施心畢老撾餐廳

營業中

休息中

▪️ 燒豬頸肉撈粉 ▪️豬頸肉燒得外脆內嫩，肉質鮮甜多汁，帶有微微嘅炭香。粉條爽滑，但魚露汁嘅味偏鹹，有粉粉唔適應。配埋青瓜絲同薄荷葉，清新又唔會覺得膩，口感豐富。▫️ 網狀蝦春卷 ▫️網狀蝦春卷外皮炸得金黃酥脆，內裡包住新鮮嘅蝦仁同蔬菜，蝦肉彈牙鮮甜。配上酸甜嘅泰式醬汁，味道更加突出，食落去每一口都充滿咗蝦嘅鮮味同蔬菜嘅脆口。▪️ 龍眼茶 ▪️清爽解渴嘅飲品，帶有淡淡嘅龍眼香氣，茶底清香回甘，甜度適中，唔會過甜。▫️ 芒果糯米飯 ▫️糯米飯煮得軟糯香甜，配上新鮮芒果片，芒果嘅甜香同糯米飯嘅黏糯完美結合。加上少少椰漿。食完真係好飽。燒豬頸肉撈粉同網狀蝦春卷味道出色，龍眼茶清爽解渴，芒果糯米飯更係一絕。味道唔一定好正宗，但適合返工日嚟簡單享受一餐，放鬆一下。

係我喜歡嘅滴流上次經驗不錯，所以今次帶朋友去食。冇訂位，但好快就有位Menu 都換咗雜誌形式今次試撈粉，可惜一食就見到有條頭髮。平時一見到有毛髮就冇胃口，但又唔想浪費，唯有照食。剛知食落覺得個粉根本就未煮熟，只好同waiter 講聲，但waiter 都算識做，即刻換過一碟新嘅俾我。其實嚟碟味道確係不錯，醬汁酸酸甜甜，又開胃，豬頸肉亦好夠味。朋友order 咗豬肉碎太陽見球表示豬肉碎冇乜味。跟餐飲品order 咗咖啡同奶茶。奶茶還好，咖啡係我鍾意嘅滴漏咖啡而且仲用上精緻嘅杯，但鍊奶落多少少會更好。，