kikusan (已結業)

Heard their Kikusan Roll is their highlight!It was pretty good and fresh Uni😍This Unadon is perfect! Appropriate seasoning, soft and juicy texture! Such a blissful bowl😋 It’s been a while since I ate grilled eel- coz last time I consumed a cold and fishy bowl😢 But this hot Unadon just healed my stomach😍

每次經開kikusan都見好多人等位，裝修好日系，大部份地方都用上原木，感覺好舒適。入面地方寛敞，餐枱頗大張，雖然坐得舒服，但餐廳多客的關係，環境較嘈吵，要大聲講野先傾到計😅千層豬排擔擔麵友人吾食得辣，所以叫左個走辣版，湯底冇左陣辣味都依然出色，非常濃郁炸豬排先最令我意外，肉味突出，好食燒鰻魚飯燒鰻魚唔錯，冇魚骨，魚肉索晒d燒汁，但唔會死鹹，白飯就一般，唔粒粒分明錦繡野菜天婦羅呢碟抵食，$68有5件大大件，除左件蔬菜餅外，材料新鮮，炸得非常乾爽，一d都吾油膩串燒飯糰棒─除非你好中意食飯焦同好似爛飯黏埋果種口感，否則絕對唔推薦雞腎─非常彈牙爽口，保留小小雞腎獨有嘅味再加好入味嘅酒味鹹味，非常好食煙肉年糕卷─佢呢度嘅年糕都偏腍，吾煙韌，所以一般豚肉小籠包大大粒，充滿湯汁但唔算鮮甜，外皮唔算超薄，整體都可以嘅日式年糕配雲呢拿大葉汁望落好吸引，有微微烤燶，以為烤燶嘅地方會脆脆地，點知係冇嘅，成粒都腍patpat, 唔煙韌，個汁偏甜，整體麻麻綠茶紅豆驢打滾呢個嘅外表反而有輕微焦脆口感，內有原粒紅豆，適合唔中意食太甜嘅人士

呢度有幾多選擇，係中日式fusion嘅餸😋芝麻冷菠菜（$48）睇落去好似好細份，但係其實幾大份🤔賣相精緻有心思。點D凍豉油食，係幾好嘅前菜。燒鰻魚飯（$138）飯唔少，鰻魚都幾大。鰻魚有D嚼頭，唔係太腍，睇吓自己鐘唔鐘意啦。辣免治雞溫泉蛋飯（$88）我個人食唔到辣，但係佢唔俾我少辣，咁就索性走辣😅。免治雞肉好多，飯睇落去好似好少，因為佢撳到好扁，但係其實整碟好飽肚。個人覺得雞肉鹹得濟，但係撈埋蛋同埋飯一齊食好好味🤤。因為環境較暗，同埋有好多二人臺，所以係同朋友/伴侶傾計嘅好地方☺️。

成間舖全木質嘅裝修， 加上黃黃嘅燈光感覺好舒服，價錢適中，性價比高。必試千層豬扒擔擔拉麵， 豬扒係用幾層豬肉夾埋一齊炸， 外皮非常之鬆脆， 豬扒口感唔鞋， 辣辣嘅湯底加上濃郁嘅湯汁，面頭潵有花生碎， 鍾意濃郁口味嘅朋友一定要試。

今晚約咗班姊妹守望，第一次黎食這間中日fusion 餐廳。環境唔錯，幾浪漫（暗暗燈光）有個大廚房，見到好多一籠籠湯包這裡無得訂枱，所以黎到要自己攞票（幾多位）等號碼入坐（好受歡迎哦，越夜越多客人等位）餐牌唔多野，只有一頁加背面，有點心、小菜小食、燒烤、卷物刺身、粉麵飯。我們一行4人叫咗6樣：青木瓜沙拉原來連泰國野都有，青木瓜好清新好爽脆，酸酸辣辣好野味好開胃雞肉小籠湯包皮好薄好易爛，要慢慢夾好小心，湯汁好多，雞肉內餡無咁油膩，咬口不錯Kikusan 卷這個是好朋友的最愛！我們仲encore, 好新鮮！有大大魚籽的脆口，吞拿魚蓉加上香滑海膽，海膽好鮮甜千層層豬扒擔擔麵香辣又香濃！麵都爽口，豬扒好正，厚但腍燒鰻魚飯我有點失望，鰻魚口感都好，但無乜汁，好乾身服務唔知是否客人多，麻麻地的態度哦