯團🍙 試過自己燒真係次次都失敗😅 好欣賞佢燒得咁靚🥹 外面燒得香脆但又唔會話硬到咬得好辛苦 加埋明太子又好好食 讚👍🏻

環境5分：日式居酒屋格局，有上層，私人空間足夠，周圍都係酒樽同酒杯同D日式裝飾，燈光暗暗地好有氣氛，兩個人都畀坐四人位，舒服畀五分。衛生5分：枱櫈餐具好乾淨，又有消毒搓手液，衛生可以畀五分。服務5分：服務員爽手唔囉唆，不停收碟同加茶，畀佢滿分。味道5分：1)     無敵家招牌沙律Ｄ沙律菜非常新鮮，最特別係燒過嘅粟米，而且入面又有海帶，桃肉同蕃茄，加埋隻超滑溫泉蛋，非常豐富。2)     燒日本餃子皮薄餡嫩。3)     雞翼燒得非常有心機，非常香口，可以連埋雞翼尖一齊食。4)     雞皮蝦卷係雞皮包住隻蝦，燒得隻蝦唔會乾身，非常juicy，雞皮食落唔油膩。5)     厚切牛舌厚肉好爽脆。6)     脆炸蓮藕片炸到脆卜卜，食落去好似薯片咁。7)     豬軟骨豚骨湯拉麵入邊Ｄ豬軟骨非常淋身，非常入味同埋拉麵好彈牙，湯底有粟米嘅味道好甜。抵食5分：日本餐有沙律有串燒有拉麵有啤酒，每人都係300蚊多Ｄ，非常抵食。

🇭🇰無敵家·我地個日本身想食我愛慢煮架 但係佢full booking左 所以我地見到呢間感覺幾地道就入左黎試🤤佢D野食都唔錯既 而且真係好岩嗌少少酒一路等野食一路吹水 不過佢漏單既情況都幾嚴重 我地有3樣嗌左既野都無黎🙊·豚肉荔枝卷 $35鮮露筍煙肉卷 $32見個荔枝卷好似好得意就嗌左黎試 佢粒荔枝係好食juicy既 但係佢地好似唔係好夾咁 食落口好似兩回事咁😂😂佢個露筍煙肉卷就好食D啦 個配搭同油脂都合理D😌·燒日本餃子 $38呢個出乎意料幾好食 佢個餡調得幾好 而且個皮都幾薄 仲要煎得好脆唔錯唔錯😎·味醂雞泡魚乾 $68呢個都唔錯 不過佢個醬汁好似搽得有D太多 有D痴牙🤣但係超級配酒😈·豬軟骨豚骨湯拉麵 $88最後呢個係我地怕唔夠食嗌既 都唔錯 係一碗正常既拉麵 值得一讚係佢個豬軟骨做得幾出色 係真係好lum好入味🥳·#rbyeat#rby日本菜#rby上環·📍上環孖沙街9號地下

我好幾個月都冇係上環食晏，見呢間有團購餐，加上係中環搭電車去上環都方便。我一早訂定位，一去到就有位啦! 團購餐可以揀味噌湯拉麵同豚骨湯拉麵，小食就係田園沙律或燒日本餃子，仲有杯抹茶特飲。我同朋友都揀左味噌湯拉麵，下次可以再試埋豚骨湯拉麵，再配燒日本餃子同抹茶特飲。碗味噌湯拉麵份量交足功課，拉麵QQ、彈牙，湯底味道適中，唔會太咸，仲有塊紫菜伴係碗邊。叉燒有2片，肉質鬆軟，讚。我都幾鍾意食餃子，燒日本餃子煎得好香脆，火喉o岩o岩好，完全冇煎燶，唔駛蘸餃子汁都好味。杯抹茶特飲係凍飲，走左冰，中和番D味噌湯拉麵o既咸味，又有D麥香。大熱天時，飲番D凍飲，即時涼晒!