洋食商店 (喜遇)

營業中

休息中

📍洋食商店想食高質嘅壽喜燒嘅大家一定要嚟呢間日式居酒屋，試過就知呢間高質😎餐廳位於長沙灣福榮街，裝修以日式復古風格為主題，佈置設計方面亦都好有心思❤️行入少少就見到擺放住遊戲機、扭蛋機及各樣既玩具，充滿童年回憶🥳處處都係打卡位！⭐️招牌鍋料理 （二人餐）$498成個套餐會包壽喜燒+燉飯＋串燒拼盤＋小食（兩款）🐂岩手縣和牛＆頂級美國極黑牛頸脊壽喜燒黑松露燉飯（+$50）食壽喜燒最重要係塊牛😎加少少$就可以一次過試曬兩款牛✌️和牛嘅質素真係冇得輸，肉色帶有明顯既霜降，雪花狀油脂分佈均勻🤩而頂級美國極黑牛頸脊一共有4塊，比較厚身，相對上肉味會比較濃～店員一開始會先簡單介紹食材，比客人影完相之後就會主動幫手烹調，服務好貼心🤣和牛食落真係入口即溶，唔係講笑！油脂偏重，配埋生蛋汁一齊食會更正😏而牛頸脊就相對上肉質比較紮實，肉味明顯更濃；表示各有食法，兩款牛都咁好食🤤🥗蔬菜拼盤會有冬菇、豆腐、娃娃菜同洋蔥，加入壽喜燒汁烹調，啲蔬菜索曬啲燒汁，平時唔鍾意食菜嘅，我今次都食曬🥄黑松露燉飯燉飯會用埋剩低嘅蛋汁去烹調，亦加入咗粟米粒、大量芝士、忌廉同埋黑松露粒去煮，黑松露嘅味道好突出，飯既質地做到濕潤同煙韌嘅口感

呢日俾朋友拉咗嚟長沙灣陪佢睇盆栽，之後佢帶我嚟呢間和風味濃濃嘅食店用膳一進入食店，就彷彿置身喺日本傳統商店🎏望住部大大嘅日本汽水售賣機，好想撳支波子汽水嚟飲行入少少、見到好多熟識嘅日本卡通人物面譜👹再行入少少，抬頭一望，嘩～～ 好大隻麵包超人公仔呀～～😍行到食店最入面，仲有扭蛋機同遊戲機添～朋友仲打咗鋪street fighter 先肯坐低落order 👾我哋二人行，當然係order 二人餐啦～二人餐選擇有鍋物 or 炊飯我哋揀咗招牌鍋物二人餐：燉飯 (2選1) + 主菜”串燒拼盤 “+ 小食 (12選2)燉飯 (2選1) ＊~＊~＊~＊~＊~＊~＊~＊~＊~＊🐮頂級美國極黑牛頸脊壽喜燒燉飯🐮 v.s. 🦐大蝦海鮮鍋燉飯🦐＊~＊~＊~＊~＊~＊~＊~＊~＊~＊牛魔王朋友毫無懸念咁揀咗前者店員將燉飯嘅材料逐一送上枱，然後為食客即席烹調店員先將鍋燒熱，加入砂糖及牛油煮溶，再加入大蔥，然後加入油花均勻的靚靚牛頸脊，再將壽喜燒醬入鍋，香氣撲鼻～牛肉嘅熟度啱啱好，朋友要medium rare 先上碟，我要medium跟住

今日去左一間好有特色既餐廳，入面有滿滿既懷舊昭和風裝飾，好似入左時光隧道咁，門口口仲有好多充滿童年點回既糖果、扭蛋機，真係勁啱打卡！✨紐西蘭草飼肉眼牛扒炊飯個牛扒煎得啱啱好，外面煎到金黃色，裡面又嫩又多汁，而且又好有牛味～炊飯嘅部分都非常出色。飯就煮得剛剛好，每粒飯粒都好鬆軟，米香綿綿地散開。仲有啲微微焦香，好有層次感。飯粒間夾返豐富嘅牛肉汁，食落去好香口。✨生牛肉他他生牛肉好新鮮，色澤鮮亮，肉質纖維細緻。每塊牛肉都好軟滑，入口即化。牛肉本身帶有淡淡嘅甜味。而佢地嘅特製醬汁酸酸甜甜，啲蔥絲令味道更豐富。配埋切到好薄、焗到好脆既麵包片，口感更加豐富！✨燒牛舌牛舌烤得剛剛好，外層微焦微脆，入口之後就係軟軟嘅口感。每塊牛舌都好嫩滑，完全唔夠咬勁，好易入口。佢地嘅醬汁帶有淡淡嘅咸味，令牛舌本身更加鮮美。✨烏龍茶佢地呢到有Asahi既玻璃樽裝烏龍茶，超級特別！味道方面，比我地平時飲開既個種，少左一層苦澀味，都值得一試！