鳥炎屋

營業中

休息中

今日係尖沙咀亞士厘道呢邊搵到間樓上日本野近排節日多，成日都想食好d哈哈呢間店，由一入嚟就已經感受到佢地嘅服務熱情馬上斟好茶仲會主動介紹食物，抵讚！★★★★蕃茄牛油果沙律 $68沙律菜好清新爽口，個醬汁配搭得好好味牛油果同蕃茄都大大片★★★燒鱈魚干 $40好脆口的燒鱈魚乾，點埋醬更添風味，當平時D零食咁一路食一路傾下計都唔錯★★★★雞肉串 $30★★★手羽雞翼串 $35★★★阿波尾雞腎串 $38再點咗３款串燒，不過不失，燒得都香口★★★★一口炸芝士 $68炸得好香脆，一咬開入面濃郁嘅芝士香散發晒出嚟★★★帶子刺身 $50帶子新鮮，滴少許檸檬更顯鮮甜★★★★油甘魚壽司 $38★★★★三文魚火炙壽司 $32兩款壽司都係我喜歡的，油甘魚魚味濃郁，而火炙過嘅三文魚更添一份魚油香味★★★★★牛肉烏冬 $90呢個牛肉烏冬一d都唔普通 ！首先上到嚟，牛肉仲係半生熟，可以見到半粉嫩嘅質感，睇落都好新鮮牛香濃，肉質鮮嫩，而且大大塊份量都唔少配上稻庭烏冬的清香同彈牙，味道超級正，連湯都可以飲晒★★★★明太子茶漬飯 $78明太子好夠味，鹹鹹香香撈埋湯一齊食一流鳥炎屋 Torienya整體評分★★★★地理環境★

燒鱈魚乾第一次食鱈魚乾，原來咁香脆可口！不點沙律醬都好好味，愛上了這前菜。日式炒雜菜好好食呀🤤🤤調味一流又香，order 個陣仲會問需唔需要少油少鹽，好貼心。之前睇過日本藉youtuber示範炒雜菜，同眼前呢個一模一樣😍刺身新鮮 爽口 本身無咩味 點佢自製既醬油食好正 自己獨食呢半條魚😎鐵板牛油帶子好大粒，肉質彈牙，鐵板既好處就係放耐左都唔會變凍唔好味❤️我連下面既炒洋蔥都食哂明太子玉子卷係日本旅行只鐘意食無餡同好甜既玉子燒，以為自己會唔鐘意食呢款，點知我地都覺得好好食同好夾！開左眼界😂串燒好香 燒得又脆 又入味 手羽先👍🏻火灸三文魚壽司夠厚，好有口感，入口即溶，好耐無食過咁好味既三文魚壽司!!!黑松露牛油果卷：avocado lovers 可以試下，師傅握壽司既手勢好好，飯握得實之餘仲有醋香鰻魚炒飯睇落唔多其實份量好大，超飽

因為有半價優惠去試下。推薦之選：牛舌、芝士大啡菇唔抵之選：粟米（得四分一條但收$48），燒鱈魚乾（可以話係用片零食烘一烘俾你）不過大家留意，係唔抵，唔係唔好味。今次只係試左串燒，埋單半價左二個人$250，下午茶。

1 -燒鱈魚乾~~~條條都燒得幾脆，唔點沙律醬都食出好香嘅燻鱈魚味~~2 -牛油果沙律~~~牛油果都幾多, 沙律菜都好有光澤, 新鮮+清新~~3 - 鵝肝多士~~~試過其他放題/居酒屋的鵝肝多士，鵝肝都係例牌比一細舊你「交功課」。不過，鳥炎屋嘅鵝肝多士絕不欺場，大大塊而且厚切，一啖咬落去仲有鵝肝油溢出，頭一次覺得法包唔夠大塊去索油呢~~4- 芝士海膽燒珍寶大海蝦~~~成晚有驚喜的高潮位正是鋪滿芝士同海膽的特大海蝦~~ 既足料又濃味，一般只會比少少海膽或者海膽醬，但芝士下面塞滿海膽，令人超回味, Ichiban~~5- 厚燒鰻魚玉子~~~招牌之一果然名副其實，玉子滑嫩且蛋漿蛋味濃, 內裏的鰻魚竟有一層脆皮，配埋甜鰻魚汁，接近完美的作品~~ 呢個真係必食!! 6- 冷烏冬~~~大熱天點了一份冷主食，烏冬份量夠分兩大碗，沒有鋪碎冰也很有冰涼感。而且好彈牙，加少少蔥花食，是為消暑小品~~

已經唔係第一次嚟鳥炎屋，慢慢變咗自己屋企一樣咁～哈哈～次次一班人嚟氣氛都好好，嘢食又正～有Ｄ嘢食係必點的～餓鬼梗係食住小食再等刺身同主菜，鱈魚乾卜卜脆，一人搶幾條，勁快就食哂！刺身同火龍卷都係等左一陣就到，盤刺身好似識發光咁，刺身新鮮有光澤，厚切肥美～最正係拖羅！火龍卷都好具份量，炸蝦同牛油果都好鬼多～北海燒蠔熱辣辣，鋪滿芝士，GOOD!朋友食完芝麻雞翼，用嚟送啤酒一流咁話～天婦羅一向都炸得唔錯嘅，炸粉唔厚，唔會食到啖啖麵粉同油淋淋~平時食開厚燒鰻魚玉子，今次試下個明太子玉子燒，可能我個人都係偏愛鰻魚，但明太子都唔錯。天口熱，叫個冷稻庭烏冬爽爽口。新出咗個燒菠蘿！正！呀！喂！唔好以為燒兩嘢就冇咩特別，查實佢表面係有一層燒焦糖，成件事好完美！我地食完再encore，呢個真係必食！成班人圍威喂，吹下水啤一啤，又有正嘢食，價錢一Ｄ都唔貴，推薦推薦～