御品·千之味 (深水埗) (已結業)

千之味係一間平價日式小店，呢一年仲擴展到有6間店，好多人爭住懲罰佢哋🤣 真係又平又抵食💛 所以我哋其實已經食過無數次，由午餐到散叫、壽司拼盤，以至抗疫餐，好多款都食過，仲食到做咗VIP😆🙊 今次就先介紹我哋食得最多嘅兩款午市定食啦😋 其實抗疫餐同午市定食嘅份量差唔多，不過午市定食就會多咗沙律、是日卷物同小食，兩個餐都會跟一包/罐飲品。•🥢 雙色三文魚丼 正常嚟講雙色三文魚丼係有3片三文魚刺身+3片火炙三文魚，不過圖中就係我哋經常嘅叫法：轉全火炙🤤所以就總共有6片火炙三文魚😝 因為火炙三文魚真係正好多架～火炙咗嘅三文魚比刺身更有油香，加埋沙律醬同蟹籽，撈飯真係一流！😍😋 佢哋嘅飯係壽司飯，有少少醋香，又唔會太淋，整體都唔錯～ 套餐嘅沙律菜都幾新鮮，加埋啲柚子醬油，酸酸地幾開胃👍🏼 不過小食同是日卷物就比較一般～•🥢 燒汁牛肉飯 燒汁牛肉飯係我嘅第2最愛，如果嗰日唔想食生冷嘢就會揀呢款😛 牛肉份量好多，而且肥瘦都幾適中，不過水準有時唔穩定會有啲嚡～洋蔥亦都煮得好甜好淋，入晒味😋 牛肉汁稍為偏鹹，不過配飯就啱啱好。牛肉飯定食可以揀配厚燒玉子、溫泉蛋、是日卷物或者枝豆，我通常都會揀溫泉蛋，因為

同朋友響深水埗行街，血拼完當然要搵個地方醫肚，經過依間日本野，就入去試試。一望餐牌琳琅滿目，有好多選擇，樣樣都好吸引，樣樣都想試，最後我地揀左日式魚生飯，同燒汁牛肉飯，另外再加多份壽司拼盤。魚生飯足料，共有6款魚生，材料新鮮，唔會有飯多過魚生既情況出現，實在抵食。牛肉飯份量十足，牛肉嫩滑，有牛味，再加上燒汁，完美組合。壽司拼盤，款式雖然普通，卻十分新鮮。晚飯食日本野，2個人夾埋都唔洗200蚊，實在抵食。