616牛肉火鍋專門店 (新時代中心)

營業中

休息中

呢間火鍋店專攻牛肉各個刁鑽部位，多達20 款，有d仲係每限量供應🐂每款都係幾十蚊碟，分量細細碟，可以試多d唔同部位😍仲有自家釀製嘅「616 原漿啤酒」🍺💗鴛鴦沙牛湯底 ($82)溶岩沙嗲湯底非常濃稠，將食材變得更濃郁惹味🥘；牛骨清湯以白蘿蔔、芹菜、牛腩熬成，有助突顯食材鮮味🍲💗特選和牛盛 ($274)信州和牛以「蘋果飼養的牛🍎」而聞名，肉質特別肥美鮮甜同柔軟1️⃣赤身：即使係瘦肉部位，肉質依然細緻軟嫩，肉香濃郁2️⃣羽下肉：又稱翼板肉，油脂分佈較多，入口即化，但食得多比較膩3️⃣牛胸肉：又稱牛五花，肉質結實帶油筋且油脂甚多4️⃣澳洲五花趾 (送)：則金錢𦟌，牛肉最富有彈性，筋肉感十足💗花雕醉牛 ($48)精選尾龍部份，則係牛後腿外側，用袐製花雕汁醃製，食落係超級超級嫩滑，有牛味之餘，再慢慢滲出花雕酒香🥃💗牛上肋 ($68)屬牛前胸第三支肋骨，係牛胸腩排最靚嘅位置。肉味濃郁且夠油香，中間帶筋位，同時食到肉嫩同爽口嘅口感😋💗澳洲和牛牛頸脊 ($68)牛頸脊係牛運動量較多嘅部位，肉質較有咬口，肉味最為濃郁👍🏼💗牛胸膀 ($48)屬牛前胸部嘅脂肪肉，雖然好似好肥膩，但入口煙韌爽脆，越咀嚼越感到牛油脂香🤤💗手打

同朋友食飯，4個人叫咗4款牛，唔多，但係每樣都可以試啲平板電腦落單，醬料自助每人$10橫膈肌牛肉味最濃，油脂同肉嘅比例均勻五花趾較韌有筋，但係都幾有特色蝦滑彈牙鮮味！short ribs係最多油脂，最好食嘅，淥6秒滑尾龍令人諗起尾龍骨，牛肉片真係滑，就算淥咗20秒，都仲係好嫩，好似茶餐廳嘅滑牛鴛鴦湯底好正，清湯個邊有蘿蔔牛腩，入面嘅牛腩仲要係幾靚幾好食嘅沙嗲味濃，重口味之選水魷乾淨爽口，份量有足足一隻牛筋丸彈牙，雜菇都好特別，有隻刨到好似鉛筆咁嘅菇，食落爽口最後仲叫咗啲芋絲，烏冬，encore響鈴，食得好飽好滿足

店員推介既花雕蜆做湯底真係好正蜆肉一定夠3個人食佢主打係牛，有圖教曬你唔同部位滾幾耐，好撩撩既部位都有，胸口膀+匙柄好正！但我最愛是牛上肋👍🏻雖然主打係牛，但我覺得牛味唔算好重，但牛肉餃會重牛味啲佢啲飲品幾特別，我飲左菊花桂圓茶，男友飲左玫瑰茶，唔會好甜但又開胃又清熱👍🏻好推介👍🏻最後甘鮮味既湯底緊係要落個烏冬食啦😋但啲野細細份要食到飽真係會幾貴，我就$640賣單，飽感都ok（可能食左個烏冬啦😌）