稻香訓練酒樓 (已結業)

朋友 4 月尾退休返泰國，相信呢餐都係喺佢離開前同佢食嘅最後一餐，帶咗佢嚟飲茶。朋友第一時間話要食鳳爪同排骨，佢食鳳爪時話呢個係 best dim sum ever，因佢食到香料味，跟住食燒賣又樹起手指公，但個帶子角就差小小，要搓 ching chum 決定邊個食埋最後嗰件 😅😅呢度飲茶食飯環境無得輸，坐得舒服，飲完茶原本想行吓佢個博物館但未開，想走嗰時有位職員提早 15 分鐘開比我哋 👍👍原來佢哋會招待一些特殊小朋友，我見個小姐好有愛心咁慢慢同佢哋講解，又幫佢哋影相。後來見啲小朋友有張紙玩壓印，我哋問返嗰位小姐佢又比我哋，仲話我哋知一共有 7 部壓印機，咁就開開心心咁過咗一個早上 💖

呢間稻香訓練酒家，點心原來幾多款色，服務又幾好，侍應們態度算親切，整體水準都滿意。最喜歡呢個客家炒腸粉，其他酒樓通常都會食xo醬炒腸粉，呢間就有呢款「客家炒腸粉」，腸粉夠滑，老抽味濃，本人喜愛老抽，所以十分啱口味，還有椰菜一齊炒，椰菜清甜有菜味。「蝦餃」，「燒賣」都好味，一籠一粒。蝦餃隻蝦大大粒夠爽口，調味適中，蝦餃皮很軟滑。燒賣蝦肉都爽口，豬肉也夠口感，不會太肥，無咩肥豬肉。「炸豆腐粒」夠乾身，处層脆口，內裏豆腐夠滑，鹽味足夠，而且好夠熱。「排骨陳村粉」排骨好入味，尤其豆豉味好夠，所以滲入去啲陳村粉當中，啲粉都好夠豆豉汁。「例牌义燒」嗰樣其實唔係幾吸引，睇落好似好硬，但食落口原來幾諗，蜜味又足夠，算係幾唔錯嘅义燒。「燒鵝」有火熱住，所以一路食都夠熱。皮都好夠脆，肉質夠鮮，算得有水準。