逸之燒 (已結業)

又到食蟹時候，今日相約友人到元朗食皇帝蟹，一蟹四食，《逸之燒》更是不二之選先點一些小食及壽司先蟹柳壽司、玉子壽司，玉子有微微的蛋香味什錦壽司 $198，十款也是不一樣的，件件樣子精美，魚生新鮮又大件雞泡魚乾，這裡做得十分出色，烤到剛好，還可選擇要一份/半份池魚原條薄切 $188，新鮮鮮甜，配上酸汁食感覺特別燒蟹蓋膏，很大隻，用火爐一路燒一路食，很滋味燒蟹腳，師傅已得細心地幫我們剪開了，減低我們食的時候岀現論盡情況蟹腳 SHABU SHABU，有蟹腳、麵、菜、豆腐、鳴門卷、獅子狗、冬菇.....食材，好豐富呀還有一份 蟹粥，作結尾黃金比例的 ASAHI 生啤

今晚同朋友來到元朗食這間日式店，店舖唔大，位唔多，我們一行人來到先點點前菜，之後才食主菜。雞泡魚乾十分野味，而且軟硬適中，淨食或點醬食有不同風味，送酒一流。比較味淡，不論芝士和年糕。雞翼香脆，淡淡鹽味，但有點乾。主菜開始，皇帝蟹宴四食，先來蟹蓋，超多蟹肉，配上蟹膏，十分香口。黃花魚肉嫩，重咸味，加上燒香，一樣食唔停口。主菜二，燒蟹腳，無乜燒味，而且醬汁味淡。池魚刺身，整食無泥味，新鮮，肉“林”，點上微酸醬汁或刺身醬油配wasabi都一樣好食。因為小弟唔太喜歡大蔥，所以感覺麻麻。不過撇除大蔥味，唔會重酒味，藍青口幾多，足料。魷魚筒徧乾，魷魚鬚微脆，一般。主菜三，SHABU配料豐富，乾烏冬，豆腐，鳴門卷，香菇等。（小弟第一次食乾烏冬，好滑。）主菜四，粥底好綿，不過無乜蟹味，味淡。五個人都係二千幾，唔貴，今餐十分豐富，上菜速度適中，環境舒適，不過主菜四食味道一般，相反池魚刺身和雞泡魚乾有驚喜，滿意的一餐。

最近發現元朗有間食蟹出名既日本料理，上星期四訂枱同老公去食，大約晚上7:30去到，餐廳入面已經坐滿人，好在之前訂左位～舖入面枱唔係有好多張，日式佈置～依間餐廳既松葉蟹、刺身都好出名，於是同老公叫左個松葉蟹四食$628同什錦刺身$298～首先黎什錦刺身～刺身好新鮮，拖羅好甜～好耐冇食過咁好味既拖羅海膽鮮甜跟住到主餐，燒蟹膏蓋～一邊有爐燒、一邊用匙勺黎食，蟹腳已被細心剪開，拎起唔使用剪刀剪開就食得，啖啖肉Shabu Shabu,啲麵條好食～～蟹粥～鮮甜到不得了，入面好多料、好多蟹肉餐廳入面都有日本人光顧，價錢屬於中檔次，但一分錢 一分貨，完全合理～如果大家想去食，一定要訂位同訂蟹，如果唔係等候時間就耐

我記得「逸之燒」係一位朋友推薦我去食的，已經食了好幾次，一試愛上了，可能因為我較喜歡食海鮮同埋日本食物，今次就同大家分享下店舖有 Bar枱，可讓廚師和客人近距離交流先點個什錦剌身，魚生新鮮，帶子鮮甜、最欣賞拖羅肥美入口即溶今日四人行都想食串燒，唔洗諗咁多，點一款十本乜都有我至愛燒蟹蓋膏，香濃的蟹膏+蟹肉，仲有個小爐熱住食燒蟹腳好大隻，店舖還很細心幫忙剪開了，方便我食蟹腳 SHABU SHABU 用料新鮮，配上昆布的湯底十下十下鮮甜岀來了，個人推薦烏冬必配芝麻醬一齊食，超喜愛一蟹四食，第四食用上綿綿的蟹粥做 Ending Yummy 皇帝🦀餐，通常我會選擇星期一至四食，因為只需 $888抵店舖內約有十張枱，當晚已有幾枱日本人在品嘗各種美食/品酒聊天，感覺親切温馨提示：避免撲空，可在 Open rice App 訂位

元朗真係越黎越多好野食...唔需要出到去尖咀,CWB等等...咁岩今年相公生日要開工真係極少有...又唔知收得夜唔夜所以都係決定係元朗食穩陣D..知道LEE間野有燒蟹蓋好耐不如就襯生日食餐貴既~~打電話去訂位順便訂埋個皇帝蟹宴餐...去到先揀豚肉定牛肉做shabu shabu...一坐底就送上小食枝豆同叫左支蘋果酒等左一陣就送上我期待以久的燒蟹蓋待應送上時先簡單解譯一番, 內裏除左蟹膏仲有拆左出黎既蟹肉撈埋一齊...食落好鮮甜好香蟹膏味..只可惜..越食越鹹...但都還可以~差不多的時候就送上燒蟹腳, 待應會留番個爐比我地放D蟹腳就唔怕凍..但我地食得太快完全冇用過個爐...勁粗腳勁好味勁爽甜...真係一流!!!!!!!!!!!!!!其實食完唔知點解有D飽...可能D腳實在太好肉地...再送上shabu shabu..一人一份配料...有豆腐, 菜, 獅子狗, 菇等等..其實份量都幾多..仲有稻庭烏冬...我地最後揀左黑豚肉....味道唔錯但我太飽只係食左兩塊..最後烏冬仲食剩好多.待應話唔好嘥所以比我盒我地入左佢外帶..真係好~~因為我仲要留肚食LEE個蟹粥...點知臨尾香.....

幫朋友慶祝生日，預先幾日book定位，使用openrice網上訂位服務，簡單又易用想食皇帝全蟹宴，呢間真係好選擇，舖頭位置較偏僻，還好住開元朗不算難找，佢地有在訂位後打電話給我再確認，當日準時七點去到舖頭，告訴我已經訂位及皇帝蟹餐，就已經安排好一切。坐下就送上兩份日式沙律作前菜，作為整餐開胃菜頭陣。沙律差不多吃完，第一度燒蟹蓋很快就送上，上菜速度很有效率卻又不趕急，蟹蓋很大，蟹羔混合醬汁煮成，味道濃而不膩，我們密密口很快就清光整個蟹蓋，味道真係好正！吃完蟹蓋馬上就上第二度燒蟹腳，其實蟹腳已經預先煮熟，只要再將蟹腳燒香就可以食用，蟹腳很粗，肉很豐富，蟹腳很有鮮味，吃到停不了口，燒完一件又吃一件，殻有預先𠝹開方便食用，沾上付上的蟹汁來吃，實在滿足。再來是第三度蟹腳火鍋，有新鮮蔬菜、豆腐、大蔥，冬菇、金菇、獅子狗卷、烏冬⋯等等，所有火鍋料都很乾淨又新鮮，自己將所有配料放入煮，味道很天然能食出所有鮮味，蟹腳吸收了所有配菜味道又是另一種風味，其實吃完這火鍋已經飽到8-9成。火鍋吃完就到最後一度皇帝蟹粥，粥底很綿，有蟹香鮮味，雖然吃完火鍋已經很飽，但這個蟹粥的美味卻又不能放過，自己幾乎吃了大半鍋粥

今晚和男朋友周圍搵野食，經過呢間舖男朋友就比皇帝蟹宴呢四隻字勾引左啦，入到去店員親切有禮，笑容爆燈，環境清幽，播著日本音樂非常舒適，是日晚餐點了皇帝蟹宴四食，雞泡魚乾，磯煮鮑魚，串燒冬茹，虎蝦，第一次食沒有寄予厚望，但好意外出奇地好食，下次一定要再食，推介推介！！