GoldBlack Creative Coffee Journey (已結業)

經過青衣城，發現有新的咖啡店，唔算好多人，有多款飲品及小量麵包甜品類及小食，裝潢幾型格有特式，所以同朋友坐陣閒聊一下，飲杯創意咖啡。有數款創意咖啡、牛奶咖啡、梳打、沙冰、雞尾酒、朱古力特飲、茶類及果汁.....及小食。點餐及付款，就可以搵個喜歡的位置坐，有吊籃椅、沙發、高身吧枱....我同朋友都懶洋洋地坐沙發。待提示器震動就可取食物。爆谷風暴，好特別，可以係咖啡上加入爆谷，係件好有趣又創新既事，味道係口感上多了變化。爆谷脆卜卜又輕盈，好似食左陣風咁，焦糖味好香甜，混合咖啡後，中和咖啡的甘苦，加入焦糖的甜味到咖啡度，有如焦糖咖啡的升級版，咖啡味道好平均，也變得易入口，奶泡綿密滑溜，令咖啡更美味。謙虛伯爵，將咖啡加入不同元素，創造不同味道，呢款有伯爵茶味，唔上單調茶葉，伯爵茶還多份橘子清新果香，令茶味更有層次，咖啡與茶味都平衡，所以飲落先有茶味，再慢慢跑出咖啡味，而且只有輕微甜味，幾岩男仔飲。熱溶瑞士芝士配薯蓉、小馬鈴薯、鴨油焗薯（黑松露醬），追加雜錦精選香腸。好豐富好香，即叫即做夠哂熱。雜錦精選香腸有四款，有兩款都有芝士餡，其中一款同一般脆皮腸一樣，咬落爆開的脆皮腸，內有芝士餡。另一款亦

係青衣城想搵個地方坐下飲杯野，靜靜地都唔係易。老牌綠色咖啡店唔靜之餘又唔係坐得舒服。最近發現左一間新既創意咖啡店開左係舊戲院果層，裝潢用上黑白色做主調，型格之餘仲帶點高檔同舒服既感覺。比起綠色果間，依間d咖啡走創意路線。除左咖啡，仲有好多款梳打、沙冰同花茶既選擇，夜晩黎想飲杯野一個人靜靜地，都唔驚飲完訓唔著。d飲品名實在太吸引，樣樣都想試下係咩黎，店員亦都好主動咁詳細推介。最後我地決定試下爆谷風暴同藍海。藍海，顏色係漸變青藍色，搞匀後又變左糊水藍色，真係超級靚👍🏻忍唔住要相機食先。而味道都好正，係青檸加菠蘿味既梳打，酸酸甜甜，好清新既感覺。另一杯我地要爆谷風暴，係店員重點推介！有爆谷係面既咖啡，真係創意滿分！依d創意咖啡系列原來每季都有四款，最岩鐘意試新野既我。一般凍咖啡其實都會加左冰同水之後變得冇乜咖啡味，但係依杯凍咖啡仲可以保持到超高水準嘅香濃咖啡味，甜度岩岩好。更加爆谷既襯托，又有另一份既新鮮感。小食就叫左個黑松露熱溶芝士鴨油薯仔，薯仔有幾個口感，有d係厚切，有d係原粒小薯仔，加左鴨油既油香，熱辣辣好咸香好野味。而且芝士係同平時果d係有分別，即場睇住佢熔好治癒，厚厚一層芝士，好足

今日放假同朋友仔去青衣城行街shopping，行到累累地，就揾個地方坐低飲番杯野，見尼間新開嘅Goldblack幾grand幾舒服咁，就試試吧店內裝潢走型格路線，顏色以黑白同木色做主調，有一種柔和舒適嘅感覺坐位亦舒適闊落，有sofa，吧枱，卡坐等提供，非常多元化飲品方面有好多選擇，有牛奶咖啡，朱古力飲品，cocktail，沙冰，茶類，蔬菜汁同梳打等等，店員非常熱心為我們介紹呢！真係好nice店員仲特別推介創意咖啡比我地，有四種口味非常獨特，其中秘密的彩蛋咖啡係需要惠顧幾次才可換購，好有gimmick，而且每季都會有不同口味推出，有創意，我欣賞小食方面有三款選擇，有肉丸同焗香腸，比較特別嘅係熱熔瑞士芝士配薯蓉，小馬鈴薯及鴨油焗薯，仲有三款topping選擇，我尼個薯仔控梗係要叫一份試下啦飲品未到小食先到，賣相非常吸引，熱辣辣，黑松露醬好香，令人垂涎🤤小馬鈴薯🥔又香又cute，軟硬度剛好，果然薯不簡單鴨油焗薯好脆身，吸收左鴨油嘅香味又真係別有一番風味薯蓉配合芝士好creamy，味道好有層次仲配左酸青瓜同醃洋蔥，剛好中和薯仔嘅厚重感，而且令人非常開胃尼杯叫藍海，係青檸菠蘿蓉梳打，顏色漸層好靚