安安燒 (鯉景大廈) (已結業)

朋友成日話筲箕灣有好多好野食, 今日剛好在附近做完野便順道約到附近食飯, 之前同事食過幾次呢間串燒店, 佢地都話呢間水準一直保持得幾好, 所以我地就為我地既晚餐選擇了這間餐廳😊；我們到達餐廳時剛好7點, 都已經見店內既枱坐滿了2/3, 我地一坐底就order左每人一支手工啤, 食串燒當然要襯啤啦！ 佢地提供好多手工啤選擇,東南亞區既brand就不在話下, 佢有紐西蘭brand, 小妹少見其他地方有提供來自呢個國家既手工啤, 當然不可不試🍺🍺, 佢帶有少許薑味、麥味唔係好濃, 係適合女仔飲😉...

今日過海，行街行得攰，提早食晚餐。一行3人都想食串燒，見依間食評不錯，就過來試試。可能時間尚早，店內還未有客，隨便搵個位坐低左。店內環境舒適，冷氣充足。串燒及燒物種類選擇多，我地都用左一段時間先寫好食咩串燒及燒物。如串燒及燒物味道不夠，店內還會提供調味粉。有梅粉、孜然粉及香辣粉，可以自行加入調味。店外都設有坐位，而且每張枱都會特別提供巴蕉扇俾客使用，服務幾好貼心。等左一輪時間，串燒終於燒好。串燒食得多，少見舖頭有燒菜心，所以即點。菜心燒得唔會乾身，食落菜味十足，調味剛剛好，唔係菜乾。讚!蜜汁燒芝心獅子狗食落芝士味濃，外面甜甜地。火辣惹味燒尖椒，是原隻尖椒拎去燒。而串燒蜜糖燒賣、燒鮮味海螺串及汁燒八爪魚鬚串，味道都唔錯。燒芝士餈飯夠特別，餈飯上加有芝士燒溶左，食落外脆有飯蕉香，味道幾特別另一食餈飯風味。沙茶醬燒雞脾菇，菇汁十足，配沙茶醬又幾不錯。燒雞軟骨串、玉子燒及燒韭菜，份量好幾多下。焦糖脆蕃茄在燒熟既蕃茄上加上沙糖再燒到變焦黃色，食落口蕃茄超juicy，脆口焦糖配埋蕃茄既酸甜味原來係咁夾架。另外極品烤餃子釀雞翼、燒手打魚皮餃同秘製沙爹醬燒豬頸肉都係唔錯。激讚依個金銀蒜蓉燒生蠔，蠔肉唔

今日天氣涼涼地，想試這間串燒很久，趁天氣仲涼就食川式串燒暖身，這間餐廳分室外室內，天氣涼又可以呼吸自由空氣，梗要坐一下室外啦，除了一般餐牌上供應的，還有是日推介，這間店還可以自己動手燒，但今天想試下師傅ｄ手勢，當然不動手啦，除了一般飲品，竟然有潮流主打.......手工啤，這款果味手工啤，有橡果味道，麥味不重，飲落幾順口。安安除左川味，都幾主打芝士，這個芝士生蠔，芝味香濃，恰到好處，蠔肉juice，亦夠蠔味，good。燒菜心：孜然味mix菜心非常ok，香口，不辣還有汁"必"出來，正。燒鴨舌：孜然惹味，外脆內嫩，火喉控制一流，鴨舌滷水就食得多，川燒第一次食又幾得喎。燒年糕：外脆內煙韌，沒有加任何調味，自然的微甜，清清地都不錯。燒牛舌：牛舌厚身，肉質軟滑，應該用上牛舌心，一樣用上孜然調味，惹味之餘還能嘗出牛舌的肉香。good，肉類已燒得如此出色，令我非常期待是日海鮮，果然無令我失望，燒鮑魚鋪上新鮮蒜蓉和辣椒，惹味之餘又沒有蓋過鮑魚的鮮味，口感爽囗彈牙，烤功出色。燒蟶子：同樣新鮮，彈牙，火喉剛好，用上蒜蓉辣椒，微辣惹味。抵食呀。見好耐無食牛骨髓，竟然見到有這個菜，當然不能錯過，調味出色，微微

之前試個旺角那間安安燒, 今次試一下筲箕灣分店.筲箕灣分店處於街角小巷中, 餐廳有部份是露天的, 所以可以使用炭爐來燒烤, 所以燒出來的食物是特別有風味呢!蒜蓉燒扇貝 ($44/ 4隻)不知道是不是因為筲箕灣有避風塘的原因, 我發現區內有許多食肆都是打正旗號賣海鮮, 而心裡面亦總覺得區內餐廳的海鮮是特別新鮮.甫坐下, 店員隨即推介海鮮類的串燒, 扇貝四隻才$44, 眼見價錢公道又合理, 二話不說落單啦!燒扇貝肉質彈牙爽口, 非常新鮮, 加上金銀蒜香得不得了! 其實味道跟蒸扇貝沒有什麼大分別呢!皇牌燒牛舌 ($29/ 串)稱得上為皇牌, 味道自然是一等一. 牛舌厚薄適中, 大約為5mm左右, 口感自然好! 質地爽爽彈彈的, 一點也不韌, 加上孜然粉, 味道好夾. 我們點了兩串, 但發現一串的牛舌比較大, 一串的牛舌比較小, 而且是連續三塊都是”細碼”, 很不平均吧? 看看圖片就知道了!烤雞腿肉串 ($23/ 2串)雞肉還算鮮嫩彈牙, 只是沒有什麼亮點, 我會將這廿多元多點一次牛舌吧!燒四季豆 ($12/ 份)經過燒烤的四季豆, 口感好像干煸四季豆, 好爽脆.極品烤餃子釀雞翼 ($25/